منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

الشاعر الشعبي نصيب الصقوري ينصف القائد في قصيدة ندم

اذهب الى الأسفل

الشاعر الشعبي نصيب الصقوري ينصف القائد في قصيدة ندم

مُساهمة من طرف د.محمد جبريل في السبت 25 أبريل - 18:21

ابكن قولن لاحول الله .. علي مطراه .. الوطن اللي باعوه ضناه ابكن قولن!!!
-------------------
أخذو غايتكم يا داعش .. عليكم غايب بومنيار
اللي كانت منه ترعش .. أمريكا موش عويل صغار
اللي كان الكم كي الوحش .. تخافو منه ليل نهار..


رحل خلاها غير اتنش .. رحل درتوها قندهار.
رحل جيشه تم امطرطش .. الجيش اللي كاين ماصار..
ايام وهو قاعد عايشّ .. عمل دارلكم ما يندار


الكم في غابة درنه خش .. عليكم حرّقها بالنار
عليكم حرقهن لعشش .. ابقيتو لا بيت ولا دار..
امغير الدنيا وين اتنش .. اتبكي بوعزمين أكبار..


الوطن اللي كان امزركش ..اركب فيه اليوم الدمار..


اليوم ابقي فيدين حبش .. الله الله .. بعد فرقاه ..الوطن احصل فيدين أعداه ..ابكن قولن لاحول الله .. علي مطراه .. الوطن اللي باعوه ضناه ابكن قولن!!!
avatar
د.محمد جبريل
 
 

الجنس : ذكر
عدد المساهمات : 872
نقاط : 4364
تاريخ التسجيل : 25/12/2014
. :
. :

الرجوع الى أعلى الصفحة اذهب الى الأسفل

رد: الشاعر الشعبي نصيب الصقوري ينصف القائد في قصيدة ندم

مُساهمة من طرف الشابي في السبت 23 مايو - 20:53

رد الشاعر ‫‏على انقاجى‬ على المدعو نصيب السكوري في قصيدته اللي مطلعها
ابكن قولن لاحولا الله**على مطراه **الوطن الى باعوه ضناه
-------
أما الرد يقول :
-------
لاتبكن لاتقولن وين ***ولاتنوحن لاتقولن واك
ابكى ياسكورى الحزين***بروحك ماوالى يفداك
ياخاين يابولونين ***ياتلتاله ياهفاك
ولو يبقى دمعك سيلين***ماحاجه بيجيب ابكاك
وينك قبل ثلاث اسنين***ماسمعت نديبك وشلاك
كنت من اول بياعين***اتصفق لناتو كشاك
كليته رز القطريين***وفى الساحه اتعدد فى شناك
وترقص لصليبين***امعاهم فى الشاشه شفناك
امنين اولاد اليبين***كلاهم لسلاح الفتاك
انسلخو ماتو محروقين***هتايه وادماهم سفاك
وانتا مابين الحضنين***راقد متهنى مدفاك
وتاكل فى أغاثة لخرين***واقف فى طابور عشاك
ماريتش موت الزينين ***ثمان اشهور الموت خطاك
وساركوزى معاك وماكين***ف بنغازى نزلو ف وطاك
وموزة وحمد بو بطنين***ماتطمع فينا لولاك
وليفى مرحوم الولدين***امقضى كمن يوم احذاك
اتحامى دايرله طوقين***مطمن قاعد فى احماك
راتع فى ابلادك شهرين***مدلل ف احضان انساك
امعاهن يرقد بليومين***وين يمشى يعطيك اكراك
عليه اشيوخك ملتمين ***عقد مامن جلسه يلاك
شهاده ماقصر مسكين ***امنينك تنبح كان امعاك
وجاب اجيوش وطيارين***ومن جيش الطاغى نجاك
وجاب معاه اسطول متين ***وخش احروب على سباك
وعيت امريكا قالو وين***احنى رانا فراشك وغطاك
وناضو معاك المندسين***ومصراته وداك ياداك
وتوا خيرا حالك شين***تشكى وماونافع شكواك
داعش ماهمش غريبين***هاديما اولادك وابناك
وشوى امعاهم خوت اخرين***افغان ومصريه واتراك
كانو معاكم فزاعين ***امنين الناتو كان اغطاك
واليوم كيف ابديتو صفين***ولا يتبع فيك ادعاك
ياخاين جوك الصيادين***حنش ربيته رد كلاك
ابدى يذبح والموس طرين***ايقطع ويفرت فى احشاك
كيف الى درتا تبين ***امنينك خنت الى رباك
كيف ادان تكون مدين ***حال الدنيا مايغباك
وين الناتو غايب وين ***بروحك فى العركه خلاك
زعم ماعندا فزاعين***ولاتم قديم غلاك
انتا وجهك دوم رزين***وملعون ومولاك خزاك
وديما واخذ عالتلوين ***وكل ساعه امبدل مبداك
بدل فبراير بالدين***وخلى اللحيه لركباك
وبايعهم لرهابين ***ويبدا البغدادى مولاك
بالك تلقا ساس متين **عظيم ابناه **تعيش وتستانس فى احماه
avatar
الشابي
 
 

الجنس : ذكر
عدد المساهمات : 10307
نقاط : 30099
تاريخ التسجيل : 29/04/2014
. :
. :
. :

الرجوع الى أعلى الصفحة اذهب الى الأسفل

رد: الشاعر الشعبي نصيب الصقوري ينصف القائد في قصيدة ندم

مُساهمة من طرف gandopa في الأحد 24 مايو - 11:25


ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
استمروا
avatar
gandopa
 
 

الجنس : ذكر
عدد المساهمات : 8733
نقاط : 18809
تاريخ التسجيل : 03/08/2011
. :
. :

بطاقة الشخصية
زنقتنا:

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى