زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

اشحالك بعد ممشاي وين مشيتي .. ياك طيبة يا ليبيا تميتي ..

استعرض الموضوع السابق استعرض الموضوع التالي اذهب الى الأسفل

اشحالك بعد ممشاي وين مشيتي .. ياك طيبة يا ليبيا تميتي ..

مُساهمة من طرف الشابي في السبت 21 نوفمبر - 17:36

الشاعر المهدي المنفي باحد الافراح / طبرق
حوار بين ليبيا و الشهيد الصائم
كلمات القصيدة:

الشهيد الصائم يخاطب في ليبيا يقوللها :
اشحالك بعد ممشاي وين مشيتي .. اياك طيبه يا ليبيا تميتي
اياك هنية .. اياك طيبيه لا سو لا سوية
اياك عامرة يا ليبيا جملية .. اياك خايضه في الخير اياك زهيتي
اياك بنيتك يا ليبيا التحتية .. بيديهم الي شاخوا عليك بنيتي
اياك كل بيت اليوم فيه أمية .. و النهر العظيم طرقه اياك نهيتي
اياك هلك صحتهم اليوم عفية .. اياك مستوى تعليمهم رقيتي
اياك مرابطها المركزية .. افتكوا ضناك لها بديل لقيتي
اليوم اقتصادك اياك مية مية .. اياك حق نفطك يا بلاد جنيتي
اياك استتب الأمن له محمية .. اياك جيش من خيرة ضناك نشيتي
اياك سيدة يا ليبيا دولية .. و مركز ريادي اياك بيه احضيتي

ردت عليه ليبيا:
فرقت حالي .. بعد غيبتك راحن علي ليالي
شاخوا عليا حشاك ناس انذالي .. و الي توجعك راهم غرب ذريتي
جاروا عليه و بدلوه دلالي .. بريح الخيانه سمموا بحريتي
وصيب من ضناي اليوم برا جالي .. و الأخر تهجر كيف تاورغيتي
بخيرت العرب توه الحبوس امالي .. و الي ذاله شوخة شيول حشيتي
لا هم عرب لا لوني .. بيعة عدوك للعدو باعوني
سقيتهم دلال و هم مرار سقوني .. عطيتهم غير ما عدو نهار عطيتي
عليتهم لي فوق ما علوني ..الي جدهم من قبل باع قضيتي
ايام بن مختار يضرب دوني .. الشايب الي جاهد و علا صيتي
اليوم وين صار الدعك ما نهضوني .. معاي تقول دارو حلف جو ضديتي
عطيتها لهم بيدي بها نغزوني .. ما حسبتهاش ننضر بغدريتي
سعتها لا والله ما قدروني .. ايام يا بو عباء نا بعفيتي
النصر بعد ممشاك غاب وجوني .. و يردن ايامك يا زعيم امنيتي

رد عليها الشهيد الصائم :
بإذن الكريم تردي .. خليك واثقه في الله ما إتكدي
ابواب الكدا و الظلم ساعه تسدي .. و ابواب الفرج تفتحي عليك ابنيتي
و سلم ظناك ابهم السو تعدي .. و شط النجاه توصليه ياما ريتي
تريد توحلي في ضيم عزمك شدي .. كمين غازي فاهقه بقيتي
ما يغربك زيف المظاهر هكي .. ياما نظرتي هول غير نجيتي
صمود طول عمرك عايشه و تحدي .. تاريخ عزك بالذهب خطيتي
انحق فيك خضراء في اعداك تصدي .. ورايه الفاتح في السماء عليتي

الشابي
 
 

الجنس : ذكر
عدد المساهمات : 8671
نقاط : 24581
تاريخ التسجيل : 29/04/2014
. :
. :
. :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى