منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

كانت مؤامرة وباتت أحاديث مستهلكة

استعرض الموضوع السابق استعرض الموضوع التالي اذهب الى الأسفل

كانت مؤامرة وباتت أحاديث مستهلكة

مُساهمة من طرف gandopa في الإثنين 2 فبراير - 20:04

بقلم طيف الماضي
كانت مؤامرة وباتت أحاديث مستهلكة
و وقت مستنزف ليس إلا .
*-*-*-*-*-*-*-*-*-*-*-*-*-*-*-*-*-*
المثل يقول ( كل شئ يلقوله صبر إلا قلة الصبر ما ليها دواء ) .......في مجتمع يتكالب على الانغماس بقوة في سخف واقعه و يمارس إتكالية الانصياع و تعايش الإذلال ، و وسط زخم إنساني يمضي جيئة و ذهاب بين ساحات و صفحات ، تارة يستعجل أخبار الخراب و تارة يتلذذ بالانكفاء على ذاته المعطوبة وفي كل حال صبراً جميل والله المستعان .
بالليبي ....... الناس لأوله اتقول ( النعجة الطايشة من قسم الذيب ) و نحن ياما طائشين من قسمه ، دولة بحكومتين و و النية بنيتين و الله المعين ، يحاسبوا التغيير بالساهل وإلا كل راكب خيل خيال لكن كل شئ على قيس النية .
أيقولوا الوجه اللى تعرفه خير من اللي ما تعرفاش و أكثر منها ايقولوا ( الحاكم الشبعان خير من الحاكم الجيعان ) وبلادنا مكان لتطبيق كل ماقيل في موروثنا الشعبي و أكيد صاحب العلة ينخصوه مرافقه ، وبين أصحاب العلل و جوامع الخلل تتخبط لبلاد واتموت العباد وكل شئ ايصير في غوط الباطل من التفكير المقلوب و المفهوم المغلوط للحرية إلى ديمقراطية أعلام أتخلي دولة برمتها بلا اسرار ولا سياسة داخلية لانه كل شئ مسموح في دولة شبيهه بوكالة بلا بواب ، خاصة وانهم ايحبوا تطبيق المثل اللي ايقول ( فيه اللي زلته مغفورة وفيه اللى زلته فوق النخل منشورة ) ومانبيش نضرب المثل وانقول زيدان و بوسهمين ولا نبي نكشف سترة ايمان العبيدي ولا ننكر على مروه الزاوي حجم فضاعتها وهي اتعزي بإسم ستة مليون في عيت آل سعود ، و الأهم ما نبي نحكي عن التكريم في الخفاء و الليل والغناء والرقص على الإشلاء و ( صهن يا جاهل تلك من المستبيحات فسبح وكبر حلال بلا مقدمات ) .
الحمد لله اللى يمشي صحيح لا يعتر ولا ايطيح غير عاد هات من يمشي صحيح في بلاد صحة الوجه و ريتلي من وجوه جماعة فبراير امداس نمشي بيها لين اتبيد ، وياريت اللى يبي يمضغ القضية و ايخليها مستكة في فمه يعرف انه اللى يمضغ الحديد يخسر اسنونه واللى تهزأ عليه يقتلك ، فأمشوا صحيح يا الخضر لا تعتروا ولا اطيحوا و ديروا الخير و انسوه و الشر ديمة أروعوه والله يحفظكم من شر فبراير ...... خطرها بس أنا خاشينا في شهر مافيش ليه مسميات غير انه شهر النكبات .......... مع احتفاظي بيوم يعج مرارة فيه .....( طيف)

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
استمروا
avatar
gandopa
 
 

الجنس : ذكر
عدد المساهمات : 8574
نقاط : 17821
تاريخ التسجيل : 03/08/2011
. :
. :

بطاقة الشخصية
زنقتنا:

الرجوع الى أعلى الصفحة اذهب الى الأسفل

رد: كانت مؤامرة وباتت أحاديث مستهلكة

مُساهمة من طرف بلد الطيوب في الإثنين 2 فبراير - 23:19

أسلوب ادبي رائع في تدوين التاريخ والتحدث عن هذه الايام العجاف في حياة الشعب الليبيى.

ربي يفرج ان شاء الله .

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
فإذا ما اللحن غنى ذات يوم بمصائر

فتذكر يا صديقي

أن ذاك الوقع رقصي

بين كثبان المجازر

بلد الطيوب
 
 

الجنس : ذكر
عدد المساهمات : 9932
نقاط : 14291
تاريخ التسجيل : 22/12/2011
. :
. :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى