منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

حسيت روحي غريب في بلاد كانت بلادي ....

استعرض الموضوع السابق استعرض الموضوع التالي اذهب الى الأسفل

GMT + 3 Hours حسيت روحي غريب في بلاد كانت بلادي ....

مُساهمة من طرف عقورية حرة في الخميس 30 أغسطس - 13:43


حسيت
روحي غريب في بلاد كانت بلادي .... وحسيت نار المشاهيب فالجوف تاكل افادي
.....وحسيت عندي سريب لو نجبده عالمبادي ....... بنحكي وبنذكر حبيب كسار
خشوم العوادي ...........بوسيف سيد السبيب فاقدينه يا كبادي ....... اللي
وين ينده تطيب وتجي كيف جي الهوادي ...... غاب غيبوا عنها نصيب رفاقه رباية
ابادي ....... فراسين شبابهم وشيب ما يكبكبوا من معادي .........بخته عطيب
وعطيب لو كان جاهم قصادي ....... ضرابهم

فالنشيب مايخيب ضربه مقادي ......... واللي ما تصيب عندي تصيب ماهدف خالف
زنادي ...... بعيد كان والا قريب في حلق والا فبطن وادي ..... مانجربوش
تجريب اللي تضربه ما يفادي ...... نلاقوه يوم النحيب يوم اللهيب الصادي
..... مانخربوش تخريب مانا رباية فسادي ..... واللي ماعرف ينشد غريب قبل
القريب يعرف عنادي ...... كان طحت يوم ما نسيب عندي اولادي ..... وكان طحت
يوم مش عيب نا ند عندي اندادي ....... ما يوم نسكن شطيب والا اشعاب في
اركان وادي..... احنا الوطن لينا حبيب والبلاد بينا تنادي ...... وما حد
عنا ينيب اسياد من سليلة اسيادي ..... احنا سر حمزه وكليب وابطال خاضوا
الجهادي ..... النشده تدل الذهيب اللي ماعرفناش فالبادي ..... ينشد النشدة
تجيب منين اصلنا والردادي ...... لاولاد موسى التنسيب الشيخ راقد الجرف
غادي ..... فزاع يوم النهيب ولا الصيد صبا اضدادي ..... التاريخ مكتوب
بالطيب والدم عند المعادي ..... مانعرفوا التشويب ياوطن جيناك جرادي
.....واليوم فالشك والريب حسيت ماهي بلادي ......قديش وقتا عجيب مقلاب ماهو
حيادي ..... بو عقل يكبر يخيب من مر علقم وصادي ......وطفلا رضيعا يشيب
اللي قبل راسه سوادي ...... والحر يصبح غصيب من خاينات المبادي ........
اللي باعن الوطن تجليب باخسات فسوق النوادي .....اللي وين صار التكوريب
للوطن نادن العادي ..... عارفات سيد السبيب عليه جردن بالجرادي .....
ذايقات نار اللهيب والعد يوم العدادي .....واليوم صار وطني سليب غطاه ضيم
الفسادي .....فقد صقر جاه الصليب فزاع جابه منادي .....والشعب تحت التلوعيب
وبكاس ضحك النوادي ....... ياوطن تميت كيب هذا غير اول البادي .......
تنتيش من ذيب لا ذيب تقطيع هبرة زرادي ..... على الله ماشي صعيب يجي يوم
ترجع بلادي .....

avatar
عقورية حرة
 
 

الجنس : انثى
عدد المساهمات : 990
نقاط : 6390
تاريخ التسجيل : 15/05/2011

http://www.zengtana.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى