منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

يوميات ليبي متحشرف

استعرض الموضوع السابق استعرض الموضوع التالي اذهب الى الأسفل

يوميات ليبي متحشرف

مُساهمة من طرف دبلوماسي سابق في الثلاثاء 8 يناير - 21:42

منقول
ــــــــــــــ
يوميات ليبي متحشرف

امبارح مارقدتش زين نتقلب على النطع (جلد خروف) زي الشواية.. نضت الصبح جابتلي الحاجة قرناصة صفرة الفطور وماهناك فطور حارة ثمر وبرداقة (لقامة) حليب .. فطرت وتحمدت وتشكرت.. نضت لوحت للشواهي نصيب خرطان (تبن) وقاتلي العزوز خيرك يا شيباني وجهك اسود.. قتلها وانا نقدح نولع في سبسي.. هالبلاد مش عاجبتني بعد خربوها هالـ(الثوار) .. قالت قرناصة واحنا شن بنديرولهم حتى اعمورة ماقدرهم.. قتلها بنمشيلهم بنعاركهم.. قالت فكنا تو يقمعك فرخ منهم .. هذيم فروخ جاسرين.. قت هكي خذيت جردي وتوكلت للمزلس المحلي.. خشيت لاقاني أوليد لابس اسريويل مشحوط شكله متع اخته الصغيرة.. قلت في خاطري خزي عليك سرّيفة طالحة.. قتله وين امين المزلس.. قالي داخل ياعمي المتحشرف.. قتله عمي ان شاء الله.. خشيت ولقيت هذيكم الاعلامات وهذاك المكتب اللي يبقص .. وهو مقعمز زي القطوس على هذاك الكرسي الجلد.. قلت في خاطري شوره حقا الكيب صرف المليارات في هالمكاتب السماح.. ضربت عكوزي عالطاولة وقتله اسمع ياليد.. قالي تفضل ياعمي المتحشرف انستنا.. قتله انا جايك في اكليميتين مانيش جاي ضيف.. قالي تفضل .. قلتله البلاد هاوينك تشبح فيك حالة فمها زي النعجة المبشومة.. وكل يوم الوراء .. واحنا هالخبر مانطيبوا بيه.. بتصلوا عالنبي وتبطلوا فناكة وتنسوا هذا ازلام وهذا تاغية هاوينا حطينا ايدينا في ايدكم ورادعنا المايل ونوضنا المهدوم واحبال سو طاحن في بير .. وكان بتقعدوا امطنشين كرعيكم واركبين روسكم ان شاء الله تخلى وتنبت فيها نخلة. هذا اللي عندي وانتم شوفوا ارواحكم.
وطلعت من احداهم لاقاني الاوليد بوسريويل قالي ليبيا حرة ياعمي المتحشرف.. نمشي نسمطه بالعكوز على قعقوصه لين قعد يزوي زي الجرو . وقتله هاذه الحرية ياسفتول.

منقول

دبلوماسي سابق
 
 

الجنس : ذكر
عدد المساهمات : 1109
نقاط : 6383
تاريخ التسجيل : 21/11/2011
. :

الرجوع الى أعلى الصفحة اذهب الى الأسفل

رد: يوميات ليبي متحشرف

مُساهمة من طرف أميرة السلام في الثلاثاء 8 يناير - 22:13

تهبببببببببببببببببل قصة هالشيبااااااااااااني


والله عجبني تهديرزه,,سمووووووح


صحيت عليها خوي,,دبلوماسي سابق,,

والله عجبتني هلبة هلبة القصة وكيف يهدرز عمي الشيباني

الجرد والعكوز والمزلس وووو بصراحة حلووووووووووووووووووووووة ع الاخير

هههههه قداش عجبتني السمطة اللي حصلها الولد,,,والله جو من الاخير

تحياتي ليك
avatar
أميرة السلام
 
 

الجنس : انثى
عدد المساهمات : 9961
نقاط : 15272
تاريخ التسجيل : 20/09/2011
. :
. :

بطاقة الشخصية
زنقتنا: بنت القائد بكل اعتزاز وفخر,, ونحب الجماهيرية ,, وندعي لربي ترجع بلادنا خضوووووووووووووورية زي ما كانت ,,, كل طحلوب وطحلوبة ليهم في قلبي مكانة ما يعلمها الا ربي,, ربي يحفظهم ويحميهم كلهم كلهم,امووووورة القذافي

الرجوع الى أعلى الصفحة اذهب الى الأسفل

رد: يوميات ليبي متحشرف

مُساهمة من طرف صخور ليبيا في السبت 12 يناير - 11:27

هههههههههههههههههههههههههه منور اخي دبلومسي
avatar
صخور ليبيا
 
 

الجنس : ذكر
عدد المساهمات : 5022
نقاط : 9913
تاريخ التسجيل : 19/09/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى