منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

من روائع ما قالها شعراء القذاذفة عن الشهيد المعتصم بالله القذافى و رفاقه

اذهب الى الأسفل

من روائع ما قالها شعراء القذاذفة عن الشهيد المعتصم بالله القذافى و رفاقه Empty من روائع ما قالها شعراء القذاذفة عن الشهيد المعتصم بالله القذافى و رفاقه

مُساهمة من طرف اسود القذاذفة في الخميس 22 نوفمبر - 12:25

من روائع القذاذفة ،، كلمات الشاعرة المجاهدة أخت المعتصم بالله
نشرها و نقلها :::: محـــــور النهر




تخطر علي يا عصومه وتخطر عليا غيبتك علحومه وتخطر عليا يارفيع فسومه يالي مجافيك الخطا والعله

يخطر عليا يودع ويخطر عليا وين دما نقع ويخطر علي في عز نومي نفزع نقول جفاني حشا وعدبله

يخطر علي سلامه يخطر علي ضحكته وكلامه تعاود عليا من جديد اوهامه وتخطر عليا وقفته والشله

يخطر عليا لونه ويخطر عليا ببسمته وعيونه وتخطر عليا طلتك ياخونا كيف القمر وين السحاب تجلا

تخطر علي الشجاعه وتخطر عليا ياجميل اطباعه وجيشك الي كافاك غير بطاعه من قبل لا تامر تحرك كله

يخطر عليا جيه ويخطر عليا وميتله بيديا يخطر علي مادار فيهم سيه ولا خطا نعده عليه نعله

يخطر علي النادي ويخطر عليا وقفته من غادي ويخطر عليا كان في بوهادي نفز من نومي نقول
سمله

يخطر علي تخطيمه وتخطر عليا جيته للخيمه وتخطر عليا سيرته القديمه ويخطر عليا زول سمح الطله

يخطر عليا ماشي ويخطر عليا نار ترقى جاشى ويخطر علي دمعي حدر لفراشي بعد الوساد نقع وبله كله

يخطر علي عناده ويخطر عليا مسكته لزناده ويخطر علي ماخان في ميعاده وتخطر عليا جيرته لي
الله

يخطر علي جاني وتخطر عليا ياحبيبي الداني وتخطر عليا النوم زاد جفاني وين ماعلي حازوك
واحني قله

يخطر علي بكاني ويخطر عليا ياس فيه نعاني وتخطر عليا يا عروق حناني يانبع صافي لا غتر لاغلا

يخطر علي صيته ويخطر عليا حشمته وبيتيته ويخطر

يخطر عليا ما يجيني ويخطر علي يعاود علي حنيني ويخطر علي ماعاد تشوفه عيني عطها عمي بعود ولا بسله

عطها عمي يعميها بعد غيبته ما عاد تشبح بيها شن بتنظر شنو بيزهيها لا عاد شمس ولا قمر ولا اهلله

عطها رمد يرمدها بعد عوزوها في كحلها ومرودها وبعد ياسها لضيها وسندها لا عاد يشحله ولا يرعله

تخطر علي ياقاسي وتخطر عليا يامقوي راسي وتخطر عليا غيبتك عن ناسي بالذات خلتلي امراض وعله

تخطر عليا عدا تخطر علي لا نرافقه ولا ارده ويخطر عليا بوه وين تحدى ويخطر علي لا سيبه لا خله

تخطر عليا اعلامه وتخطر عليا وقفتي قدامه تمنيت روحي نطير كي الحمامه نرقاه لسابع سمي نوصله

يخطر علي ا عموره ويخطر علي تشريفته وطابوره وتخطر عليا يازعيم الثوره وتخطر علي كيف العدا ركعله

يخطر عليا ما يخضع ويخطر علي ما عاد عزي يرجع ويخطر علي ايطاليا وين ركع وين خضعوله قلال المله

يخطر علي مطراحه ويخطر عليا طلته في الساحه وتخطر عليا تزيد فيه سماحه وين حيا والجموع هتفله

تخطر علي ياغالي وتخطر عليا عزوتي ورجالي وتخطر عليا وين راح دلالي رماني حسودي في الصميم بسله

يخطر علي القايد ويخطر عليا بو الفكر الرايد وتخطر علي ياقرعتي بالزايد ياتاج راسي بيه فوق تعلى

يخطر علي تحدى ويخطر علي للحلف وين اصدى يخطر علي لا فاوض ولا اجدى ويخطر علي وين الدول حشدلا

يخطر علي الخايل ويخطر عليا وين دما سايل ويخطر علي عليه التراب تهايل ويخطر علي لا من حضر لا صلى

يخطر عليا جاهم ويخطر عليا عيت سود نياهم ويخطر علي كيف الصليب شراهم وهما خوارج لاحيا لا مله

يخطر علي لاقاهم ويخطر علي ما لان من يالاهم ويخطر علي صوت الرصاص غطاهم ويخطر علي لا سلم و لا ولا

يخطر علي بنجيهم ويخطر علي ماقدرت نوصل فيهم ويخطر علي القصف زاد عليهم ويخطر علي الدخان وين تعلى

خاطر عليا بونا ويخطر علي كافوه غير بخونه ويخطر علي هوا نظيف الجونه وهما ذيابه في الخفا تغزله

يخطر عليا خاين ويخطر علي في خونته مش باين ويخطر عليا كيف دمي هاين فعلا كفانا شر من تحسلا

يخطر عليا ثاري ويخطر علي تزيد ترقى ناري ويخطر عليا دمع فيه نداري من خوف شماته خبرنا تقلا

يخطر عليا جاري يخطر عليا كيف قصفو داري ويخطر علي اشلا عقاب اصغاري ويخطر عليا دمهم شتولا

خطرو علي ضنايا ويخطر عليا موتهم يالايا ويخطر علي لا قبر لا صلايا لا من بكا شيع الحس وعلا

يخطر علي بكايا ويخطر علي شدو علي دوايا ويخطر علي ماتو اعزاز احدايا منها نزل دمعي نزح لا بله

يخطر علي فنانا ويخطر علي كملنا علي مبدانا ويخطر علي مانحملو الاهانه ولا نا عرب للموجعه والزله

تخطر علي الخيانه ويخطر علي ماهوش رد كفانا ويخطر علي مانا صحاب عفانا ومنبع الطيبه جدنا
الاولا

تخطر علي بنغازي وتخطر علي ناس كانوا اعزازي ويخطر علي جرح منا انزازي لاقدرت نكميه ولا نبوحله


تخطر علي مصراتة وتخطر علي كيف ناسها خاناته وتخطر علي فالاخره قتلاته ايهود اتقول مافيهم عروق محنه


تخطر عليا اللمه وتخطر علي جية زعيم الامه وتخطر عليا سرت وين اظمه وكانا بطا ترجاه وتعولا

تخطر عليا القمه وتخطر عليا افريقيا ملتمه ويخطر عليا حمل ويش يلمه في غيبته سيدك ومن بيقلا

تخطر عليا الناقه ويخطر عليا بيتنا و رواقه ويخطر عليا راكب الحماقه لباس العبا كساب ام اشمله

يخطر عليا فراقه ويخطر عليا ياس سود رماقه ويخطر عليا سقده وما لاقى ويخطر عليا الدمع دار مشلا

يخطر علي ديمه ويخطر عليا خايل التبسيمه ويخطر عليا وفود جن للخيمه لاقوهم ضنا موسى تقول اغزله

يخطر عليا جيشه ويخطر عليا تسريحتا وتهميشه ويخطر عليا وين عدت عيشه لاي في جلاوي سرت لا ورفله

تخطر علي البريقه ويخطر علي منير هو ورفيقه تشيط في كبدي ادير حريقه وين ماخطر مصباح سمح الطله (1)

تخطر علي ياحميده ويخطر عليا مصطفى وسعيده ويخطر علي طيحة خليفه وسيدا ويخطر علي رجالي تقول جمله (2)

يخطر عليا عمي ويخطر علي خالي شقيق لامي ويخطر علي قديش هاين دمي في جرته وطني كبرت في ظله




توضيح لاسماء بعض الابطال الذين تم ذكرهم فى القصيدة

(1)تخطر علي البريقه ويخطر علي منير هو ورفيقه تشيط في كبدي ادير حريقه
وين ماخطر مصباح سمح الطله
= منير هو الشهيد منير احنيش القذافي استشهد في لبريقه

.مصباح هو الشهيد مصباح اقنينه القذافي استشهد في لبريقه


(2)تخطر علي ياحميده ويخطر عليا مصطفى واسعيده ويخطر علي طيحة خليفه وسيدا ويخطر علي رجالي تقول جمله
=حميده هو الشهيد احمد محمد ارتيمه القذافي استشهد في حرب سرت

مصطفي هو مصطفي المهدي ارتيمه القذافي استشهد في حرب سرت وهو ابن اخ الشهيد

مصطفى علي ارتيمه القذافي الذي استشهد في شحات

اسعيده=هو الشهيد مسعود علي ارتيمه القذافي استشهد في حرب سرت

خليفه= هو الشهيد خليفه سليم ارتيمه القذافي استشهد في لبريقه


تحياتي لكم ( اخوتى طلبا و ليس امرا عند اقتباس القصيدة ارجو ذكر اسم الشاعرة و الاخ ناقل القصيدة بارك الله فيكم )
avatar
اسود القذاذفة
 
 

الجنس : انثى
عدد المساهمات : 870
نقاط : 7893
تاريخ التسجيل : 25/08/2012
. : من روائع ما قالها شعراء القذاذفة عن الشهيد المعتصم بالله القذافى و رفاقه 8241f84631572

الرجوع الى أعلى الصفحة اذهب الى الأسفل

من روائع ما قالها شعراء القذاذفة عن الشهيد المعتصم بالله القذافى و رفاقه Empty رد: من روائع ما قالها شعراء القذاذفة عن الشهيد المعتصم بالله القذافى و رفاقه

مُساهمة من طرف عبدالحق1 في الخميس 22 نوفمبر - 13:34

ما جادت به قريحة هذه المكلومة المسكينة أشعر أنه دعاء مبطن ترسله إلى الله العادل لينتقم لها ،
ونحن نؤمن أن العلى القدير سيستجيب قبل أن تودع هذه الشاعرة الدنيا إكراماً لها ، أرجو من كل
من يقرأه يقول آآآآآمــــــــــــــــــــيـــــــــــــــــن .
avatar
عبدالحق1
 
 

الجنس : ذكر
عدد المساهمات : 1081
نقاط : 7163
تاريخ التسجيل : 16/03/2012
. : من روائع ما قالها شعراء القذاذفة عن الشهيد المعتصم بالله القذافى و رفاقه 126f13f0
. : من روائع ما قالها شعراء القذاذفة عن الشهيد المعتصم بالله القذافى و رفاقه 824184631572

الرجوع الى أعلى الصفحة اذهب الى الأسفل

من روائع ما قالها شعراء القذاذفة عن الشهيد المعتصم بالله القذافى و رفاقه Empty رد: من روائع ما قالها شعراء القذاذفة عن الشهيد المعتصم بالله القذافى و رفاقه

مُساهمة من طرف بلد الطيوب في الخميس 22 نوفمبر - 15:39

يا ريت أختنا اسود القذاذقة أن تقومي بتكبير الخط في المساهمة .
avatar
بلد الطيوب
 
 

الجنس : ذكر
عدد المساهمات : 10025
نقاط : 16436
تاريخ التسجيل : 22/12/2011
. : من روائع ما قالها شعراء القذاذفة عن الشهيد المعتصم بالله القذافى و رفاقه 126f13f0
. : من روائع ما قالها شعراء القذاذفة عن الشهيد المعتصم بالله القذافى و رفاقه 824184631572

الرجوع الى أعلى الصفحة اذهب الى الأسفل

من روائع ما قالها شعراء القذاذفة عن الشهيد المعتصم بالله القذافى و رفاقه Empty رد: من روائع ما قالها شعراء القذاذفة عن الشهيد المعتصم بالله القذافى و رفاقه

مُساهمة من طرف أخت سيف في الخميس 22 نوفمبر - 16:11

أمينننننن : روعة روعة يا أختي أسود كلمات أشعار في قمة التعبير يا أعصومة أشتقنا لأيامك يا أعصومة يا بطل الأبطال يا أعصومة
avatar
أخت سيف
 
 

الجنس : انثى
عدد المساهمات : 1603
نقاط : 7849
تاريخ التسجيل : 19/05/2012

بطاقة الشخصية
زنقتنا: 69

الرجوع الى أعلى الصفحة اذهب الى الأسفل

من روائع ما قالها شعراء القذاذفة عن الشهيد المعتصم بالله القذافى و رفاقه Empty رد: من روائع ما قالها شعراء القذاذفة عن الشهيد المعتصم بالله القذافى و رفاقه

مُساهمة من طرف نتنفس من الأخضر في الخميس 22 نوفمبر - 16:37

إنا لله وإنا إليه راجعون ولا حول ولا قوة إلا بالله العلي العظيم وحسبنا الله ونعم الوكيل

رثاء في غاية الروعة بارك الله فيك على النقل أختي العزيزة اسود القذاذفة وتحياتي للشاعرة المتميزة المجاهدة أخت المعتصم بالله
نتنفس من الأخضر
نتنفس من الأخضر
 
 

الجنس : انثى
عدد المساهمات : 23128
نقاط : 31889
تاريخ التسجيل : 16/09/2011
. : من روائع ما قالها شعراء القذاذفة عن الشهيد المعتصم بالله القذافى و رفاقه 126f13f0
. : من روائع ما قالها شعراء القذاذفة عن الشهيد المعتصم بالله القذافى و رفاقه 8241f84631572
. : من روائع ما قالها شعراء القذاذفة عن الشهيد المعتصم بالله القذافى و رفاقه 8241f84631572

بطاقة الشخصية
زنقتنا: خلاص الليبيين كبودها درهت

الرجوع الى أعلى الصفحة اذهب الى الأسفل

من روائع ما قالها شعراء القذاذفة عن الشهيد المعتصم بالله القذافى و رفاقه Empty رد: من روائع ما قالها شعراء القذاذفة عن الشهيد المعتصم بالله القذافى و رفاقه

مُساهمة من طرف صخور ليبيا في الجمعة 23 نوفمبر - 10:06

Thump up مشكوررررررة أختي اسود القدادفة علي الرثاء الاكثر من رائع
صخور ليبيا
صخور ليبيا
 
 

الجنس : ذكر
عدد المساهمات : 5022
نقاط : 11607
تاريخ التسجيل : 19/09/2011

الرجوع الى أعلى الصفحة اذهب الى الأسفل

من روائع ما قالها شعراء القذاذفة عن الشهيد المعتصم بالله القذافى و رفاقه Empty رد: من روائع ما قالها شعراء القذاذفة عن الشهيد المعتصم بالله القذافى و رفاقه

مُساهمة من طرف محمد القحص في الأحد 25 نوفمبر - 16:56

بارك الله فيك اختي الكريمة على هذه الروائع وسوف يأتي اليوم الذي يندم فيه هؤلاء الأقزام عملاء الناتو
محمد القحص
محمد القحص
 
 

الجنس : ذكر
عدد المساهمات : 4359
نقاط : 10706
تاريخ التسجيل : 31/08/2011
. : من روائع ما قالها شعراء القذاذفة عن الشهيد المعتصم بالله القذافى و رفاقه 8241f84631572

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى