منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

ضعنا وضاعت البلاد

اذهب الى الأسفل

ضعنا وضاعت البلاد

مُساهمة من طرف جراح وطنية في الجمعة 6 سبتمبر - 20:25

أميرة السلام كتب:
حسبنا الله ونعم الوكيل في هالبلاد واللي شادينها

والله العيشة فيها ما عاد تنطاااااااااااق بكل بكل

هذا حني علي خاطر مش تابعين قطع الميه
الحيوانات فاصلين النت
الله يرزينا فيهم,,

والله بلاد ما فيها حاجة تفرح ولا عاد صاير منها

تي للهاوية خلاص عليك يا ليبيا

تشاوات عليك بالهلبة
,,,,,,

جو هاذو الجردان ما يبو يحرجو حد ,, اللي ما قطعو عليه  المياه فصلو عليه النت
ووووووك عليك عيشة دبة الشيت

,,,,,

وحقا خيره حتي المنتدي لحق عليهم

مبكري نسجل في عضويتي بعد وين لين قدرت نسجل دخول
gandopa كتب:
المشكله مش في لبلاد المشكله في العباد.


لا اخلاق ولا ضمير، مستحيل واحد عنده ذرة من الايمان والوطنيه إيدير شيء من الي قعد ايصير توا.
الموت ولا خيانة الوطن كتب: كتب:gandopa
المشكله مش في لبلاد المشكله في العباد.


لا اخلاق ولا ضمير، مستحيل واحد عنده ذرة من الايمان والوطنيه إيدير شيء من الي قعد ايصير توا.

الله يبارك فيك وصح لسانك وبدنك يازعيم،،العباد هما العوج وانا واثق لو ربي يبت الروح في ليبيا
تي قسمآ عظمآ لما تتني سروالها فوق وتشد شبشبها وتخش الفيافي من هالشعب النفسية المنافق والطماع والكافر بنعمة ربي ومتاجر بأرواح الناس واصحاب القلوب السوداء
الشفاعه يارسول الله،و سبحان الله ربي كيف عالم بالغيب ولو لا كان هذا جابنا 80مليون

تخايلوا نحن 6و هكي صار
وباهي لو 80؟؟؟؟
انا مجرذ مانحاول نتخايل ذماغي يعطي فيا (لاتوجد اشاره)
باهي لنفترض ان ليبيا بدل الصين
او بالاحرى ربع سكان العالم؟؟
معناها رأسك يتفجر تقول امبوله
‏ ‏‏ ‏
الحمد لله الحمد لله ربك قياد العفاريت
‏ ‏‏ يالطيف يالطيف
أميرة السلام كتب:
تي ما يقهرك الا ان الناس ما حد قادر يتكلم  باسم هالشعب المسكين اللي انضرب فيها سواء معارض او مؤيد


ولا حد قدر يعترض علي هالفوضي والوضع المزري اللي عايشين فيه الناس ,, تي شي يقهر ويبغدد شي يخلك تتاكد مية في المية ان فورتهم هالحقراء مبنية هالسحر والدجل والشعوذة ولا شن يخليهم يتهمو القائد بانه اتبع هالطريقة الا لانهم هما اساسا اتخدو هالطريقة  تي والنبي مش شي يحير ان الناس كلها اللي تهدرز ولا تحكي معاه تلقاه فاد من البلاد والوضع هذا وما تلقاهم الا يقوللك والله ما عاد نبوها ولا عندنا فيها نية وما تلقي غير اللي يفكر يطلع منها ويخليها لهم واسعة وعريضة ,, تي كيف شعب كله يرحي ويغلي علي هالحكومة التافهة وما فيه حد قادر يطلع ولا يتكلم بأسم باش يلوقو لهم حل للمأساة اللي عايشينها ,,, تي والنبي اهو توا حني قاعدين ليبين في بعضنا وهكي صاير فينا فما بالك لما يجونا اللي يبو يحتلوها و يسيطرو عليها  والكلاب الكبار مش قادرين يديرو حاجة هالجرذان الله لا تربحهم ,,,


تي ما عاد فهمنا لامتي هالوضع ,, الضي ب5 و6 ساعات هارب والجو استغفر الله ياربي زايدنا علي ما بينا ,, ولحقت عليه المياه تي الناس والشعب المسكين قداش منهم وقداش بيتحملو وقداش ووووووو تي خلاص ليبيا ما عاد فيها شي يفرح ولا يشرح الصدر خلاص بلادنا يا خسارها



 
والله كله هاللي صار واللي قااعد يصير ما ستفاد منه حد الا الناس اللي استشهدت نتيجة ضربات الناتو ,, هاذو الوحيدين اللي مثواهم الجنة وارتاحو احسن من عاشو هالوضع ال..... ماعاد فيها حتي كيف نعبرو عليه!!!!,,, وايه حتي الناس اللي معبيا سواء كانت ضد النظام او معاه حتي هما ما خسرو شي ( مساكين ما مشينا فيها اللي حني )


اقسم بالله ياناس مقهورة علي بلادي وواجعتني وواجعيني كان الناس المتملحة اللي ما استفادت شي لا قبل ولا توا ,,,


تعرفو ماعاد فيها لا اني معارض ولا مؤيد كلنا يا ليبين في مركب وحدة طاحت ليبيا وطاحت بينا كلنا ما حد استفد شي من الفئة االغالبة في المجتمع وهيا الفئة  المغلوبة علي امرها ,, تي كلنا كليناها في ظهونا ما عاد عندنا ما نديرو الا ندعو لربي ياخد بحقنا وخلاص


كلامي هذا موجه للفئة الخاسرة من الشعب اللي تتمتل في الناس اللي ناصرت الثورة واللي خسرت ولادها وما استفادت شي غير انها مجدت شخصيات وناس معينة ركبو علي حسابهم وخدو المناصب وتوا عايشين حياتهم علي كيف كيفهم وبزيادة


هالناس بنقوللهم ان ياسر ارجعو وفكر في البلاد وادعو لربي انها ترجع زي  قبل ع الاقل نرجعو ليبين نحبو بعضنا وقلوبنا علي بعض زي قبل يا ودي ما نبو فلوس ولا  نبو عيشة محترمة ,,, نبو نرتااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااحو نرتاااااااااااااااااااااااااااااااااااااااااحو ,, نبو نحسو ببلادنا نبو ليبيا يرجعو شبابها لبعضهم ,,, نبو الحقد يلتغي من بلادنا


خلاص والله ما عاد فيها قبل ما بلادنا يجيها غيرنا ونطيحو اكتر مما حني طايحين يجينا اللي بيعفس علي خشومنا وبياخد ها منا وبالغصب


تعرفو يا انتو يا اللي ناصرتو فبراير ومجدتو كلابها وباركتو تدخل الغرب في الشؤون الداخلية للبلاد,,, اسمعو راهو كليتوه فليق وما استففدتو شي


ترا قولوي شني متلا ما هربش عليكم الضي متلا ما هربتش عليكم المياه,, شني يا شباب متلا اتزوجتو واستقريتو وعيشتو عيشة حلوة زي ما تتمنو


تي بالله اصحو شن اللي حصلتوه من هالهم اللي ضرب البلاد والعباد,,, خسرتو صحابكم وخسرتو بعضكم وخسرتو شباب المفروض هما اللي كانو تعتمد عليهم الدولة وتلقاهم يوم اللي يفكر أي  عدو يقربها !!!!

ترا برو شوفو الناس الكبيرة واللي ركبت عليكم واللي علي اساس تكلمو بأسمكم ويبوكم تعيشو في حرية !! واللي قالو حني نمتلو كل الشعب الليبي ,,, واللي خبرو الغرب قالوله حي تعالو لنا  راه معمر يدير ويدير وبيدير ووووووو!!

توا علي اساس انتو في البداية جو مليح لقيتو من تجرأ وتكلم بأسمكم وحرركم يا .....


بالله شوفهم هاذو وين وكيف عايشين توا؟ شوفهم عيشتهم متملحة ؟ يهرب عليهم الضي ؟ تهرب عليهم المياه؟ حاسين بالفدد اللي انتو حاسينه ؟ ناقصتهم حاجة؟؟ تي اقسم بربي ضحكو عليكم وعايشن ومعيشين عيلاتهم وما ناقصتهم حاجة

تي الشيت فيكم اللي لي توا مازال تقولو فبراير وفلان وعلان يا ............

قصدي خلاص نوضو يامصايب تكلمو تحركو يا انصار فبراير وينكم وين العيشة المحترمة اللي تبيو تعيشوها وخيرا حريتكم مسلوبة منكم؟ خيركم ما تتكملو وتقولة كيف وو وين ,, تي يا اغبياء نفطكم ينخنب قدام معاميكم عمي ان شاء الله


تي ما عاد فيها علاش ساكتين راه خلاص خلاص غدوة بعد غدوة يجيكم اللي ما تقدرو تاخد معاه كلمة ويعفس عليكم وننقهرو اكتر مما حني مقهورين

تعرفو يا جرذان شن هيا الحرية الوحيدة اللي تنفخو وتبرطعو بيها ,,,, انكم يا حيوانات مخلينكم تتكلمو علي معمر ونظامه وعيلته وولاده بس بس هذا هو اللي فالحين فيه والباقي يا كمشة بزقليف اللي  يتكلم  وبيوصل في الحكومة الفاشلة ولا التافه المنحط اللي اسمه بوشنة (( ياااااااااااااااااااااااااااااااااااااااااربي حضرني يوم موتهه ياااااااااااااااااااااااااااااربي )) ما يجيه  غير قطع الرقبة مرض يرفعكم كلكم


تي الهم الاحرف خلاص تي فدينا تي ماعاد فيه شي يفرح تي علاش تبو تكرهونا في بلادنا علاش علاش هذا كله


 تي انتو يا شعب يا مسكن يا مضحوك عليكم ياسركم نوم وياسركم خوف وساكتين علي حقكم

والنبي ابسط حقوقكم مسلبوة منكم ,,, تي معقولة حتي في حياشكم مش مرتاحين ولا حتي لاقين ولا محصلين الشي اللي مريحكم تي خيركم يا ليبين خيركم شن اللي صابكم


تي هاذو المصايب امتاعين قهاير وين لاااااااااااااااااااااااقينه الشطان الساحر اللي دارلهم هالعمل وخلا العشب هكي خويف ومش قادر يطلع ولا يتكمل ولا يقول  ولا يعبر عن نفسه


تي  وووووووووووووووووووك ووووك لامتي بس بس

تي الهم حتي اللي يخطر له يبي يطالب بحاجة يمشي ينفخ ويعصتم في مكان باش يفسدو علي روحه وعلي الشعب كله والهم الاحرف غير ياريت معبرتكم حكومة  المخانب اهيا ولا شايلتكم من ارضكم اقسم بربي مدايرين اللي يبوه ولا حاسبينكم ولا شايفين لطلاباتكم يا قهاااااااااااااااااااااااااير يا مضاااااااااااااااااااااحك يا كلاب الناتو


والله حرام والنبي شن ذنبنا حني هكي نعيشو وننقهرو والله حرام وظلم

تي الزفت كيف بيصير فينا بعد ما يجوها الكلاب اللي بيحتولها خلاص تمت لنا ,,,, ياااااااااااااااربي نموت قبل ما نعيش هاليوم ياااااااااااااااربي خود رووحي قبل ما نشوف ليبيا ي هالموقف


فدينااااااااااااااااااااااااااااااااااااااااااااااااا


ياربي فرج علي بلادنا
أميرة السلام كتب:والله العظيم غلط منكم ,,, حقدكم وكرهكم ع القائد وانصار القائد خلاكم تنسو تفكرو في ليبيا واهل ليبيا


والشعب المسكين اللي لا لقاهما من هني ولا من هني


ياسر بالله امتي بتفكرو في بلادكم وتنسو حقدكم والمشاكل الشخصية وتبعدو البلاد والعباد عليها


يكفي بالله  انقهرنا بما فيه الكفاية!!!!!!!



 تي هالجران وفي الاخير يقولك وطنية ,,, تي برا مرض انت وياه يا جرذ
اعوذ بالله منكم
جراح وطنية كتب: والله معاد عرفنا شنوا انقولوا والا انديروا ولا البلاد وين ماشية ومنوا ايمشي فيها  ومنوا هم اللي فيها أصلاً
بس والله على خاطر أرواح الشهداء المغدورين وابنائهم وأمهاتهم والمسجونين والمسجونات المظلومين والعزائز البلاد  قاعده شااااااده روحها شوية
ربي يستر العباد ويخفف عنهم هذا العذاب
حسبنا الله ونعم الوكيل
أميرة السلام كتب:
وتعرفو والله حتي الناس اللي كانت مع النظام وكانو عايشين حياتهم وما ناقصهم شي,,, واللي توا خارج البلاد حتي هما والله العظيم ا خسرو حاجة

شني يعني عيشة برا وواخدين عليها طول حياتهم وهما سفر وطلوع ومش قاعدين في البلاد,, وتلقيهم لما صارت الاحدات كل واحد كورج علي روحه ونظم اموره

واختار حتي الدولة اللي بيمشي يهيج فيها
معليشي كل من طلع وهرب ضامن روحه وضامن كيف بيعيش
,,,,

ياناري غير علي طايحين السعد اللي مهجرين من الفقراء واللي عايشين في بلاد برا بالاجار وحياتهم متمرمدة وبعدين علي اهلهم وناسهم
وعايشين عيشة ............
والله ما يقهرك الا شاب بيكون من مواليد التسعينات وطايحة بيه قبل وزادت طاحت بيه توا ,, وهو متغرب وخارج بلاده ومش عارف كيف يعيش برا
ولا فيه حتي امل انه يرجع ويعيش زي الاول براحة وامان

والله المستعان ,,, اوووووف وخلاص

شي يخليك تفكر غير في الانتحار وانك ترتاح من هالعيشة واللي ما عاد تنطاق حتي بالكذب


ياناري علينا وخلاص

لاانا ومن بلادنا ولانا من قائدنا ولانا من عيشتنا والحياة اللي زي الزفت واحرف منه
جراح وطنية كتب:
صح فدييييينا وعييييينا بس يأموووووورة لم نقنط من رحمة الله راهـــو


«قل ياعبادى الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم»[سورة الزمر الآية :53]

«إنه لا ييأس من روح الله إلا القوم الكافرون»



«ولئن أذقنا الإنسان منا رحمة ثم نزعناها منه إنه ليئوس كفور. ولئن أذقناه نعماء بعد ضراء مسته ليقولن ذهب السيئات عني إنه لفرح فخور. إلا الذين صبروا وعملوا الصالحات أولئك لهم مغفرة وأجر كريم» (هود 9-11).



«يا بني اذهبوا فتحسسوا من يوسف وأخيه ولا تيأسوا من روح الله إنه لا ييأس من روح الله إلا القوم الكافرون». (يوسف/87).


ونقولــــــــــــــوا أن شاء الله خير ونصر قريب بأذن الله


عدل سابقا من قبل جراح وطنية في الجمعة 6 سبتمبر - 23:10 عدل 1 مرات

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
بسم الله الرحمن الرحيم
  إِذَا جَاءَ نَصْرُ اللَّهِ وَالْفَتْحُ  وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا  فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا  .
flag2 flag2 flag2 flag2

avatar
جراح وطنية
 
 

الجنس : انثى
عدد المساهمات : 32188
نقاط : 46562
تاريخ التسجيل : 19/09/2011
. :
. :
. :

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف أميرة السلام في الجمعة 6 سبتمبر - 20:56

انصار فبراير يكفيكم مكابرة ويكفيكم كذب علي انفسكم

ياريت بس ولو لحظة تفكرو في ليبيا كــ وطن ,, يحتاج لشبابه اللي ضاعت منه في رمشة عين

ياريت تخلو خلافاتكم الشخصية وحقدكم ع القائد ,, خلو هالشي علي جنب
وشوفو البلاد كيف كانت وكيف ولت

ياسر وانتو ما فالحين غير كذب علي رواحكم ,, وتسكتو في بعضكم بـ ( المهم الطاغية مات )

ياريتنا قعدنا علي حكم الطاغية , اللي كان كل همه ان يحافظ ع البلاد ويحافظ علي امنها وامانها ويحافظ علي شبابها
الطاغية اللي في وقت حكمه ما تجرات ولا قبيلة انها تتهجم علي غيرها ! ما تجرأ ولا شخص لا يتبع شرطة ولا جيش انه يحمل سلاح ويضرب بيه اللي يجي قدامه

الطاغية اللي اتهمتوه  وقولتو دار وفعل وووووو ,,,,

حتي ولو كان نظامنا فيه سلبيات وانه كان مقصر في حقوق الشعب

بس نحمدو ربي ونشكروه ان ما كنا عايشين في هالفوضي والمعمعأ اللي عيشتونا فيها انتو وبرضا انفسكم

,,,,,,,

اني نحكي بلسان الطبقة البسيطة من المجتمع وكلامي موجه لي هالفئة  من الشعب واللي للاسف ناصرت فبراير
وما حصلت منها شي ولا راح تحصل منها شي

ياريت بس ما نبو منكم شي غير تفكرو فيها ليبيا كـ وطن لينا جميعا

وللحديت بقية
avatar
أميرة السلام
 
 

الجنس : انثى
عدد المساهمات : 9961
نقاط : 15660
تاريخ التسجيل : 20/09/2011
. :
. :

بطاقة الشخصية
زنقتنا: بنت القائد بكل اعتزاز وفخر,, ونحب الجماهيرية ,, وندعي لربي ترجع بلادنا خضوووووووووووووورية زي ما كانت ,,, كل طحلوب وطحلوبة ليهم في قلبي مكانة ما يعلمها الا ربي,, ربي يحفظهم ويحميهم كلهم كلهم,امووووورة القذافي

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف ازادا في الجمعة 6 سبتمبر - 21:34

هل من الممكن التكلم عربي لاني لم افهم نصف الكلام وبصراحة النصف الثاني على ما اظن فهمته خطا ارجو ملاحظة ان الاعضاء ليس جميعهم ليبيين Cool 
لكن على ما يبدو الاوضاع سيئة في ليبيا لماذا لا ينتفض الشعب الليبي ويثور على الاوضاع خصوصا ان حكومته ليست منتخبة وليست بتلك القوة كما على حسب معرفتي ان الثوار جميعهم الان في سوريا اي ان الارض ملائمة لاي ثورة مضادة استغلوها قبل ان يعودوا الى ليبيا ويظلوا على قلوبكم

ازادا
 
 

الجنس : انثى
عدد المساهمات : 138
نقاط : 4934
تاريخ التسجيل : 08/02/2012

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف ابن الباديه في الجمعة 6 سبتمبر - 21:51

ازادا كتب:هل من الممكن التكلم عربي لاني لم افهم نصف الكلام وبصراحة النصف الثاني على ما اظن فهمته خطا ارجو ملاحظة ان الاعضاء ليس جميعهم ليبيين Cool 
لكن على ما يبدو الاوضاع سيئة في ليبيا لماذا لا ينتفض الشعب الليبي ويثور على الاوضاع خصوصا ان حكومته ليست منتخبة وليست بتلك القوة كما على حسب معرفتي ان الثوار جميعهم الان في سوريا اي ان الارض ملائمة لاي ثورة مضادة استغلوها قبل ان يعودوا الى ليبيا ويظلوا على قلوبكم
انت فهمتي لب الموضوع وهو ان الوضع في ليبيا سيء.
اما الجردان وجودهم من عدمه في ليبيا لايعني شيء، الموضوع اكبر مما تصورين.
avatar
ابن الباديه
 
 

الجنس : ذكر
عدد المساهمات : 674
نقاط : 6083
تاريخ التسجيل : 16/06/2011
. :

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف ازادا في الجمعة 6 سبتمبر - 22:24

شكرا لاعلامي باني فهمت لب الموضوع 
ولكن على ما يبدو بان رغبة الهجوم على ردي جعلتك تفقد فهم لب ما اريد ويبدو بانك قرات بسطحية الرد فالجردان كما تدعوهم هم من خربوا ليبيا وسبب سوء الاوضاع وغيابهم عن الساحة واعني عدد كبير منهم وليس جميعهم يعطي دافعا جديدا للمقاومة ووضعهم في موقف حرج خاصة وان جميع الدول التي تجاوركم تتحرك الان وهذا انسب وقت لسحب الشرعية التي اعطتهم اياها اميركا وكنت اعتقد بان الحديث هو ما قل ودل ولكن يبدو بانه يبدو لك سطحية لهذا اعدك باني ساشرح باسهاب مرة ثانية لئلا اكون سطحية 
ولا داعي للعصبية فنحن نناقش لا نقاتل

ازادا
 
 

الجنس : انثى
عدد المساهمات : 138
نقاط : 4934
تاريخ التسجيل : 08/02/2012

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف أميرة السلام في السبت 7 سبتمبر - 0:20

ازادا كتب:هل من الممكن التكلم عربي لاني لم افهم نصف الكلام وبصراحة النصف الثاني على ما اظن فهمته خطا ارجو ملاحظة ان الاعضاء ليس جميعهم ليبيين Cool 
لكن على ما يبدو الاوضاع سيئة في ليبيا لماذا لا ينتفض الشعب الليبي ويثور على الاوضاع خصوصا ان حكومته ليست منتخبة وليست بتلك القوة كما على حسب معرفتي ان الثوار جميعهم الان في سوريا اي ان الارض ملائمة لاي ثورة مضادة استغلوها قبل ان يعودوا الى ليبيا ويظلوا على قلوبكم

ايه فعلا  اختي زي ما فهمتي الاوضاع في ليبيا سيئة جدا جدا وما تبشر بالخير,, بلاد ضايعة وشبابها للاسف ضاع
وما عرفنا لها حل

و حني هذا اللي ما فهمناه ان خير الشعب ما قدر ينتفض عليهم ولا يقوم بأي ردة فعل ع اللي قاعد يصير في البلاد

والله شي يقهر
avatar
أميرة السلام
 
 

الجنس : انثى
عدد المساهمات : 9961
نقاط : 15660
تاريخ التسجيل : 20/09/2011
. :
. :

بطاقة الشخصية
زنقتنا: بنت القائد بكل اعتزاز وفخر,, ونحب الجماهيرية ,, وندعي لربي ترجع بلادنا خضوووووووووووووورية زي ما كانت ,,, كل طحلوب وطحلوبة ليهم في قلبي مكانة ما يعلمها الا ربي,, ربي يحفظهم ويحميهم كلهم كلهم,امووووورة القذافي

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف أميرة السلام في الإثنين 9 سبتمبر - 23:27

 تي وحق ربي الا صدق ها الكحلوتشي اهوا



تي خساااارها البلاد وخلاص
avatar
أميرة السلام
 
 

الجنس : انثى
عدد المساهمات : 9961
نقاط : 15660
تاريخ التسجيل : 20/09/2011
. :
. :

بطاقة الشخصية
زنقتنا: بنت القائد بكل اعتزاز وفخر,, ونحب الجماهيرية ,, وندعي لربي ترجع بلادنا خضوووووووووووووورية زي ما كانت ,,, كل طحلوب وطحلوبة ليهم في قلبي مكانة ما يعلمها الا ربي,, ربي يحفظهم ويحميهم كلهم كلهم,امووووورة القذافي

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف أميرة السلام في الثلاثاء 10 سبتمبر - 19:35

لاحول ولا قوة الا بالله
لامتي هالوضع الاحرف  والتعب والشقا؟؟
وعلي خاطر من؟؟؟
ياريت يفهمونا  لان الحق لاامر زاد علي ما بيه اليوم قريب اسبوع كامل المياه هاربة والناس متعذبة
اقسم بالله ياناري عليهم حال يقطع القلب ,,, بالله نبو نفهمو يا مقارحة
هالتصرف اللي تصرفتوه علي خاطر سيادة العنود بنت السنوسي
خير الشعب خيرهم عامة الناس شن ذنبهم تعذبهم بهالطريقة ؟ تي بالله حسو بالناس
حسو بالمرضي حسو بالصغار حسو بطلبة المدرسة حسو بالموضفين والناس الجامعين
كيف يديرو وكيف متحملين هالوضع الاحرف؟؟؟ والنبي نبوكم بس تحسو اكتر شي بفئة الناس
المرضي اللي ما يتحملو انعدام المياه بكل , تي حرام كان حني صغار وعندنا قدرة ان نتحملو هالمأساة راه غيرنا كبير في السن ومريض وتاعب خلاص عليه
بالله شن المقارحة ما عندهم ناس كبيرة وعاقلة تنهي هالمهزلة اللي تسببو فيها لباقي الشعب راقد الريح؟؟
خيرهم ما يوقفو لولادهم ويورهم الصح من الخطأ,, لان بجد تصرف المقارحة غلط بكل ما تحمل الكلمة من معني!!
يعني ومعليشي راه كل اللي قدمتوه للدولة اهو ضيعتوه بي هالعملة اللي بعيدة كل البعد عن الانسانية والاحساس بالغير !
بالله فكرو قداس لميتو من دعاوي من الناس اللي جت في النص واللي ما حيلها شي وما تعرف غير تدعي لربي وبس
والله العظيم حال يقهر وما ينسكت عليه وهذا كله كلام حق وما فيه شي غلط
راه والله كترتوه يا مقارحة !! تي علاش علاش فهمونا
اني بجد نبي نفهم شي واحد هو شن دخلنا حني الناس البسيطة في هالمشكلة !!
بنتكم ورديتوها ,, والمفروض انكم لما تبو تحمو شرفكم فكرتو فيه من الاول ونزلتو بتريسكم  وحاربتوهم الخونة في عقر دارهم ,,, وحميتو شرفكم وعرضكم
لكن انك تعذب شعب كامل علي خاطر بنت والله العظيم ما يصير منه راه غلط غلط واقبلو هالكلام لان فعلا تصرفاكم لايمت ...... باي صلة وعذرا علي كلامي هذا
بصراحة نبي نوجه لكم اسئلة وياريت بينكم وبين انفسكم تجاوبها بكل صراحة وما تتحشموش فيها
نبو نعرفو اش معني ان العنود بس اللي نوضتو علي خاطرها وتحركتو كلكم وتبو تردوها؟؟؟ نبو نعرفو علاش توا بس تفكرتو لها العنود وينكم عنها الفترة الماضية؟ وينكم عن بنتكم لما قعدت عشرة شهور في سجون الطغاة ؟؟
وين خوتها وين ولاد عمها اللي جاهم النوم وبنتهم عند الجرذان ؟؟
نبو نعرفو انتم يا مقارحة هل عندكم هالبنت بس مسجونة في سجون فبراير؟؟ ما عندكم غيرها تتكلمو عليهم ؟ شني قبيلة كاملة عندهم بنت وحدة بس مسجونة؟؟ شن هو الفرق بين العنود وبين باقي بنات الجماهيرية؟؟
ولا غير لانها كانت بنت شخص يضرب يعور في البلاد؟؟ هل لان بوها هو السنوسي؟؟ هل لان بوها سميتوه مجاهد؟؟
وينكم من باقي بنات بلادنا بنات الجماهيرية خيرههم شن الفرق بينهم وبين العنود؟؟ ولا هل لان هما بنات رقاد الريح وما عندهم من يتكلم عليهم؟؟
بجد هلبة اسئلة وتبي اجابة بصراحة وبعيدا عن القبلية والغطرسة
وينكم عن بنات بلادنا اللي مهجرات برا؟؟ وينكم من بنات الجماهيرية اللي حتي موجودات في حياشهم خايفين ان يوم من الايام يهجمو عليهم الخونة ويطبوهم ؟؟ وينكم من بنات تاورغاء؟؟
راه كلنا بنات وشباب ليبيا الجماهيرة والكل ليه موقفه وشجاعته والكل قدمو لي للبلاد حسب جهده ,, بس انكم اديرو التفرقة هذا كله غط واكبر غلط
بجد مافيش فرق بين العنود وبين بنت جيرانا اللي اليوم ليها عامين برا البلاد متغربة وايامها سود وفوق هذا كله صغيرة في السن؟؟
خيركم ما توقفو المياه والضي وهلبة حاجات علي امتال هالبنت وغيرها من الناس اللي ما نقدرو نتخيلو ولا مجرد التخيل كيف يتم تعذيبهم؟؟
حرام والله كلنا زي بعض وياريت ما عاد تفرقو البشر عن بعضها!!
بالله ارحمو الناس وردو لهم المياه ,, لان خلاص وضع فدد وكره معيشة صعبة؟ تي اخيي اخرتها الليبين ما تلقي غير اللي يعبي في الشيش والبادين؟؟
تي كيف والله صعبة
,,,,,,,
وملاحظة انتو ياللي قطعتو المياه  لو درتو حسابكم ورتبتو اموركم وعرفتو كيف تلعبوها وما تجربو قطع المياه لو كنتو عندكم باش تحفرو ابار ولا تتصرفو باي طريقة بالله ديرو في بالكم ان فيه ناس تشري في بيدون وشيشة المياة بالفلوس
ناس خشت عليها مدرسة وقراية ومش في باب انهم يصرفو اللي عندهم ع المياه؟ ناس مخلطة عليها من كل تركينة
حتي المعاشات معطلين بيهم ,, تي بالله المواطن البسيط كيف ايدير وقداش منه ؟
فكرو فيها لو أي عائلة صار لها ظرف مفاجئ ولو فرضا عائلة تصير لها وفاة وووو فكرو فيها من جميع الاتجاهات بالله الناس في هالحال كيف تتصرف ومياه ما فيش؟؟؟
تي عليك هم اقسم بربي ثورة حقيرة تافهة ما نضرب فيها غير عامة الشعب اللي ما عندهم باش ؟؟ ياناري لا لقيناها قبل ولا توا؟؟
عكس الناس اللي معبية من الجهتين وعايشين  قبل وتوا
قصدي حرام حرام حرام حسو بالناس حسو بيهم ,, والله ما حيلتهم حاجة قداش منهم بس
(( ونتمني من كل االاخوة والاخوات انهم ياخدو الموضوع من باب الانسانية وليس من باب القبلية ,, لان وضع بجد يقهر ويخليك تطلع عن طورك )) اني الاولي لو هالتصرف تصرفوه ولاد قبيلتي نوقف ضدهم ولا ندعمهم ولا شي,, لان الناس الفقيرة ماليهاش علاقة  لا من قريب ولا من بعيد ))
والله المستعان
avatar
أميرة السلام
 
 

الجنس : انثى
عدد المساهمات : 9961
نقاط : 15660
تاريخ التسجيل : 20/09/2011
. :
. :

بطاقة الشخصية
زنقتنا: بنت القائد بكل اعتزاز وفخر,, ونحب الجماهيرية ,, وندعي لربي ترجع بلادنا خضوووووووووووووورية زي ما كانت ,,, كل طحلوب وطحلوبة ليهم في قلبي مكانة ما يعلمها الا ربي,, ربي يحفظهم ويحميهم كلهم كلهم,امووووورة القذافي

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف أميرة السلام في الثلاثاء 10 سبتمبر - 19:48

 الرجاء تقبل الاراء بكل حيادية

وما حد يزعل من الحق ,,,

شكرا
avatar
أميرة السلام
 
 

الجنس : انثى
عدد المساهمات : 9961
نقاط : 15660
تاريخ التسجيل : 20/09/2011
. :
. :

بطاقة الشخصية
زنقتنا: بنت القائد بكل اعتزاز وفخر,, ونحب الجماهيرية ,, وندعي لربي ترجع بلادنا خضوووووووووووووورية زي ما كانت ,,, كل طحلوب وطحلوبة ليهم في قلبي مكانة ما يعلمها الا ربي,, ربي يحفظهم ويحميهم كلهم كلهم,امووووورة القذافي

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف ابن الباديه في الثلاثاء 10 سبتمبر - 20:22

تي يبدو انه بيطوال السفر .
تي غابت الميه بنكفروا بقضيتنا وبنبدوا انسبوا في بعاضنا، هذا مش حل.
عادي توا كل واحد اينوض ويقول القبيله الفلانيه صفتها نعتها ونبدوا كل واحد ايرد ع الاخر وبدل من انظفوا البلاد من الحقراء نبدوا في ابعاضنا وايقولوا شوفوهم كيف صار فيهم.
تربحوا صبرتوا ياسر لابال شويه، فكونا من هالكلام، راهو والله ما فيه منه صالح.
avatar
ابن الباديه
 
 

الجنس : ذكر
عدد المساهمات : 674
نقاط : 6083
تاريخ التسجيل : 16/06/2011
. :

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف أميرة السلام في الأربعاء 6 نوفمبر - 16:53

 

 لامتـــــــي يا ليبيا
 
فوضة قتل تشريد تهجير موت شماتة الاخوة في بعض
 
لامتــــــي وانتي تنزفي وما حد يقدر ينقضك ولا يطلعك من هالوحل اللي غرقتي فيه
 
امتي  تريسك بيتوحدو ويكونو يد وحدة ويرجعوك زي ما كنتي
 
 
امتي الليبين قلوبهم بتحن علي بعض ,, ونرجعو زي قبل خوت وما يفرقنا شي
 
نفزعو ونوقفو مع بعض في ابسط المشاكل
 
امتي القلوب بتصفي
 
امتي بيرجعو اهلنا المهجرين خارج وطنهم,,, يكفيهم حنين وشوق  لوطنهم
 
ما فيش من اصعب من طعم الغربة والبعد عن الاهل والاصحاب والوطن
 
امتي  بيرجعو اهل تاورغاء لوطنهم ولبيوتهم ولحياتهم الاولي ,, لامتي اهل تاورغاء بيتعدبو
 
ويتشردو في الشارع وهذا الشتي جاي ,, قداش بيتحملو من برد  ومطر ,,
 
من بيحس بيهم ويلقي لهم مأوي يحميهم  من هالوضع اللي بيعشوه
 
اني عايشة وانتي وانت عايشين وحياتنا ماشية ,, بس فيه غيرنا متعذب ومتشرد وحياته غبرة
 
صغار تاورغاء ,,, يوقفو في السيمافروات  يبيعو في الكلينيكس ,, صغار تاورغاء يشتغلو نظافين
 
صغار تاورغاء بيبعو ع الطرقات ,, صغار تاورغاء  ما قدر يعيشو ولا يستمتعو بطفولتهم
 
وبناتها وشبابها وامهاتاه وابائها وكل حد بمشكلته ومعاناته
 
لامتي يا ليبيا انتي تعاني و اهلك وناسك عايشين معاناة احرف منك
 
ما توقعتش في يوم ان يصير فينا هكي
 
نكرهو بعض  نحقدو علي بعض نعذبو بعض  نتشمتو في بعض  نقتلو بعض
 
وهلبة هلبة حاجات
 
يا خسارة يا لبييا يا بلادي قداش واجعتيني وقلبي متقطع عليك
 
لامتي المذلة لرجالك اللي كانو حامينك وخايفين عليك ,,
 
لامتي تريسنا يتعذبو داخل سجون ابناء بلدي ممن اختفلنا معاهم في الراي
 
لامتي تريسنا محرومين من كل شي ,, من صغارهم وامهاتهم وزوجاتهم وعيلتهم
 
لامتي بيتعذبو وبيعشو داخل ظلام السجون ,,
 
 لامتي شبابنا اللي داخل السجون وعايشين مأساة مش ممكن ان نتخايلوها ,, امتي بيطلعو ويفرج عليهم
ويكملو باقي حياتهم ويعيشوها طبيعية ,, شباب يبو يخدمو ويكونو مستقبلهم باش يتزوجو ويعيشو زيهم زي الباقين
 
ليبيــا انت خاسرة حني خاسرين وما فيه من استفاد من كل هالوضع الا عدونا

اللي فكر وقرر انه يقضي عليك وعلينا  ونفد هالشي ,, باش يوم اللي بيخش للبلاد

يخش وهو واتق ومتاكد ان ما فيه من يقوله لا

يا خســـــــــــــارة يا ليبيـــــــــــــــا
avatar
أميرة السلام
 
 

الجنس : انثى
عدد المساهمات : 9961
نقاط : 15660
تاريخ التسجيل : 20/09/2011
. :
. :

بطاقة الشخصية
زنقتنا: بنت القائد بكل اعتزاز وفخر,, ونحب الجماهيرية ,, وندعي لربي ترجع بلادنا خضوووووووووووووورية زي ما كانت ,,, كل طحلوب وطحلوبة ليهم في قلبي مكانة ما يعلمها الا ربي,, ربي يحفظهم ويحميهم كلهم كلهم,امووووورة القذافي

الرجوع الى أعلى الصفحة اذهب الى الأسفل

رد: ضعنا وضاعت البلاد

مُساهمة من طرف gandopa في الأربعاء 6 نوفمبر - 18:43

ما هذا يا جراح هل هذه زنقتنا في عام والا ايش؟.
ـــــــــــــــــــــــــــــــــــــــــــــــــــــــــــــــــــــــــــــــــــــــــ
الجردان يا اخت اميره يكابرون على الرغم من معرفتهم انهم قذفوا بالبلاد الى الهاويه.

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
استمروا
avatar
gandopa
 
 

الجنس : ذكر
عدد المساهمات : 8732
نقاط : 18756
تاريخ التسجيل : 03/08/2011
. :
. :

بطاقة الشخصية
زنقتنا:

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى