منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

رسالة الشاعر علي الكيلاني للدكتورة عائشة معمر القذافي

اذهب الى الأسفل

رسالة الشاعر علي الكيلاني للدكتورة عائشة معمر القذافي

مُساهمة من طرف ابن زليتن السيل العرم في الجمعة 26 سبتمبر - 22:26

رساله الشاعر علي الكيلاني والد الشهيد عمرو
الي بنت الشهيد اخت الابطال الدكتوره عائشه معمر القذافي
احنا هلك يا عيشه عطينه دم
ومازال نعطوك الارواح نعم

مازال كيف العاده
احنا هلك فازع كل حد بزناده
ماتسمعي الهماز والحساده
مشوارنا مازال كيف وكم
والوطن غالي ونعبدوه اعباده
من قبل يا بال الزعيم اردم
عارفينه ناتو وجرعه. صاده
جينا سوا ظالم. سوا انظلم
عمك عجاج عطاه خمسه اولاده
ومازال يعطيهم. وماو نادم
ويلهد علي الباصور ناجي زياده
ويلهد علي الناتو وعمره تم
هلك يرسلوا ع الموت لي الشهاده
واليوم ع المعاطن يرسلوا الغلم
امس جرد باتك يبرموا فجداده
واليوم يا ودوده ع الرصاص اسقم
اللي ما عطي عمره عطاه اكباده
واللي ماو موطارد البيت اهدم
واللي ماو متكلبش اذراعه وساده
يخطط لرد الثار ويخمم
ومامن اللي مطروح بالكماده
علي فراق بوك تقول. مشكم
علي الثار يجروا كلهم حداده
اللي ماو. صانع سيف دار جلم
وكان موش نحنا عالنين مزاده
لا يرجعه جبريل. لا شلقم
في خيلنا. ما عندنا طرواده
لا يشلخن. لا يعرفن لخرم
اكيد صدقيني فالحياه زهاده
عايشين باك. الحايسه تلتم
من يخون دمه ولا جهاد اجداده
عطينا الثوب وما انشد الكم
حتي اللي ناوي لفراق تماده
فوتيه خلا في غريق اليم
انتي في غنا عنا وعن قداده
صيورهن يردن الحمر الحم
ويفطن الراقد ما يطول ارقاده
ولخرس بيسمع والزكيم يشم
هلي خنس ترميه. رمي رشاده
واللي مهرب مال. ياكل سم
هاذوم ما يساووا جناح جراده
ولا الخير دام. ولا الشر يعم
اللي يهربوا في المال والحلباده
ما يهمهم. شتام كان شتم
نجيبوا الشريط ونطلبوا ليعاده
اللي يهتفوا يقولوا (( اهم اهم ))
عطونا وثايق عهدهم عاهاده
البر والبحر شاهد مع العالم
وموحال تلتفتي علي المرماده
اللي ماندم فيه يوم بي يندم
احنا جرحنا غاير وزاد تماده
كان ما نعظ الصبر ما يلتم
نبوك نايره بين العمام ازهاده
بهم. تخرجي مالجو لملغم
ونبوك عن حالاتهم نشاده
هلي عطاك ظناه ما ينذم
نبوك يا احديه جرحهم ظماده
اللي خاصمك ماهوش وقت خصم
وكيف نعرفك خلك قويت اراده
بنت صقر وحديه. تشيلي الهم
حتي سكبتي دمعتك بداده
ما تشرتعيش الصف لمي لم
وراو بينكم بيفسدوا الفساده
ويفرقوا بين الرظيع ولم
ولا تنزلي قيدرك بلا شداده
وتعرات المذابح تو ما تلزم
ما اتخيل غناوه بلا رداده
انتي هلك هلي مات واللي اسلم
وما تفتحيش مجال للشوشاده
وشن عندها لكلاب غير الشم
وشعري عويني ميزته فعواده
مللي سهي اثاوب يشموا الفم
نبوك تشرحي الخاطر وجه سعاده
المطرطشه في وجوهنا تلتم
وباتك اجوادي ما يكل جواده
هو ركبته والعزم وين عزم
وعمرا الجمل ما يلتفت لقراده
مالحمل موشاقي بمص الدم
ومامن اللي ناويلنا ليباده
لا يدس فيها ولاو متحشم
امنينا يبي مولاي عشنا ساده
حراص باتك من اعداه اسلم
ومنينا ايبي مولاي شد عظاده
لا حنا ولا انتي اعماه وين حكم
بعد حددن ليام يا. وداده
دار خط مولانا. الحيط لطم
لا عاد ثواني لا دقيقه زاده
هك راد ربي والعناد غشم
ناده. سيده والمنادي ناده
معمر نبيك شهيد قال ( نعم )
لوكانها بالود في السداده
مازال نجعه والليبل. ترزم
وعمك خميس مقابله ابراده
علي نار شاهي والحطب عجرم
ولو بودنا مازال في الرياده
ولو بودنا ما خش ها الملطم
وحتي ( خوالك ) يقدعوا الشراده
وحيل غايته لا جوه لا جاهم
لكن الله غالب فقدتي اعناده
نقاش في مراد الله مايلزم
وحيل غايتي مازال كيف العاده
بيت الشعر بو كحال ماانهدم
ما تقول في العثعث النجع تقاده
اللي اليوم خالي مالعجاج اردم
ولا تقول في المغرب اتجي لماده
اكحيله اقداحه مالحليب اتزم
ولا تقول جنا خيل لي ملهاده
وشعار في. شعر الفخر تلظم
هو بشر عندا عمر تم مداده
عاش صقر موته صقر ومكمم

احني هلك ياعيشه عطينا الدم
ومازال نعطوك الارواح نعم
عطينا الثوب ومانشدوا الكم

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع


ابن زليتن السيل العرم
 
 

الجنس : ذكر
عدد المساهمات : 1233
نقاط : 7585
تاريخ التسجيل : 24/05/2011
. :
. :

الرجوع الى أعلى الصفحة اذهب الى الأسفل

رد: رسالة الشاعر علي الكيلاني للدكتورة عائشة معمر القذافي

مُساهمة من طرف جراح وطنية في الجمعة 26 سبتمبر - 22:33

 صح لسان الشاعر ويسلم أخونا اللي ناقلها
احني هلك ياعيشه عطينا الدم
ومازال نعطوك الارواح نعم
عطينا الثوب ومانشدوا الكم
Thump up Thump up Thump up Thump up

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
بسم الله الرحمن الرحيم
  إِذَا جَاءَ نَصْرُ اللَّهِ وَالْفَتْحُ  وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا  فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا  .
flag2 flag2 flag2 flag2

avatar
جراح وطنية
 
 

الجنس : انثى
عدد المساهمات : 32248
نقاط : 46933
تاريخ التسجيل : 19/09/2011
. :
. :
. :

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى