طايفةغبنتن

بعد العشرة الباهية ليبيا فتى فيها الجهاد
في كلّ يوم تطّوّر تزيد وفي كلّ شارع متبزّع الدّم
وراكم ناس رجّالة الكيد ردّوا بالكم لاش الغشم
وقال مؤامرة جت من بعيد واللّي نخططه لازم يتمّ
ومانرضاش بالحكم الجديد ومانرضاش تبديل العلم
النّساء والذرّ عاملينا غريد بدووا يخشّوا في وسط الحوم
وثمّة اللّي يبكي في قلبه كميد يتبّع فيه تتبيع اللّزم
يعذّب فيهم وعذابه شديد يقتّل فيهم كي الذيب في الغنم
يلمّوا فيهم في شكاير سميد وآش تقول كي ربّك حكم
ويضرب فيهم بالنّار والحديد يقرّض فيهم تقريض الجلم
وهوذا ميتهم زعمة شهيد ملاّ شعب كيفاش انقسم
وريت الأيّام كي ترقل تميل وريت الوقت كيفاش انبرم
وشعلت نارها شنهو اللّي يفيد ان شاء الله تريض وتبات عالسّلم

*******
وفيها الضّرب في اللّيل و النّهار وكانت ليبيا تركّب الكيف
ويا مولاي كي شعلت النّار للكفّار في الشّعب الضّعيف
وللهم وقت في الهمّ والدّمار يشدّوا الرّاجل ينقصّ مقاليف
راهو فعلهم يعمل العار قلّة الأصل و الدّين الضّعيف
بدووا يخشّوا في وسط الدّيار وكان عياطهم عامل زفيف
النّاس السّاكنة ضاقت المرار فوق الجمر في طمبك الصّيف
وريت كي خليت من بعد العمار وبيرجّعها لحكومة السّيف
بدووا هاربين خاشّين القفار وقالّك فضلوا سكنة الرّيف
ان شاء الله تكون أيّامك قصار ومدّة حكمك شبوب القصيف
يتّم ذرهم قعدت صغار هذا تقول من ضنوة جويف