نتصالح ليش

نتصالح ليش
ردوا عليا قولوا ليش ياقطط وياخفافيش
ردوا عليا
ست سنين من فكر فيا كيف حياتي فيها نعيش
ومن لمد ايده ليا منين الراتب انقص مافيش
ومن لمنكم حاسس بيا لما اولادي تبات ف رعيش
ويلي جاي اطالب فيا – وتقولي كان تبي تعيش
كيف يكون الصلح معاكم
وكيف تبوني ننسى بلاءكم واولادي ف السجن تعيش
يلي الناتو يومها حماكم واولادي لحمها طراطيش
وكيف تبوني نعيش حذاكم ياسراقه ياخفافيش
العيب مش فيكم
فلي طالع ايطبل ليكم بعد كم جلسه سريه
خرج اليوم اينظف فيكم بسم الوحده الوطنيه
وياما حكاوي حكاها عليكم متناسي شن درتوا فيا
ومن اجل مصالحه اللي فيكم تناسى مبادئه الثوريه
وتناسى الجماهيريه
-------
اسمع يلا هذا الرد
من ليبي ماهو مرتدد لا يقبل ف الذل ايعيش
اللي اوقف لناتو ند – لا خاف ولا ركبه رعيش
لو الميت حي يرد الصلح معايا مافيش
حتى انرد ثاري فيكم وتعود الجماهيريه
ممكن يمكن نرضى نعيش
معاكم ياسراقه وياخفافيش