منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

يا ليبيا بالله ،، من هااااااذيم ؟؟

اذهب الى الأسفل

يا ليبيا بالله ،، من هااااااذيم ؟؟ Empty يا ليبيا بالله ،، من هااااااذيم ؟؟

مُساهمة من طرف gandopa في الإثنين 9 يونيو - 15:05

يا ليبيا بالله ،، من هااااااذيم ؟؟ 10419524_691782744190265_5352460933975236342_n
قصيدة للشاعر / عز الدين ريش
يا ليبيا بالله ،، من هااااااذيم ؟؟
اللي خربوه الوطن تم جحيم !!
الفكر أفغاني ،،
واللبس راس وبطن باكستاني ،،...
والوجه لحية والنظر شيشاني ،،
تلاميذ بن لادن ،، خـذوا تعـليم ،،
في قندهـــار ادّربوا ميـداني ،،
على القتل والتفـجير والتلغيم ،،
الصلابي مع بو كتف والغرياني ،،
الفتوى وشرع الكذب والتفليم ،،
اصحاب للفرنساوي ولامريكاني ،،
والبعض منهم عندهم مقيم ،،
ويحكوا انجليزي كلهم وألماني ،،
وشن يحفظوا من ذكرنا الحكيم ؟؟
انصار للشريعة ويفهموا ع الثاني ،،
وناسيينها كلـمة الله رحـيم ،،
ولا يفرقوا عيّل ولا شيباني ،،
والبنادم اللي يذبح عليش ايصيم ؟؟
الوطن منهم في جحيم أصلاني ،،
اوجودهم امخلي ليبيا في ضيم ،،
المجني عليه ارتاح م اللي جاني ،،
والعايش ايراجي في اشبوب الغيم ،،
فيها تغلغل فكرهم لاخواني ،،
البترول عندهم والمال للتنظيم ،،
الناس خايفة منهم خبر حقاني ،،
والشعب قاعد في الضلال ايهيم ،،
الجيش كفّروه وراح تم ايعاني ،،
من البطش والتهميش والتكميم ،،
ايبوا ينشروا لاسلام بالعدناني ،،
في ليبيا وطابت على التقسيم ،،
هاوين العراق احتلها نصراني ،،
وبغذاذ للنصارى سلّمت تسليم ،،
هاوين فلسطين الحال موش انساني ،،
ليهود يرتعوا في قدسنا العظيم ،،
هذاك الجهاد صحيح فيه معاني ،،
بلا غير فتوى وغير سين وجيم ،،

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
استمروا
gandopa
gandopa
 
 

الجنس : ذكر
عدد المساهمات : 8744
نقاط : 19688
تاريخ التسجيل : 03/08/2011
. : يا ليبيا بالله ،، من هااااااذيم ؟؟ 706078396
. : يا ليبيا بالله ،، من هااااااذيم ؟؟ 824184631572

بطاقة الشخصية
زنقتنا:

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى