منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

ﺑﺎﺕ ﻋﻨﻮﺩ ﻣﻮﺵ ﻫﺬﺍ ﻣﻜﺎﻧﻪ

اذهب الى الأسفل

14042015

مُساهمة 

GMT + 7 Hours ﺑﺎﺕ ﻋﻨﻮﺩ ﻣﻮﺵ ﻫﺬﺍ ﻣﻜﺎﻧﻪ




ﺍﻟﺸﺎﻋﺮ ﻋﻠﻲ ﺍﻟﻜﻴﻼﻧﻲ ///



بات عنود موش هذا مكانه ... ولد البيت لاهذا كفاه ... كبير القدر مانك للإهانه ... ربت عز مانك للصغا ... ولد اجواد حشاك العفانه ... ولا لك عين تنضر للوطى ... أسمر كيف عود الخيزرانه ... وسيف ذكير جُرد من جواه ... دمه خضر كيف الحوذلانه ... علي البلاد مقطوعه لواه ... كل القدر ماقصر عطانا ... ولجل الوطن ماعنده عطاه ... قدم كبد من دفعة ضنانا ... شهيد عريس للعظمى هداه ... مزروعين نقذف في دمانا ... معاه في السجن قدامه او وراه ... صبح وليل متربع معانا ... واحني فالسجن بالجمله معاه ... كانَ ظهر يحضر في غدانا ... وبالتأكيد نحنا في غداه ... وكانَ ليل في لقمة عشانا ... وضيم الوطن في لقمة عشاه ... بدي فالشعر راسم في غنانه ... يبدى بيه مايعمر بلاه ... ملح طعام نشهاه وشهانا ... ونحنا ملح ذايب في حساه ... عرفتك صيد صاحب مردخانه ... لا خوبرت لا تحني جباه ... طير وحر عنقر في زمانه ... مشي ممنون كم عاشم نواه ... عليه وفيه معروفه الفطانه ... مامن دِقن باللّيه لواه ... بات عنود نعرف تيغوانه ... كان أرزام يمسح في الدراه ... وين الليل يغرب بالشطانه ... بات عنود يتقّى بلاه ... كمن دقن كسرله اسنانه ... وكم خفاش حسنله لحاه ... كمن عضو يرشف فالخنانه ... طرّف وين عبدالله زواه ... وكم دكتورمتقطع ابطانه ... كيف الكلب يلحس في قفاه ... كم ربيع فتح قيحوانه ... وكمن غوط يعرف ميح ماه ... بات عنود حتى في إخوانه ... كبير القدر كم غالط نهاه ... بات عنود بالفاتح إيمانه ... ليل نهار يخدم لي رضاه ... فعلاً ركن وين نادا اركانه ... بات خميس في ركنه لقاه ... وين ايحس عنده مشغلانه ... مايرتاح لين ياجد هناه ... ماو غشيم يقرى في الرطانه ... غير الوقت ماجاش بهواه ... هِد هدود من خان الأمانه ... وإخرب بيت من باعه وشراه ... هكي الوقت عنده شقلابنه ... إيودك سم وين تطلب دواه ... ليه زمان يرطن بالخيانه ... وظنى لجواد ماسالت لغاه ... فرمشة عين في بونا رزانا ... شعب او وطن في قلبه رزاه ... فراقه شين نلقنه كوانا ... ومافي قلب ماطاله وكواه،،
درنا خير مو هذا كفانا ... فوطن العز والشاهد الله ... ولاده ليه كنا له ضمانه ... طعم ولون درناله وجاه ... الناتو فيه بطيوره غزانا ... والخيّان لمو عالغُازه ... شرق وغرب صرمنا فنانه ... كيف الغزل متخبّل سداه ... يبرم عون هي منية إمنانا ... وبالتأكيد هي منية امناه ... يشكع برق يوقد عقربانه ... سيله جور يربط عالجّلاه ... شبوب ذكر كيف لول جنانه ... يغسل عار بمواجه وماه ... غير هضاك عاطيهم حصانه ... كلاب الدم شاملهم إعفاه ... وهذا ايدير فيهم بزعقانه ... لين الريق ييبس عاللّهاء ... يامولاي فلقله قرانه ... حلف الشر وتفجر ابناه ... كيفما بنار شوشطنا شوانه ... حاكم قطر شوشطله كلاه ... خاين بوه ومقزن ابنانا ... يذوق القزن واتخونه ابناه ... بات عنود موش هذا مكانه ... ولد البيت لاهذا كفاه ...





عدل سابقا من قبل جراح وطنية في الثلاثاء 14 أبريل - 17:27 عدل 1 مرات

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
بسم الله الرحمن الرحيم
  إِذَا جَاءَ نَصْرُ اللَّهِ وَالْفَتْحُ  وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا  فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا  .
flag2 flag2 flag2 flag2

avatar
جراح وطنية
 
 

الجنس : انثى
عدد المساهمات : 32186
نقاط : 46546
تاريخ التسجيل : 19/09/2011
. :
. :
. :

الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

ﺑﺎﺕ ﻋﻨﻮﺩ ﻣﻮﺵ ﻫﺬﺍ ﻣﻜﺎﻧﻪ :: تعاليق

avatar

مُساهمة في الثلاثاء 14 أبريل - 15:55 من طرف brokenpen82

الله غالب. تطول القائمة بأسماء من أفنوا حياتهم فداءا للوطن و لا سبيل لهم للحصول على أبسط حقوقهم.

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى