منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

الشاعر علي الكيلاني:ملطم فوق القرضابيه

اذهب الى الأسفل

الشاعر علي الكيلاني:ملطم فوق القرضابيه

مُساهمة من طرف الشابي في الجمعة 6 مايو - 12:00

ملطم فوق القرضابيه
بعد الميه
عاود باللحمه الوطنيه
ملطم صبوا فيه ظنانا
يحيوا في تاريخ اجدود
نفس مكانه نفس زمانا
غير جديده فيه ايهود
فيه جواسيس وخيانا
هي قوت التاريخ يعود
لول بخيوله وفرسانا
ودقر مسافي فوق جرود
مترس بركاب وذبانا
فارس يلهد ع المكرود
فيدا موزر بوصوانا
وتمر وزميته عبود
متوكل بالله ايمانا
غيره ما عندا معبود
هاذا للغرب وطيرانا
سوس اسود راياته سود
مسلم لكن موش معانا
عربي لكن من النمرود
ذيل ناتو ومريكانا
وكروز وعابر لحدود
وقمار وخدعه وشطانا
وبيوع وخونه وقرود
لا ذمه لا فيه ظمانا
بوصبع ايبيعك مقصود
لولا الناتو ما جانا
عشنا بعزه خمس عقود
كان الوطن انظاف اركانا
سيدا صيد وناسه صيود
سابت خلوها عريانا
بين قبور وبين الحود
والسارق عراء بيطانا
غابوا القاده تم يقود
في السجن يباتو شجعانا
والحر مهجر مطرود
وطن. العز تجيه ايهانا
من رجعيه
محسوبين علي الليبيه
والله ماهو هاذا اكفانا
نجني سيه
والخو يقاتل في خيا
عالم بيها يا مولاانا
والحريه
تمت موت علي الهويا
ملطم فوق القرضابيا
بعد الميا
عاود بالحمه الوطنيا
avatar
الشابي
 
 

الجنس : ذكر
عدد المساهمات : 10311
نقاط : 30345
تاريخ التسجيل : 29/04/2014
. :
. :
. :

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى