منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

هلوسات ليبي ...الثلاثاء 2014.08.19

اذهب الى الأسفل

هلوسات ليبي ...الثلاثاء 2014.08.19

مُساهمة من طرف gandopa في الثلاثاء 19 أغسطس - 20:22

هلوسات ليبي ...
الثلاثاء 2014.08.19
محكمة !!
سيدي "الفاضي " منذ ان انطولقت هادي الثُورة جابت معاها الاتي !!
شد عندك.. بعد قتلوا الشرطة والجيش في بدايتها بكذبة المرتزقة وتشوا النار في كل شي حتى في السجل المدني والسجل العقاري وديوان المحاسبة ومراكز الشرطة والامن والبحث الجنائي وطلقوا المحبسة وهجروا مدن وحبسوا الناس وصادروا ممتلكاتهم وخنبوا مصرف ليبيا المركزي في بنغازي وفي سبها وخنبوا سيارات المصارف اللي رافعة الفلوس وخنبوا حتى طيارات الفلوس وماتوا بالبوخة وبالعبوات الناسفة ...وطيحوا المرابطية واغتالوا الائمة وضربوا بعضهم بالجراد وبالطيارات وخنبوا مغاطي المجاري وخيوط الضي وبطاريات شركة المدار ولبيانا وسكروا النفط وسكروا المية وسكروا المطارات والمؤاني وداروا عزل سياسي ودروع ولجنة امنية وردع وقوى متحركة وساكنة وقطعوا الضي والاتصالات ومسحوا الغابات وتشوا فيها النار في الجبل الاخضر وجابوا اليهود وهجروا العرب وخلونا نخشوا حتى لتشاد بالتأشيرة والمصاروة يفتشوا فينا بالكلاب
وخلونا نداو في جروحنا في جميع مستشفيات العالم وخنبوا حافلة حجاج واغتصبوا الفلبينيات والباكستانيات وقتلوا السفراء وخطفوا الدبلوماسين !!
وجابوا رئيس الوزراء في سورية طويلة ورئيس عصابة حقق مع رئيس الدولة !!
وقعدنا نردوا في الشيرة على قطر وتركيا وداروا صحف ما يقراء فيهن حد
ومحطات ما يتفرج عليهن حد وحكومة ما يعدل عليها حد !! وليهم ثلاثة شهور يدقوا في تاني مدينة وشهر ونص يدقوا في العاصمة والمدينة التالتة اعلنوها منطقة عسكرية !! ودارولنا خيم على حبيلة تونس وخذينا إغاثات من الصليب الاحمر والهلال الاحمر.!! وقريب يبدوا صغارنا يجروا وراء سيارات الصليب الاحمر
ويمدوا في حكاك النيدو المصديات بيش يصبولهم فيها شوية رز مخلط بالمية !!
ويا سيادة الفاضي :
البينة على من أدعى واليمين على من تفبرر !! ويا سيادة الفاضي في بلادنا كل شي في الزايد إلا اخلاق الناس في النازل !!!
وشكراً....
التوقيع ....... زلم من ازلام الوطن
وسامحوني (نهلوس ) خوكم كلام عرب

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
استمروا
avatar
gandopa
 
 

الجنس : ذكر
عدد المساهمات : 8732
نقاط : 18756
تاريخ التسجيل : 03/08/2011
. :
. :

بطاقة الشخصية
زنقتنا:

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى