منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

ارقم وطني لا الوطن قابلنا

اذهب الى الأسفل

27112015

مُساهمة 

GMT + 7 Hours ارقم وطني لا الوطن قابلنا




منا الجفاء والا الجفاء من هلنا
لا الوطن ارتاح
يمخض يموج تقول فيه ارياح
واللي جلاء ما بانله مرواح
لاهو منادي لا عليه صملنا
اللي كان في القمه تعرم طاح
من قوت ليبي للغريب خجلنا
اللي تقابله يقولك انريد اسلاح
ابدينا اعدا لبعضنا كملنا 
الثار بينا والقتل بالبراح
اللي خططا لينا عدونا اوصلنا
فلق شعب متوحد ودمه ساح 
بدينا ثلاث اثلاث زاد جهلنا
ثلثه مشرد في العالم راح
ولاجيين للعالم وموش قابلنا 
والثلث لاخر مالقيش اجناح
صابر وصامد مل كيف مللنا
وثلثه ايتناطح في عقابه انطاح
مكابر وموش قادر يقول فشلنا
متبع قياداته اوجوه اصحاح
يقولولهم بنغربلوا مالزلنا
بيفصلوا الكرشه من المنفاح
الخير جايكم بارك الله عملنا
يقولوا بتولد يعلنوا الطراح
يحمدولها بالرحم منك شلنا

لا رقم لاي هويه
نا او وطنا لثنين برانيه
نا نحوم وندور علي جنسيه
وهو يموج فاقدنا ومشتاقلنا
عقال قطر فوق المنطقه الغربيه 
وشماغ ليمارات فوق جبلنا
وتحته لفاعي تدعي اسلاميه
كلاته وفيه اتحوس بي تاكلنا
عليه (داره) العزوز لمريكيه
وحنا اولاده المخلصين عزلنا
مصك للحصنه بنجمته التركيه
فيه وطنوا لتراك وحنا انشلنا
فيه جنسوا برنار وتشاديه
بدم موش دمه وطنا بدلنا
وتما يتكلم لغة الحريه
وصدره اضايق لين مو حاملنا
ماتقول ضخينا عليه اميه
روي ما العطش بالود ضاق عسلنا
ولا تقول جلينا دول غربيه
عليه جاثمه ورد الكفاء رحلنا
استدعا وبدل سلطه الشعبيه
بجنون ماهلهم ومو ماهلنا
ومكن جماعه خاليين قضيه
واحنا اللي نموتوا عليه فصلنا
زعم وطنا مازال يضوي ضيه
وينور بلانا كان ما عولنا
علي كرامته يدور ونحنا زيه
راحت كرامتنا إن مااستقبلنا





ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
بسم الله الرحمن الرحيم
  إِذَا جَاءَ نَصْرُ اللَّهِ وَالْفَتْحُ  وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا  فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا  .
flag2 flag2 flag2 flag2

avatar
جراح وطنية
 
 

الجنس : انثى
عدد المساهمات : 32187
نقاط : 46553
تاريخ التسجيل : 19/09/2011
. :
. :
. :

الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

ارقم وطني لا الوطن قابلنا :: تعاليق

لا يوجد حالياً أي تعليق

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى