منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

ﺭﺳﺎﻟﻪ ﻣﻦ ﺍﻟﺸﺎﻋﺮ ﻋﻠﻲ ﺍﻟﻜﻴﻼﻧﻲ ﺍﻟﻰ ﺍﻟﻔﻨﺎﻥ ﺍﻟﻤﺒﺪﻉ : ﻣﺤﻤﺪ ﺣﺴﻦ

اذهب الى الأسفل

10072015

مُساهمة 

GMT + 7 Hours ﺭﺳﺎﻟﻪ ﻣﻦ ﺍﻟﺸﺎﻋﺮ ﻋﻠﻲ ﺍﻟﻜﻴﻼﻧﻲ ﺍﻟﻰ ﺍﻟﻔﻨﺎﻥ ﺍﻟﻤﺒﺪﻉ : ﻣﺤﻤﺪ ﺣﺴﻦ




ﺭﻓﻴﻖ ﻋﻤﺮ ﻃﻮﻝ ﺍﻟﻌﻤﺮ ﻣﺎﻧﻨﺴﻮﻙ ... ﺍﻟﺸﺒﻠﻲ ﻣﺤﻤﺪ ﺣﺴﻦ ﻳﺎﻓﻨﺎﻥ ... ﺍﻟﻠﺤﺎﻧﻚ ﻭﺻﻮﺗﻚ ﺷﺮﻑ ﻣﻦ ﺳﻤﻌﻮﻙ ... ﺩﺧﻞ ﻟﻠﻘﻠﻮﺏ ﻭﺷﻨﻔﻦ ﺍﻟﻠﺬﺍﻥ ...
ﻭﻟﻮﺣﺎﻭﻟﻮﺍ ﻳﺸﺮﻭﻙ ﻣﺎﻳﺸﺮﻭﻙ ... ﻧﻔﺴﻚ ﻋﺰﻳﺰﻩ ﻭﻋﺎﺭﻓﻚ ﻋﺼﺮﺍﻥ ... ﻭﻟﻮﺣﺎﻭﻟﻮﺍ ﻳﻤﺤﻮﻙ ﻣﺎﻳﻤﺤﻮﻙ ... ﻳﻤﺤﻮ ﺍﻟﻬﻮﺍﻣﺶ ﻗﺎﻋﺪ ﺍﻟﻌﻨﻮﺍﻥ ... ﻭﻟﻮ ﺣﺎﻭﻟﻮﺍ ﻳﻐﻤﻮﻙ ﻣﺎﻳﻐﻤﻮﻙ ... ﺻﻮﺗﻚ ﺟﻬﻮﺭﻱ ﺩﻭﻧﻪ ﺍﻟﺰﻣﺎﻥ ... ﻭﻟﻮﺣﺎﻭﻟﻮﺍ ﻳﻬﺰﻭﻙ ﻣﺎﻳﻬﺰﻭﻙ ... ﻛﻢ ﺭﻳﺢ ﻣﺎﻫﺰﺕ ﺟﺒﻞ ﻏﺮﻳﺎﻥ ... ﻭﻟﻮﺣﺎﻭﻟﻮﺍ ﻳﻐﺮﻭﻙ ﻣﺎﻳﻐﺮﻭﻙ ... ﺑﻌﺪ ﺍﻟﺼﻘﺮ ﻣﺎﺗﺮﺍﻓﻖ ﺍﻟﻐﺮﺑﺎﻥ ... ﻛﻢ ﺣﺎﻭﻟﻮﺍ ﻛﺴﺮﻙ ﻭﻣﺎﻛﺴﺮﻭﻙ
... ﻭﺍﻧﺖ ﻗﻠﺘﻬﺎ ﺑﺮﻭﺣﻚ ﺟﺒﻞ ﺻﻮﺍﻥ ... ﻭﻟﻮ ﺣﺎﻭﻟﻮﺍ ﻳﺜﻨﻮﻙ ﻣﺎﻳﺜﻨﻮﻙ ... ﺍﻟﻔﺎﺗﺢ ﻋﻘﻴﺪﻩ ﻭﺍﺧﺬﻩ ﻭﺍﻳﻤﺎﻥ ... ﻭﻛﻢ ﺣﺎﻭﻟﻮﺍ ﻳﺼﻴﺪﻭﻙ ﻣﺎﺻﺎﺩﻭﻙ ... ﻻ ﺑﺎﻟﺮﺷﺎﻭﻱ ﻻ ﺑﻘﻄﻊ ﺍﻟﻠﺴﺎﻥ ... ﻭﻟﻮ ﺣﺎﻭﻟﻮﺍ ﻳﻬﻴﻨﻮﻙ ﻣﺎﻳﻬﻴﻨﻮﻙ ... ﻫﻢ ﺍﻟﻤﻬﺎﻧﻪ ﻭﺍﻧﺖ ﻣﺎﺗﻨﻬﺎﻥ ... ﻭﻟﻮﺣﺎﻭﻟﻮﺍ ﺣﺒﺴﻚ ﻭﻟﻮ ﺍﺣﺒﺴﻮﻙ ... ﺟﺮﺩﻙ ﻭﻋﻮﺩﻙ ﻳﺮﻋﺐ ﺍﻟﺴﺠﺎﻥ ... ﻭﻟﻮ ﺷﻜﻠﻮﻟﻚ ﻣﺤﻜﻤﻪ ﺣﻜﻤﻮﻙ ... ﻭﻫﻢ ﻋﻨﺪﻫﻢ ﻋﺎﻟﺰﻭﺭ ﻭﺍﻟﺒﻬﺘﺎﻥ ... ﺩﻓﺎﻋﻚ ﺍﺣﺒﺎﺑﻚ ﻛﻞ ﻣﻦ ﺣﺒﻮﻙ ... ﻣﺎﻧﻚ ﺑﺮﻭﺣﻚ ﻳﺎﺭﻓﻴﻖ ﺍﻃﻤﺎﻥ
... ﻭﻟﻮﺣﺎﻭﻟﻮﺍ ﺍﻳﻄﻮﻟﻮﻙ ﻣﺎﻳﻄﻮﻟﻮﻙ ... ﺍﻧﺖ ﺍﻟﻤﻘﺎﻣﺎﺕ ﻭﺻﺪﻱ ﺍﻻﻟﺤﺎﻥ ... ﺍﻧﺖ ﺟﺪﺭ ﻻﺗﻨﺴﻞ ﻻ ﻳﺴﻠﻮﻙ ... ﻓﻲ ﻟﻴﺒﻴﺎ ﻣﻦ ﻧﻬﺮﻫﺎ ﺭﻭﻳﺎﻥ ... ﻛﻴﻒ ﺍﻟﻌﻠﻢ ﻟﻮ ﺣﺎﻭﻟﻮﺍ ﻳﻄﻮﻭﻙ ... ﺩﻳﻤﺎ ﻋﻠﻲ ﺭﺁﺱ ﺍﻟﺸﺮﻑ ﺑﺘﺒﺎﻥ ... ﺍﻧﺖ ﺻﻮﺕ ﻟﻠﻔﺎﺗﺢ ﻭﻫﻢ ﻋﺮﻓﻮﻙ ... ﺭﺣﻠﻪ ﻧﻐﻢ ﻣﺎﻟﻐﺮﺏ ﻟﻠﺒﻄﻨﺎﻥ ... ﻭﺧﻴﻤﻪ ﺍﻟﻌﺰ ﻓﻲ ﻭﺳﻄﻬﺎ ﺷﺎﻓﻮﻙ ... ﺍﻟﻌﺎﻟﻢ ﺷﻬﺪﻟﻚ ﻣﺎﺗﺒﻲ ﺑﺮﻫﺎﻥ ... ﺍﻧﺖ ﻣﻼﺣﻢ ﻋﺎﻟﻬﻮﺍﺀ ﺑﺜﻮﻙ
... ﻓﻲ ﺳﺮﺕ ﻓﻲ ﺍﻟﺮﺑﺎﻁ ﻓﻲ ﺍﻟﻔﺮﺳﺎﻥ ... ﺍﻧﺖ ﻧﻌﺮﻓﻚ ﺭﺍﺟﻞ ﻭﻧﻌﺮﻑ ﺧﻮﻙ ... ﻳﻌﺰﻙ ﻣﻌﺰﻩ ﺭﻛﻦ ﻣﺎﻟﺮﻛﺎﻥ ... ﻭﺍﻟﺮﺣﻤﻪ ﻋﻠﻲ ﺍﺻﺤﺎﺑﻚ ﺍﻟﻠﻲ ﺳﺒﻘﻮﻙ ... ﻭﺧﻠﻚ ﻋﻠﻲ ﺍﻟﻤﺒﺪﺍﺀ ﻭﻻ ﺗﻠﻴﺎﻥ ... ﺻﺪﻳﻘﻚ ﺍﻟﺸﺎﻋﺮ ﻓﻀﻞ ﺑﻮ ﺍﻟﻤﺒﺮﻭﻙ ... ﻭﻣﺴﻌﻮﺩ ﻭﻋﺮﻳﺒﻲ ﻭﻟﺴﻠﻴﻤﺎﻥ ... ﻭﻛﺎﻥ ﻣﺎﻳﺮﻳﺪ ﺍﻟﻠﻪ ﻣﺎﻳﻤﺴﻮﻙ
... ﺍﻟﻤﻮﺕ ﻣﻮﺕ ﻭﺣﺪﻩ ﻣﺎﺗﻤﻮﺕ ﺟﺒﺎﻥ ... ﻭﻟﻮ ﺣﺎﻭﻟﻮﺍ ﻳﻨﻬﻮﻙ ﻣﺎﻳﻨﻬﻮﻙ ... ﻭﺍﻟﻘﺪﺭ ﻣﺎﻳﻨﺰﻝ ﺍﻻ ﺑﺴﻠﻄﺎﻥ ... ﻭﻟﻮﺣﺎﻭﻟﻮﺍ ﺑﻴﻐﻨﻮﻙ ﻣﺎﻳﻐﻨﻮﻙ ... ﺍﻧﺖ ﻏﻨﻲ ﻋﻨﻬﻢ ﻣﺎﻟﺴﺒﺤﺎﻥ ... ﻣﺎﻳﻨﻌﺰﻟﺶ ﺍﻟﻔﻦ ﻟﻮ ﻋﺰﻟﻮﻙ ... ﺭﻳﺸﻪ ﻭﻋﻮﺩ ﻭﻃﺒﻞ ﻣﻦ ﻓﺰﺍﻥ ... ﻣﺎﻧﻜﺶ ﺧﺎﺻﺮ ﻫﻢ ﺍﻟﻠﻲ ﺧﺼﺮﻭﻙ ... ﺍﻧﺖ ﺻﻮﺗﻨﺎ ﺑﺎﻟﻨﻐﻢ ﻳﺎﺩﻳﻮﺍﻥ .... ﺍﺧﻀﺮ ﻣﻌﺒﺎﺀ ﺣﺎﻭﻟﻮﺍ ﻳﺨﻀﻮﻙ .... ﻭﻛﻠﻪ ﻣﺮﺍﺩ ﺍﻟﻠﻪ ﻭﺍﻣﺘﺤﺎﻥ ... ﻭﻻ ﺗﻨﻐﻤﺲ ﻓﻲ ﺍﻟﻌﺎﺭ ﻭﻳﺴﺒﻮﻙ ... ﻟﻴﻬﻢ ﻓﻌﺎﻳﻞ ﻓﻌﻠﺔ ﺍﻟﺸﻴﻄﺎﻥ ... ﻛﻢ ﻭﺭﻃﻮﺍ ﻣﻦ ﺩﻗﻦ ﻛﻢ ﺯﻋﻠﻮﻙ ... ﺿﺤﻜﻮﺍ ﻋﻠﻴﻪ ﻭﻏﺎﺩﺭ ﺍﻟﻤﻴﺪﺍﻥ ... ﺧﻮﺫ ﻣﺜﻞ ﺷﻠﻘﻢ ﻓﻌﻠﻬﻢ ﻭﺭﻭﻙ ... ﺑﺪﺍﺀ ﻋﺒﺪ ﻟﻴﻬﻢ ﻣﺎﻭ ﻟﻠﺮﺣﻤﺎﻥ ... ﺍﻟﻌﻈﻤﻲ ﺍﻟﻠﻲ ﻛﺎﻧﺖ ﻟﻘﺎﺀ ﺍﻟﻤﻠﻮﻙ ... ﻓﻲ ﺷﺎﻥ ﻛﺎﻧﺖ ﻭﺍﺻﺒﺤﺖ ﻓﻲ ﺷﺎﻥ ... ﻓﻲ ﻟﺤﺎﻓﻬﺎ ﺩﺍﺭﻭﺍ ﺍﻟﻨﺎﺗﻮ ﺷﺮﻭﻙ ... ﻳﺒﻮﻫﺎ ﻭﻻﻳﻪ ﺗﺎﺑﻌﻪ ﺍﺭﺩﻭﻏﺎﻥ ... ﻓﻴﻬﺎ ﻣﺨﺎﻧﺐ ﺧﺎﻧﺒﻪ ﺍﻟﺒﻨﻮﻙ ... ﻭﻓﻴﻬﺎ ﺯﻧﺎﻳﺰ ﻏﺎﻟﺒﻪ ﺍﻟﺪﻓﺎﻥ ... ﺍﻟﻘﺎﺩﻩ ﺍﻟﻠﻲ ﻓﻴﻬﺎ ﺗﻘﻮﻝ ﺩﻳﻮﻙ ... ﺗﺸﻮﻓﻪ ﻳﻜﻮﻛﻲ ﻭﻣﻦ ﻭﺭﺍﺀ ﻋﺮﻳﺎﻥ ... ﻭﺍﻟﻠﻲ ﻏﺰﺍﺀ ﺑﺎﻟﺴﻴﻒ ﻓﺎﻟﻴﺮﻣﻮﻙ ... ﻋﺎﻭﺩ ﺍﻟﻜﺮﻩ ﺑﺪﻭﺷﻜﻪ ﻭﺭﻣﺎﻥ ... ﺻﻮﺗﻚ ﻟﻮﻃﻨﻚ ﺑﻴﻪ ﻣﺎﻳﺬﻟﻮﻙ ... ﻣﺎﻫﻮﺵ ﻻﺟﺎﻭﻳﺪ ﻻ ﻟﻠﻮﺍﻥ ... ﻟﻠﺨﻤﺲ ﻟﺠﺪﻭﺩﻙ ﻭﺷﺮﻑ ﻟﺒﻮﻙ ... ﻭﻟﻲ ﻫﻠﻚ ﻫﻠﻲ ﻗﺎﻭﻣﻮﺍ ﺍﻟﻄﻠﻴﺎﻥ ... ﺗﺮﻓﻊ ﺍﻟﻬﻤﻪ ﻣﻦ ﺟﺪﻳﺪ ﻧﺒﻮﻙ ... ﻻ ﺗﻨﺘﻜﺲ ﻻﺗﻘﻮﻝ ﻣﺎﻇﻲ ﻛﺎﻥ ... ﻛﻴﻒ ﻋﺎﺩﺗﻚ ﻳﺎﺻﻮﺗﻨﺎ ﻧﻌﻠﻮﻙ ... ﻓﻮﻕ ﺍﻟﻌﻼﻭﻱ ﻭﻓﻲ ﻋﻈﻴﻢ ﺍﻟﺸﺎﻥ ... ﺷﻤﻌﻪ ﻇﻮﺕ ﻟﻠﻮﻃﻦ ﺑﻴﻄﻔﻮﻙ ... ﺗﻬﺒﻲ ﺗﻤﻮﺕ ﻭ ﻳﻠﻌﻨﻮﺍ ﺍﻟﺪﺧﺎﻥ
... ﻻﻙ )) ﺭﺑﻊ ﺗﻮﻥ (( ﻭﻻ ﺑﻴﺨﺘﺼﺮﻭﻙ ... ﺍﺩﻧﺪﻥ ﻟﻤﺼﺮﺍﺗﻪ ﻭﻟﻠﺰﻧﺘﺎﻥ ... ﺍﻟﻌﺮﺑﻲ ﺍﻟﻘﻮﻣﻲ ﻻ ﻭﺭﺍﺀ ﻳﺮﺩﻭﻙ ... ﻗﺒﻠﻲ ﻭﺷﻠﻠﻲ ﻣﻨﻌﻤﻲ ﻋﻤﻴﺎﻥ ... ﺍﻧﻮﻱ ﺍﻟﺼﻼﻩ ﻭﺍﻟﺼﺒﺮﻛﺎﻥ ﻧﻮﻭﻙ ... ﺗﻮﻛﻞ ﻋﺎﻟﻠﻪ ﻭﺍﻟﻨﻮﺍﻳﺎﺀ ﺗﺒﺎﻥ ... ﻛﻴﻒ ﻋﺎﺩﺗﻚ ﻳﺎﺑﺤﺮﻣﺎﻳﻬﻤﻮﻙ ... ﺻﻮﺗﻚ ﻟﻬﻢ ﺭﻳﺒﻪ ﻭﻟﻴﻨﺎ ﺍﻣﺎﻥ ... ﻛﻴﻒ ﻗﺒﻞ ﻧﺒﻘﻮ ﻫﻠﻚ ﻭﺍﻧﻌﺰﻭﻙ ... ﻭﺍﻻﺣﺴﺎﻥ ﻣﺎﻳﺠﺰﺍ ﺍﻻ ﺑﻠﺤﺴﺎﻥ ... ﻭﺍﻟﻴﺎ ﺭﺍﺩ ﺭﺑﻲ ﻳﺎﺭﻓﻴﻖ ﻧﺠﻮﻙ
.... ﻭﻳﻜﻮﻥ ﺍﻟﻠﻘﺎﺀ ﺑﺎﻟﻮﺭﺩ ﻭﺍﻟﺮﻳﺤﺎﻥ

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
بسم الله الرحمن الرحيم
  إِذَا جَاءَ نَصْرُ اللَّهِ وَالْفَتْحُ  وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا  فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا  .
flag2 flag2 flag2 flag2

avatar
جراح وطنية
 
 

الجنس : انثى
عدد المساهمات : 32186
نقاط : 46548
تاريخ التسجيل : 19/09/2011
. :
. :
. :

الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

 
صلاحيات هذا المنتدى:
لاتستطيع الرد على المواضيع في هذا المنتدى