منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

تشلى بلاك اليوم ياقذافي

اذهب الى الأسفل

تشلى بلاك اليوم ياقذافي Empty تشلى بلاك اليوم ياقذافي

مُساهمة من طرف سالم عباد في الإثنين 10 أغسطس - 13:16

تشلى بلاك اليوم ياقذافي
وراح عزها اللي قبل سيطه وافي
يابو عباء وعمامه
غرقت بلاك اليوم في دوامه
ورخصت وهانت للصغا وايامه
وماعاد يسترها اليوم الضافي
مامن نواجع فاقدات زعامه
خلي صيتهن يغرد عليه السافي
ومامن أعويله بايتين إيتامه
اللي قبل كانو فالحنان الدافي
ومامن اللي قايم صلاة واصيامه
يدعي اللي ما شي عنه خافي
ومامن اللي رايح امشتت ياما
جفاء وطنه ماعاد جانا لافي
ياكبير الهيبه
اليوم ليبيا قعدت بلاك عطيبه
لقطر والسودان حق جليبه
بترولها رايح وضيك طافي
ومازات تدفع كل يوم ضريبه
برمت وبان ربيعها صيافي
ماعاد لا زهوة ولا تطريبه
وفي كبدتي كامي جميع أريافي
لوطن حار اليوم في طبيبه
يمشي كبير النجع وسطه حافي

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
وصلنا وين ما خضر العود
وعين الشمس قابلنا اقبال
احنا فرسان صيادة أصيود
وأحنا بركان ما يقبل إذلال
وأحنا لاجواد كسابة القود
لينا صيت ومواقف أرجال
سالم عباد
سالم عباد
 
 

الجنس : ذكر
عدد المساهمات : 107
نقاط : 5539
تاريخ التسجيل : 20/05/2012
. : تشلى بلاك اليوم ياقذافي 126f13f0

بطاقة الشخصية
زنقتنا: 69

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى