منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

يا شباب الفيس / قصيدة رائعة للشاعر علي الكيلاني

اذهب الى الأسفل

يا شباب الفيس / قصيدة رائعة للشاعر علي الكيلاني Empty يا شباب الفيس / قصيدة رائعة للشاعر علي الكيلاني

مُساهمة من طرف جماهيري ضد الرشوقراطيه في الجمعة 6 ديسمبر - 12:55




لاوين بيها ياشباب الفيس
هالمعركه اللي حاميه الوطيس

بي تلعبوا بالنار
وبيتقدحوا بين الاحباب شرار
وبتدخلوا في احفاد. بومنيار
وتسبلوا بي بن جريد خميس
عيله. شريفه. عندها القرار
ويتفاهموا. وانتم بلاش رديس
بتفلقوهم بيش لنشطار
يولي علي طول الزمان رميس
فيه يكملوا جمله اكبار اصغار
وانتم بعدها. تختموا برقيص
وعبوا اشيشكم واردحوا في البار
واللي يموت منكم بالسكير فطيس
الفتنه بداها. ليفني برنار
نزل الخظراء وجاب. علم ادريس
ولبلاد فيها خش لستعمار
جايبلها يا حبر يا قصيص
الموءامره حابكينها شطار
وانتم بلعتوا الطعم. بالتغميس
كليتوه بقشوره وحامي وحار
وجاكم بصحة وجه وتهلويس
خلكم من التقطيف والشهدار
وهتكت اعراظ الناس والتدنيس
الطليان ردوا لشارع المختار
والغرب عفس ليبيا تعفيس
بوارج الناتو لاعبه ميزار
من جبل طارق لا قناه اسويس
وطن العروبه طاب عالبوخار
فيه مكنوا كم ملك كم دبسيس
وصدام ومعمر وبوعمار
اسباب موتهم خوان وجواسيس
وسوريا اترنح ناويه بشار
عظم العروبه ناخره التسويس
والصغار حكموا وغيبوا لكبار
وغابت البركه وكاثر التنكيس
ولسفار. حاملها الغبي لحمار
وهاذا كلام الله ماو تنفيس
كانك ولد بنت الحلال اختار
والبنت للستره ادير. عريس
وديروا لهلكم شان واعتبار
حطوا المذاري وساد مالتدعيس
يطرد الكبش بقوت ياستار
ويلبلب يشهدر بالصنان التيس
كيف نفهم الناتو مع الثوار
وكيف نفهم الجنه وفيها ابليس
ونقسم قبيله ماسكه المطار
وبقايا الشركس حبسوا التريس
وعلي مينتي عيشه لهد سكار
مدينه مسحها ساب غير الديس
ماينعرف ليمين ماليسار
علي قولته غوار حيص وبيص
بي من قولولي تردوا الثار
كان نصنا خوان وقطاطيس
القط خله يخاف منه الفار
هللي بدي في جرودنا تقصيص
فالحين في التفصيع والعزار 
علي بعضنا انتينات وخنانيس
في الفجر بيش يروحوا مالبار
اللي تنصحا يقولك انا الحريص
العزل السياسي قص بالمنشار
في ليبيا وهانا بداء التقصيص
ويعطي الكري هلي قعد في الدار
وبيربحوها جماعت التنخيص
ويا اليوم يابكره يصير نهار
يعولها هلي جلب بلقيس
ويجي يوم والقايد يكون مزار
شهيد يرتقي لدرجه القديس
وهذا خطاب وحيكم موش اشعار
اللي يقول ماهو حق غير خسيس
ساولتكم بالواحد القهار
يصون حجته اللي يحب بات خميس
ولاوين بيها ياشباب الفيس


ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع

avatar
جماهيري ضد الرشوقراطيه
 
 

الجنس : ذكر
عدد المساهمات : 3458
نقاط : 11721
تاريخ التسجيل : 28/11/2011
. : يا شباب الفيس / قصيدة رائعة للشاعر علي الكيلاني 126f13f0
. : يا شباب الفيس / قصيدة رائعة للشاعر علي الكيلاني 8241f84631572
. : يا شباب الفيس / قصيدة رائعة للشاعر علي الكيلاني 8241f84631572

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى