منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

تمنى الموتة قبل موتت ابوه،،،معاه اندفن في وين ما دفموه

اذهب الى الأسفل

تمنى الموتة قبل موتت ابوه،،،معاه اندفن في وين ما دفموه

مُساهمة من طرف سفانة في الخميس 6 فبراير - 19:36

تمنى الموتة قبل موتت بوه معاه اندفن في وين مادفنوه

اهداء من الشاعر المجاهد عبد الله منصور الي روح الشهيد المناضل المعتصم بالله معمر القذافي ..


تمنى الموتة قبل موتت بوه~~ معاه اندفن في وين مادفنوه


ايام الوسع متباعد

وغيره اللي في ركن باته قاعد.

ومنين صار الكرب كان الساعد.

وكان خط موت ونار ماقدروه.

لكن كتب ربك وهكي واعد

لو ينفدا. مامن أعزاز فدوه


تمنى الموت اتجيه

ولا ايشوف باته دايلين عليه.

عقل ركبته اوحاول يبي اينجيه

وان كانت علي الجرذان مايكيدوه

علي اخشومهم يمشي اقبالة بيه

ولولا الناتو كذب ماوصلوه


صامد قعد شهرين

مابين بوهادي. ورقم اثنين.

وكم معركة اوقداش ملطم شين

ولا يوم ريحهم. ولاهنوه.

وحاول اينجي بوه في عشرين

من شهر عشرة غير هم سمعوه

والرتل كله قوته سبعين

وهاذيم عشرين الف ماقدروه

لولا الغاز وضرب طيارين

وبركان من جم الغضب صبوه

يقولوا الجنازة مااتعارك وين

ايتم اجلها والعمر مايزيدوه

سلامي عليكم ياحباب العين

فاضي المكان اينش خليتوه

واليوم في روضت الصديقين

يكفي اللي في الدهر عقبتوه

صيتكم كما صيت الهلالين

أعزاز الفخر والمجد سطرتوه


موت شجاعة

مات كيف موتت بوه راسه باعة

وساعة خروج الروح نفس الساعة

والتربة سوا نفس التراب سفوه.

والغسال واحد والحضور جماعة

بكوا دم مالقيوا اللي يعزوه

ولا من ايعزيهم ايمد اصباعة

غير الشوامت ماهناك اوجوه

من قال قائدهم نهار اوداعة

لا فاتحة. لايقدروا ينعوه

صلاة الشويرف تابتة اوقناعة

فعلن ايحبة كيف ماضنوه

صلى علي الجثمان زاد مناعة

والشيخ الجروشي كأنكم ريتوه

اقبالة حزين اوكبدتة ملتاعة

هم كلهم عشرة اللي حضروه

تنتوش كامي عبرته واوجاعة

لوكان يلقي كانهم خلوه

يشيله علي كتفة وفوق اذراعه

ويدرجه لمثواه. ويرشوه

عطر او زهر وادموع من دماعة

والفاتحة اوياسين وايواروه

هاذيم خوته اوعزوته. واتباعة

ومعاه مافي جهدهم داروه

مازالوا علي نفس الولاء والطاعه

حتي وهم فالحبس ماخانوه

لو موته طبيعي ماتغيب اذاعة

والحكام والقادة جميع ايجوه

ماكان لاسلوم. لا شماعة

للغرب هذا. بيش هم عادوه








المصدر: منتديات معمر القذافي
avatar
سفانة
 
 

الجنس : انثى
عدد المساهمات : 7920
نقاط : 15199
تاريخ التسجيل : 28/08/2011
. :
. :

بطاقة الشخصية
زنقتنا:

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى