منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

هلوسات ليبي ...

اذهب الى الأسفل

هلوسات ليبي ... Empty هلوسات ليبي ...

مُساهمة من طرف gandopa في الأحد 21 سبتمبر - 10:12

هلوسات ليبي ...
السبت 2014.09.20
كلمة حق...
جيراني في السكن .. خصومي في الوطن !! لو كانت ماتسمى فبراير ثورة كما تدعُون فإن ما يحدث اليوم هو نتيجة طبيعية لتلك الثورة ؟؟ بل على العكس تماماً فان مايحدث ليس نتيجة إنما هي خطوات ضرورية لنجاحها !!...
قولولي كيف ؟؟
ثورة بدت بمسيرة تنادي بإسقاط النظام و أول حاجة درتوها نقزتوا ع المعسكرات والمراكز ومديريات الآمن والبحث الجنائي وفيه اللي وصل بيه الله يبعده لين فجر روحه في بوابة كتيبة الفضيل . ومتلثوا بالجنود الغلابة أصحاب البشرة السمرة !! وطلعتولنا علم أكبر واحد فيكم يتفكر فيه طشاشات !! وجبتوا 42 دولة تلاقت علينا حتى الامارات وقطر والاردن اللي كانت توقف على رجل وحدة لما يخشلها التاغية !! خذت غايتها في معسكراتنا وحديدنا وصغارنا ما طلقت شي حتى مسيرة لم الشمل اللي فيها الحفاظ والشيوخ قصفتها !! وهجرتونا وحبستونا وعزلتونا وخنبتونا !! ودمرتوا مدن تحت مسمى التحرير !! وفرحانين تحررنا في ستة أيام !!ودرتوا مزلزس وجبتوا سعادة المستسار ودرتوا عزي لمذيع الجزيرة حتى في بلاده والله ماهو محصل ربعه !! وزوقتوا سيارات الشرطة باللون العنابي او الاحمر !!! والناتو كان يقصف فينا ويمشي يستعرض فوقكم وانتم فرحانين تصلوا وتدعوا ربي ينصره !! وجاكم السلاح القطري في صناديق الهلال الاحمر !! وفتحتوا مراكز تدريب للشباب باش يمشوا للجبهة ويقتلوا الجيش الليبي اللي قالتلكم عليه الجزيرة القوات اللشعب الليبي المسلح !!
ولما انتهت دسكة كتائب القذافي في الوسط والغرب والجنوب جاء يوم استكمال ما بداته فبراير وهو تكميل عقاب القوات اللشعب الليبي المسلح اللي في الشرق !!
واهي قريب تكملهم يوم عشرة ويوم خمسة والحبل ع الجرار !!
معناها زي ما يقولوا في المغرب ( بلع فمك) بالليبي يعني سكر فمك واسكت... مازال شوية زريعة للجيش في طبرق وتو يجوها !!
ودم الشهداء مايميش .......... بروحه !!
والله عندي هلبة دوة لكن بنطول عليكم قلت خليني نختصر !!
وسامحوني (نهلوس) خوكم كلام عرب

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
استمروا
gandopa
gandopa
 
 

الجنس : ذكر
عدد المساهمات : 8744
نقاط : 19792
تاريخ التسجيل : 03/08/2011
. : هلوسات ليبي ... 706078396
. : هلوسات ليبي ... 824184631572

بطاقة الشخصية
زنقتنا:

الرجوع الى أعلى الصفحة اذهب الى الأسفل

هلوسات ليبي ... Empty رد: هلوسات ليبي ...

مُساهمة من طرف ابن مليون ونصف مليون في الأحد 21 سبتمبر - 14:12

شوفتم عقوبة الخروج على الحاكم حتى ولو كان طاغية كما ادعيتم انتم وغيركم من الاغبياء من حكمة  الاسلام في شأن عدم جواز الخروج عن الحاكم هو الابتعاد عن الفتنة لان الفتنة اشد من القتل ولكن طفرت كما يقال عندنا في الجزائر اللي راح ما راح يرجع اليوم  بقات عندكم عند ضمائركم الميتة لان معمر مات واستشهد على شرف بلاده واهل الليبيين ولكن انتم بقيتم ولكن ليبيا مشات مع قائدها واهلها الاحرار الشرفاء اللي ماتوا ...اصحو يرحم والديكم البلاد راح ترجع خربة ومراح يبقى فيها اي شخص تباح اعراضكم واموالكم واهليكم فمتى يستفيق ضميركم الاعمى متى يا ترى  ارجوا انت تكون نصيحة مني الى اهلي في ليبيا وهذه النصيحة لا اريد بها التقرب الى ودكم ولكن اريد بها وجه الله تعالى فما يقع في ليبيا منكر اكبير فيقوا واصحوا من سباتكم العميق ...حسبنا الله ونعم الوكيل ولا حول ولا قوة الا بالله العلى العظيم .
https://www.youtube.com/watch?v=7GqyCRhSg7E

ابن مليون ونصف مليون
ابن مليون ونصف مليون
 
 

الجنس : ذكر
عدد المساهمات : 682
نقاط : 4913
تاريخ التسجيل : 01/02/2014
. : هلوسات ليبي ... 126f13f0
. : هلوسات ليبي ... 8241f84631572

الرجوع الى أعلى الصفحة اذهب الى الأسفل

هلوسات ليبي ... Empty رد: هلوسات ليبي ...

مُساهمة من طرف جراح وطنية في الخميس 25 سبتمبر - 3:39

ﺍﻻﺭﺑﻌﺎﺀ 2014.09.24
ﺍﻟﻔﻴﻞ ..
ﻧﺤﺴﺎﺑﻮﺍ ﺍﻟﻔﻴﻞ ﻓﻲ ﺍﻟﻤﻄﺎﺭ ﻃﻠﻊ ﺍﻟﻔﻴﻞ ﻓﻲ ﺍﻟﻤﻨﺪﻳﻞ !!
ﻭﻳﻦ ﺍﻟــ 72 ﺳﺎﻋﺔ ﻭﻭﻳﻦ ﺍﻟﺠﺮﺍﺩ ﺍﻟﻠﻲ ﻓﻲ ﺍﻟﻘﺼﻌﺔ ﻭﻭﻳﻦ ﺑﺮﻕ ﺍﻟﻨﺼﺮ ﻭﻭﻳﻦ ﻣﺨﺘﺎﺭ ﺍﻷﺧﻀﺮ ﻭﻭﻳﻦ ﺍﻟﻤﺪﻧﻲ ﻭﻭﻳﻦ ﺍﻟﻄﺮﺍﺑﻠﺴﻲ ﻭﻭﻳﻦ ﺍﻟﺘﺠﻜﺘﻴﺮ ﺑﺎﻟﻠﺒﻮﺓ ﻓﻲ ﺣﻲ ﺍﻟﺰﻫﻮﺭ ﻭﻭﻳﻦ ﺍﻟﺮﺗﻞ ﺍﻟﻠﻲ ﻃﻮﻟﻪ 30 ﻛﻴﻠﻮ ﻭﻭﻳﻦ ﺍﻻﻧﺴﺤﺎﺏ ﺍﻟﺘﻜﺘﻴﻜﻲ ﻭﻭﻳﻦ ﺍﻟﺠﻴﺶ ﺍﻟﻠﻲ ﺣﺮﺭ ﺍﻟﻌﺰﻳﺰﻳﺔ ﻭﻫﻮ ﻋﻠﻰ ﻣﺸﺎﺭﻑ ﻃﺮﺍﺑﻠﺲ ﻭﻭﻳﻦ ﺍﻟﺠﻴﺶ ﺍﻟﻤﺪﻋﻮﻡ ﺑﺴﻼﺡ ﺍﻟﺠﻮ ﺍﻟﻠﻴﺒﻲ !! ﻭﻳﻦ ﺍﻟﻘﻌﻘﺎﻉ ﻭﻭﻳﻦ ﺍﻟﺒﺎﺷﻖ ﻭﺍﺑﻦ ﺍﻟﺮﻭﻣﻴﺔ !!
ﻭﻭﻳﻦ ﺍﻟﻮﺍﺷﻴﻦ ﻭﻭﻳﻦ ﺍﻻﻑ ﺍﻟﻘﺘﻠﻰ ﻣﻦ ﻛﺘﺎﺋﺐ ﻣﺼﺮﺍﺗﺔ ﺍﻟﻠﻲ ﻗﻠﺘﻮﻟﻨﺎ ﻋﻠﻴﻬﻢ ﻓﻲ ﻣﺤﻮﺭ ﺍﻟﻤﻄﺎﺭ ﻭﺍﻟﻨﻘﻠﻴﺔ ﻭﺍﻟﺪﺍﺧﻠﻴﺔ ﻭﺍﻟﻔﺮﻭﺳﻴﺔ ﻓﻲ ﺍﻟﻜﻤﺎﺋﻦ ﺍﻟﻤﺤﻜﻤﺔ !!
ﻭﻭﻳﻦ ﻳﺎ ﻫﻼﻝ ﺍﺣﻤﺮ ﺗﻌﺎﻝ ﻃﻠﻊ ﺍﻟﺠﺜﺚ ﺻﻨﺘﻬﺎ ﻃﻠﻌﺖ !! ﻭﻭﻳﻦ ﺍﻟﻤﺌﺎﺕ ﻣﻦ ﺍﻻﺳﺮﻯ ﺍﻟﻠﻲ ﺷﺪﻳﺘﻮﻫﻢ ﻣﻦ ﺍﻟﻤﺼﺎﺭﻳﺖ !! ﻭﻭﻳﻦ ﻋﺸﺮﺍﺕ ﺍﻟﺠﺜﺚ ﺍﻟﻠﻲ ﻗﻠﺘﻮﺍ ﺍﻥ ﺍﻟﻤﺼﺎﺭﻳﺖ ﺣﺎﻃﻴﻨﻬﻢ ﻓﻲ ﺍﻟﺤﻴﺎﺵ ﻭﻣﻮﻟﻌﻴﻦ ﻋﻠﻴﻬﻦ ﺍﻟﺘﻜﻴﻴﻒ !!
ﻭﻭﻳﻦ ﺍﻟﻠﻲ ﻳﻀﺮﺏ ﻓﻲ ﺍﻟﺠﺮﺍﺩ ﺑﺎﻟﻤﻠﻲ ﻭﺟﺎﺑﻪ ﻓﻲ ﻣﺨﺰﻥ ﺫﺧﻴﺮﺓ ﻟﻤﻠﻴﺸﻴﺎﺕ ﻣﺼﺮﺍﺗﺔ !! ﻭﻭﻳﻦ ﻏﻨﻴﻮﺓ ﺍﻟﻠﻲ ﻗﻠﺘﻮﺍ ﻣﺎﺕ ﻭﺍﻟﺒﺮﻛﻲ ﺍﻟﻠﻲ ﻗﻠﺘﻮﺍ ﻣﺼﺎﺏ ﻭﺑﺎﺩﻱ ﺍﻟﻠﻲ ﺟﺎﺗﻪ ﺑﻴﻦ ﻧﻮﺍﻇﺮﻩ ﻭﺍﺣﺘﻤﺎﻝ ﺍﻧﻪ ﻧﻘﻠﻮﻩ ﻳﻌﺎﻟﺞ ﻓﻲ ﺗﺮﻛﻴﺎ !! ﻭﻭﻳﻦ ﺍﻗﺴﻢ ﺑﺎﻟﻠﻪ ﻟﻢ ﻧﺴﺘﺨﺪﻡ ﺣﺘﻰ %20 ﻣﻦ ﻗﻮﺗﻨﺎ !! ﻭﻭﻳﻦ ﺣﺮﺱ ﺍﻟﺤﺪﻭﺩ ﻭﻭﻳﻦ ﺣﺮﺱ ﺍﻟﻤﻨﺸﺂﺕ ﻭﻭﻳﻦ ﺳﻴﺎﺭﺍﺕ ﺍﻟﻨﻤﺮ !! ﻭﺍﻟﻤﺪﺭﻋﺎﺕ ﻭﺻﻮﺍﺭﻳﺦ ﺍﻟﻜﻮﺭﻧﻴﺖ !! ﻭﺻﻮﺍﺭﻳﺦ ﺍﻟﻄﺎﺑﻴﺔ !! ﻭﻭﻳﻦ ﺗﻮﺧﻴﺮﺓ ﺍﻟﻜﺒﺶ ﺍﻟﻠﻲ ﻗﻠﺘﻮﻟﻨﺎ ﻋﻠﻴﻬﺎ !! ﻣﺶ ﻗﻠﺘﻮﺍ ﺍﻟﻜﺒﺶ ﻳﺆﺧﺮ ﻳﺆﺧﺮ ﻳﺆﺧﺮ ﺑﺎﺵ ﻳﻨﻄﺢ !! ﺍﻟﺒﺎﻳﻦ ﺍﻧﻪ ﻭﺧﺮ ﻭﺧﺮ ﻟﻴﻦ ﻃﺎﺡ ﻋﻠﻰ ﻇﻬﺮﻩ !!! ﻋﻠﻰ ﺍﻟﻌﻤﻮﻡ ﺍﻟﻜﺬﺏ ﻓﻲ ﺍﻟﻤﺼﺎﻟﺢ ﻳﺠﻮﺯ ﻟﻜﻦ ﻣﺶ ﻟﻬﺎﻟﺪﺭﺟﺔ
ﺭﺍﻫﻲ ﻭﺳﻌﺖ ﻣﻨﻜﻢ !! ﻭﺭﺩ ﺑﺎﻟﻜﻢ ﺣﺪ ﻳﺴﺐ ﺭﺍﻧﻲ ﻧﻬﻠﻮﺱ !!
ﺧﻮﻛﻢ ﻛﻼﻡ ﻋﺮﺏ

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
بسم الله الرحمن الرحيم
 هلوسات ليبي ... 12px-Ra_bracket إِذَا جَاءَ نَصْرُ اللَّهِ وَالْفَتْحُ هلوسات ليبي ... 20px-Aya-1 وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا هلوسات ليبي ... 20px-Aya-2 فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا هلوسات ليبي ... 20px-Aya-3 هلوسات ليبي ... 12px-La_bracket.
flag2 flag2 flag2 flag2

جراح وطنية
جراح وطنية
 
 

الجنس : انثى
عدد المساهمات : 32311
نقاط : 47756
تاريخ التسجيل : 19/09/2011
. : هلوسات ليبي ... 706078396
. : هلوسات ليبي ... 824184631572
. : هلوسات ليبي ... 8241f84631572

الرجوع الى أعلى الصفحة اذهب الى الأسفل

هلوسات ليبي ... Empty رد: هلوسات ليبي ...

مُساهمة من طرف gandopa في السبت 27 سبتمبر - 8:29

كلام عرب
هلوسات ليبي ..
الجمعة 2014.09.26
ذكريات ...
ياجماعة الخير استاحشت ايام الطاغية !!...
ايام كان يوقف فينا ثلاثة ايام في الشمس !!
وكان يسكر في الجوامع بالشهر !! وكان يضرب في اللي يلقى في حوشه مصحف !!! وما يخليش فينا نصلوا !!!
وكان يخلي فينا نشربوا في الخمر بالسيف !!
ويوزع علينا في المخدرات !!
ويرفع فينا للبارات غصباُ عنا !!!
وكان يخطف في النساوين في الشوارع !!
ويغتصب في القاصرات في حياشهن !!!
ومخلناش نسافروا برة ليبيا !!
ويقري فينا في كتب الرذيلة ويشرحلنا في كيفية ارتكاب المعاصي !!
وفطرنا في سبع رمضانات على بعضهن !!
وخلانا نديروا شواطي للعراة على بحرنا !!
وكانت إذاعاته تنشر في المسلسلات البذيئة فيديوات الكليب المسخة !!
وكانت اغانيه قمة الاسفاف الفني !! زي النجع ورحلة نغم والواحة !!
وكان يقتل في الشباب اللي طالع 24 ساعة في 42 سنة ينادي بإسقاط النظام !! هما يطلعوا في الميادين وهو يقتل فيهم حتى بالعلامة كنا مليون ونص اول الــ69 وتوة نقصنا ولينا ستة مليون بس !! من القتل !!
وكيف خلانا بعد الــ69 نتحشموا لما نسافروا ويسالنا حد انتم من وين !!
نقولوله من ليبيا بصوت منخفض وراسنا لوطا ويخي مرات نوشوشوله في وذنه من الحشم !!
وكانت ليبيا مهمشة على الصعيد الدولي حتى بالأمارة أمس تكلم عليها 30 رئيس دولة او حكومة في الامم المتحدة يشكروا فيها !!
وخلانا بلا ضي بالعشر ساعات في اليوم وما يقدرش الورفلي يخش مصراتة والعكس وما يقدرش زاوي يقص من ورشفانة والعكس وكان التبو يحاربوا في الطوارق والامازيغ يحاربوا في العرب !! وهو يتفرج
علينا وكنا عايشين في فوضى !! لا أمن لا كرامة لا معيشة باهية !!
لكن توة اهو جانا اللي حررنا لين صبينا الدم !!
وزي ماتقول طيبة الذكر الفونشة... يا سعدودي درت كناين !!
وسامحوني (نهلوس )خوكم كلام عرب

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
استمروا
gandopa
gandopa
 
 

الجنس : ذكر
عدد المساهمات : 8744
نقاط : 19792
تاريخ التسجيل : 03/08/2011
. : هلوسات ليبي ... 706078396
. : هلوسات ليبي ... 824184631572

بطاقة الشخصية
زنقتنا:

الرجوع الى أعلى الصفحة اذهب الى الأسفل

هلوسات ليبي ... Empty رد: هلوسات ليبي ...

مُساهمة من طرف جراح وطنية في الأحد 28 سبتمبر - 7:33

السبت 2014.09.27

وريني سنونك !!!
زمان فيه قبمالي يطلع على الفضائيات سماه رجب بن غزي كان يقول
نحنا دولة سياحية غير تنتصر فبراير ح نخلوا ليبيا قبلة سياحية في العالم عندنا أثار وعندنا بحر وعندنا صحراء.. ليبيا ح تصبح غنية من غير ما نحتاجوا النفط !! النفط سيصبح مصدر دخل ثانوي !!
بحبح يا سيدي حتى النفط قريب نستغنوا عليه او بالأحرى بيستغنى علينا !! عمك الجضران من جيهة والقساورة من جيهة والحفاترة من جيهة تالته !! واهو الليبيين أصبحوا يفرشوا ببراميل البنزينة على حاشية الطرق !!
ودايرين قرديلات شواء على القطران !!!شن مازال ؟؟
مازال يطلع عليك واحد لابس طاقية سعف ويأشرلك بربطة فلوس !! او ليبي داير براد شاهي معبس ع المرشبيدي ويبيع في كُويس تاي ودحي مطبوخ !!
واهم الليبين أصبحوا يأجروا في الحياش لبعضهم وأصبحت المدن طاردة للسكان بعد كانت حاضنة وأصبحت الهجرة عكسية من المدن للأرياف !!
وكل واحد قعد يتفكر في جده السابع من أي قبيلة ويضم في اميعناته ويولي لوين مدفون حياة جده !! بحبحوا دقوا !! واهو الحجاج قعدنا نشحنوا فيهم شحن ودرنالهم خيم وسبح في المطارات بدل صالات الانتظار مازال نجيبولهم منشطة دي جي وتولي حجة بالزكار !! وراهو مازال المكتسبات ماطلعتش كلها !!!! بركاتك يااااااااااااااااااطاهرة !!
وسامحوني (نهلوس ) خوكم كلام عرب

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
بسم الله الرحمن الرحيم
 هلوسات ليبي ... 12px-Ra_bracket إِذَا جَاءَ نَصْرُ اللَّهِ وَالْفَتْحُ هلوسات ليبي ... 20px-Aya-1 وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا هلوسات ليبي ... 20px-Aya-2 فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا هلوسات ليبي ... 20px-Aya-3 هلوسات ليبي ... 12px-La_bracket.
flag2 flag2 flag2 flag2

جراح وطنية
جراح وطنية
 
 

الجنس : انثى
عدد المساهمات : 32311
نقاط : 47756
تاريخ التسجيل : 19/09/2011
. : هلوسات ليبي ... 706078396
. : هلوسات ليبي ... 824184631572
. : هلوسات ليبي ... 8241f84631572

الرجوع الى أعلى الصفحة اذهب الى الأسفل

هلوسات ليبي ... Empty رد: هلوسات ليبي ...

مُساهمة من طرف gandopa في الأحد 26 أكتوبر - 10:07

هلوسات ليبي ...
السبت 2014.10.25
ليش المفتي يطلع بس ضد الليبيين ليش ما أعلنش الجهاد ضد أمريكا اللي خطفت ابو انس الليبي من قلب طرابلس وبو ختالة من قلب بنغازي ؟؟...
وليش ما أعلنش الجهاد ضد مصر والامارات بعد التأكد من انها تقصف في جماعته على حسب قوله !!
وطلع عشر طاش مرة يحرض ع القتل . من بني وليد لورشفانة للزنتان والجبل والامس طلع يقول على شباب بنغازي صحوات وعلى الصاعقة والجيش قوة باغية وانقلابية وعنده فيديو ع اليوتيوب يشكر في متطرفي درنة وقال عنهم شباب اسلامي يريد تطبيق الشريعة ويصف فيهم بأروع الصفات !! وفي 2011 ضرب كسكسي نملي في الزنتان ومسح بطاسة ناقصة ويخي أجتمع بالأسرى الموجودين في الزنتان وماخلى ماقال وهو يشكر في الزنتان وهلها وتو طلعهم ازلام ومجرمين
والجهاد حلال فيهم !! وسمى جماعة السيارات المفخخة والعمليات الانتحارية وقطع الرؤوس بالثوار وطالب أهل بنغازي بالالتفاف حولهم !!
وتو بعد المقدمة السابقة نحب نقول لجماعة فبراير .. يرحمكم الله... لما كنا نقولوا عليه انه كاذب ومفتن كنتوا تقولوا لحوم العلماء مسمومة .. وهذا مفتيكم يا عبيد التاغية !! لأنه زمان جاي على هواكم !! وتو بعد أن حصص الحق وطاح الغطاء يا مبنبكة .. طلع لحمه حلو ويتكل !! على فكرة الاعور أهواه عمره ما قال لاتباعه ومريديه انهم يردوا جماعة تاورغاء ويعلنوا الجهاد ضد ظالميهم وحتى لما قررت تاورغاء ترجع لأرضها طلع ودار عصا في العجلة !! وعمره ما دل الليبيين على صلاح وعمره ما سامح بين زوز متعاركين إن شاء الله حتى زوز مفرخ متعاركين في كورة !! صايرله زي اللي شاد مروحة كل ما اطيح النار يزوي عليها يولعها !!! والله العظيم ليبيا لن تقوم لها قائمة وفيها ناس قاعدة تسمع لفنحاص الغرياني !!
وسامحوني (نهلوس) كلام عرب
هلوسات ليبي ... 10730906_392243600926684_7078547122698388329_n

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
استمروا
gandopa
gandopa
 
 

الجنس : ذكر
عدد المساهمات : 8744
نقاط : 19792
تاريخ التسجيل : 03/08/2011
. : هلوسات ليبي ... 706078396
. : هلوسات ليبي ... 824184631572

بطاقة الشخصية
زنقتنا:

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى