منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

كمين نجع كان وتو فيت ادياره لا جت ولا منه تجي خباره

اذهب الى الأسفل

 كمين نجع كان وتو فيت ادياره  لا جت ولا منه تجي خباره  Empty كمين نجع كان وتو فيت ادياره لا جت ولا منه تجي خباره

مُساهمة من طرف سالم عباد في الثلاثاء 22 مايو - 23:02


كمين نجع كان وتـوا فيـت ادياره لاجـت ولامنـه تجـى خـبـاره

نـــواجـــع كـــانـــن... عليك مـن بعيدمـزولات ايبانـن

وحتى وهن اوهام اليوم ما ينهانـن ...وان جاهن الجايل يقلبـن معيـاره

عزيزات ع الخاطره وعنده زانـن... حتى انكان منهن حايسـات افكـاره

بعد دوج سبحانـه انقـول انعانـن.... ولااوصلتهن جادن نهار امطـاره

نـــواجـــع يـــامـــا... بهلهن اللى سـاس العـدا هدامـه

الا تـوا كلتـن امفيـت اوهامـه... جيتن سبق دمعـى حـدر يجـارا

ما تقول فيهن غـوش دق ارمامـه ...وماتقول شى دلت الذاهب نـاره

ولا بيت قابـل خايـلات اكمامـه ...امفرش ابشلفانـه وسيـع مـداره

ولاهـود رينـا نختبـل شلطامـه... امسـوى ضبابـه تنظـره نـواره

ولا ذود فوق سبيـل دار اكلامـه ...وتلقا ارعاويتـه عويـل عصـاره

الا ما العجـاج معاكسـات ايامـه... على اثر الجدب يسمك بطول نهاره










مـا مـن فــر يــق امبـنـه ...اللى كان واخذ فى البراقـى طنـه

القاصر ضعيف الحال ياسل عنـه... هو ويـن نـازل لا لفـو خطـاره

اجواد ينطروا كانوا اصحاب محنه... الجار المجـاور يعرفـوا بقـداره

ركابه اللـى لحبـال مـا مسكنـه ...صهيله ايجيب امنين وان جضـاره

واركيب ادراز ادراز يامـامنـه... كلايـم عليـك اهلله مـا يتـوارى

واليـوم برمـن ليـام مـاخلنـه... اللى ع الخراب ارياحهـا اتمـاره

مكان دراهـم تمـا اتقـول مدنـه... مالسافى اللى يسمك بطول نهـاره

وين جيتن ما عاد اقـدرت انعنـه ...تراقص شراب العقل جـا يجـارا

والعـذر بيـن كـان قالـو كنـه... واللى مو مصدقنى انهو موكـاره

وانشيله انكان اخطـاه مـا شالنـه... تعاته امغيـر ايكـون م الصبـاره

كمين نجع كان توامفيـت مكانـه ....ما تقول شى عمره اطرى سبحانه

بزينـه ولا ديـر علـى جيرانـه...ا ياماوكـان الـراى فيـد اكبـاره

وهو فـى طناطينـه ايـام زمانـه... بشبوب زين فى الدنيا خذا مشواره

ولا كـان فيـه مجـال للفتـانـه... ولا للهبيـل اللـى عديـم دبـاره

اللى ما تجنى منهم امغيـر الهانـه ...و طياح الهمهم ما هم وجوه كبـاره

ماهم اسماح امفيـت فـى جبانـه ...وميط م العرب فيهم الموت اخساره

كونها صواب وحق مـن مولانـا... الخالق اللى عالم الكـون اسـراره

ونا هذا مو قصـدى ولا عنوانـه ...جوابـى اللـى يتعـب الفـسـاره

سريب خطره رابح امعـاه الهانـا ...وينما حكا ع النجـع فـى قـذاره

وخلوت الدار وشيلتـه م الحانـه... اللى فى الرياق امخلفات امـراره



ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
وصلنا وين ما خضر العود
وعين الشمس قابلنا اقبال
احنا فرسان صيادة أصيود
وأحنا بركان ما يقبل إذلال
وأحنا لاجواد كسابة القود
لينا صيت ومواقف أرجال
سالم عباد
سالم عباد
 
 

الجنس : ذكر
عدد المساهمات : 107
نقاط : 5991
تاريخ التسجيل : 20/05/2012
. :  كمين نجع كان وتو فيت ادياره  لا جت ولا منه تجي خباره  126f13f0

بطاقة الشخصية
زنقتنا: 69

الرجوع الى أعلى الصفحة اذهب الى الأسفل

 كمين نجع كان وتو فيت ادياره  لا جت ولا منه تجي خباره  Empty رد: كمين نجع كان وتو فيت ادياره لا جت ولا منه تجي خباره

مُساهمة من طرف ???? في الثلاثاء 22 مايو - 23:05

Thump up
Anonymous
????
زائر


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى