منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

بخصوص انباء عن مايسمي بمحاصرة ورشفانة.

استعرض الموضوع السابق استعرض الموضوع التالي اذهب الى الأسفل

بخصوص انباء عن مايسمي بمحاصرة ورشفانة.

مُساهمة من طرف صناع الامجاد في الإثنين 12 أغسطس - 16:06

المصدر : من قلب الحدث اعيان ومشايخ ورشفانة ،،،

هناك يوم امس اجتماع مع ممثل المؤتمر اللاوطني عن دائرة الناصرية (جمعة السايح )واعيان ومشايخ القبيلة مع الشباب ومايسمي برئيس الأركان العامة العبيدي ..ودار الاجتماع بأن لاتوجد نية باقتحام ورشفانة من القوة التي تتواجد علي الطريق الساحلي من الغيران الي مدخل الزاوية ،وان هذه القوة هيا تامين للعاصمة الليبية طرابلس ، ونبوه الشباب بعدم ارتكاب جرائم السرقة والسطوا .وسيستحدث سجن بمدينة العزيزية لوضع سجناء القاضايا الجنائية مثل السرقة والسطوا في هذا السجن وسيعمل مايسمي بالجيش اللاوطني . باستحداث منصب عسكري امر منطقة عسكرية ورشفانة وقائدها يختاره الاعيان.

رداً من الشباب الاحرار من ورشفانة :نحن شباب ورشفانة لم نقوم بأي سرقة او شيء اخر شباب ورشفانة لم يعتدوا علي احد والراي السياسي كل واحد يحتفظ به ..رد رئيس الاركان :كم عندكم ثائر :قالو له قليل شبه لا يوجد .؟ قال لهم اذا انتم من ؟قالو له نحن ابناء ورشفانة والقلب يعلم به الله نحن الان تهمنا سوي قبيلتنا.؟ ادا ارتكب احد الشباب سرقة سيارة فهده ردا علي سرقات اخري من مدن مجاورة. وسنرد بالفعل .؟بعد استرداد السيارة التي سرقت من ابنائنا سنرد السيارة التي اخدة رهينة وليس سرقة نحن لا نسرق ...
رد :مدير مديرية الامن : اذا سجلت لدينا اكثر من 19 واقعة في السواني سرقة سيارات اذا من الفاعل.
رد : الاحرار : هناك خطة ممنهجة لضرب قبيلة ورشفانة .هناك شبكات عصابات ممنهجة لسرقة السيارات من داخل نطاق القبيلة ، لإلصاقها بورشفانة ،ولدينا ادلة ،،
رد رئيس الاركان: اذا كان هذا صحيح فيجب عليكم انتم تأمين مناطقة ورشفانة اذا كانت لديكم كل هذه المعلومات .وقال تحية لكم ولنا اجتماع في الايام القليلة المقبلة ....

مصدر من قلب الحدث ...
avatar
صناع الامجاد
 
 

الجنس : ذكر
عدد المساهمات : 996
نقاط : 4805
تاريخ التسجيل : 18/03/2013
. :
. :

الرجوع الى أعلى الصفحة اذهب الى الأسفل

رد: بخصوص انباء عن مايسمي بمحاصرة ورشفانة.

مُساهمة من طرف زائر في الإثنين 12 أغسطس - 16:52

معليش نقطتين بنقولهم..
اولآ لاتوجد قوة من الغيران الى الزاوية إلا بوابه للقوة في كوبري 17
وتنفتح من المغرب لساعه 7الصبح(عن نفسي كويسه بصراحه لأن في رمضان سطوا 2سيارات تحت كوبري 17
و واحد جروا جرته عصابه في سيمافروا النسيج و هرب و هذا غير بوابه و همية شدوهم فرسان جنزور وكانت في الغيران بجنب الاكاديمية و غير السيارات لشدوها مسروقه

ثانيا معليش بالنسبه للسطوا بعيد عن الحجه و و و
معروفين وسطوا ع ناس ابرياء بصراحه لأن شنوا ذنبي انا صاحب سوق او سوبر ماركت بنشري بضاعه من الكريميه نتوقف وتنسرق فلوسي
او صاحب طانطا (شاحنة) نخدم ع رأسي ياخدوها مني او صاحب عيله نقعد في الشارع وتنسرق سيارتي او او او او
ولو بتسطوا اسطوا ع معسكرات وسيارات اللجنة الامنية مش سيارات مواطن واخدها
بالتقسيط او غيرها

وخلونا الحق حق ياجماعه...
زي لخدوا سيارته تحت كوبري 17
والا بوابه و هميه ولا ولاولا
ثالثا كذبه متع بوابات درع ليبيا في ورشفانة ومافي بوابه تي شنوا مهزله
وحتى معيز الزاوية خشوا سيدي بلال وعندي معلومه طلعوا في نفس اليوم بس يستفزوا في ورشفانة لأن هما لناويين ورشفانة مش ضرع ليبيا و هذا كلامهم لأن قالوا عندهم مطلوبين
ومفروض ورشفانة تصكر امه الساحلي من الماية و يديروا بوابه كبيره تابعه الهمالي او لجنة الامنية ولا ساحلي ولا طريق عام قوله انا نأمن ساحلي مظقتي...

وزيدها بصراحه اعلامنا وصفحات الفيس هما لدعايات وحرب جاية ع رأسنا من اخبارهم وتضخيمها
لأن بصراحه مافي مؤشر يذل انهم بيقتحموا ورشفانة غير نحنا دمرناها بأشعاتنا
(وبعدين شن مصراته وشن الزاوية شنوا ساهل هو تقتحم ورشفانة؟؟؟ايح ماريتش هالاقمار الصناعية ولا ولا لعندهم
)
سلاح نفس سلاح ورشفانة
والرجال ورشفانة ارجل وزيدها عندهم دافع يخليه يحارب بشراسه لأنها كسرة خشم
وانتهاك اعراض
وزيدها صا ا ا اعبا جغرافية ورشفانة مفتوحه و نظام شوارع وغابات صاعب تحاصرها
_______
وبصراحه ورشفانة مفروض تنشر بوابات في اراضيها وتأمن مناظقها بدات بوابه السهله والحشان وغوط بوساق
وتحط بوابات في الساحلي وفوق كوبري 27
avatar
زائر
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى