منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

صب المر كان المر طاب ...

اذهب الى الأسفل

صب المر كان المر طاب ... Empty صب المر كان المر طاب ...

مُساهمة من طرف الشابي في الإثنين 18 يناير - 0:48

صب المر كان المر طاب ... موش امر من فقد الاحباب .. ..
صب المر خليه معقود...انكان تريد في حقي تجود ،،عليه ادمنت خذتا طق عود... لشرب المر جسمي يستجاب،، وانكانك قلت يصهد ف الكبود.. انقول هاذيك لكبود الرطاب،، صب المر كان المر طاب ... موش امر من فقد الحباب .. صب المر صب .. حتي المر عندي ينشرب،، ونا والله ما جيتا رغب... الا من شي منا الفكر غاب،، ها الزمان من قو العجب... نبت نوار في ذيول الكلاب،، وها الزمان حبله منكرب ... تسكر باب ينفتحن ابواب، وها الزمان بدناها سبب .. يصير اخياب ويطيحن ارقاب،، وها الزمان حتي م الحطب ... العود الحر هارم م الجداب،، وها الزمان حقيت الثلب ... يقود الحشو فيهن لشراب،، وها الزمان شياله اغلب ... وشكا من شيل لحمول الصعاب،، وها الزمان حتي في النسب،، ... فيه الراي في ايدين الشباب،، وها الزمان حتي الي كذب ... القي من قال قال الا صواب،، وها الزمان فيه الي اذهب ... ريت العكس قالو ويش جاب ،،وها الزمان فيه الي خنب ... عند الناس يحضا بي الاعجاب،، وها الزمان سكن الخرب ... بدو في بنئ نطحات السحاب،، وها الزمان فيت يفزع الرب .. الا مافيه ماشي للخراب ،،ونا في الدهر راني ما نسب .... انخاف الله وانخاف
العقاب،،
وعندي عقل من طول الدرب ... خذا ع المر ما ع المر تاب،، عليش وليش منكم يا عرب ... طرحت اسوال وانريد الجواب،، ولو ما نخاف ناقع في مطب... ياما فيه عندي في الجراب
صب المر كان المر طاب ... موش امر من فقد الحباب .. ..

الشابي
الشابي
 
 

الجنس : ذكر
عدد المساهمات : 10320
نقاط : 30798
تاريخ التسجيل : 29/04/2014
. : صب المر كان المر طاب ... 126f13f0
. : صب المر كان المر طاب ... 8241f84631572
. : صب المر كان المر طاب ... 8241f84631572

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى