منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

∫░∫☼مـشكلة جـــــنزور بالتفـصيل الممل☼∫░∫

اذهب الى الأسفل

GMT + 3 Hours ∫░∫☼مـشكلة جـــــنزور بالتفـصيل الممل☼∫░∫

مُساهمة من طرف زائر في الأحد 14 يوليو - 4:03

القوة الوطنية المتحركه : و هي قوة تذخل سريع وضيفتها اقتحام الاسترحات ومقرات كتائب المليشيات(ع اساس هما شرعية وانقولوا باهي) وحماية وزارات و و و
موقعها مصنع المنسوجات سابقآ

تقسيمها:
تنقسم الى مجموعة عنابر
عنبر جادو
عنبر كاباو
_ _ نالوت
_ _يفرن
_ _ غريان
_ _الزاوية
_ _ مصراته
_ _زواره
_ _ ......اخ
كل عنبر موفر 50جرذ مايروحوا وقعدين ذاخلي يرقدوا ولو بيروح واحد ضروري منظقته تبعت بديل ليه

اسلحتهم: 14:5 و23
ورأس مدفع 106
واف ان
ورشاشات ودوشكات و و

المهم اغلبهم هربوا ونقص عددهم

منتسبيها احترام مش فايت عليه كل مايذخلوا يجروا بالسيارات وتصطريب وديما ضرب مع شباب الحي
____________________________
اول امس جاي واحد يصطرب و يفحط بسيارته قبل المغرب وفي شباب فوق الكوبري
المهم خبط سيارة واحد منهم وتجمعوا عليه قال:::
لو تريس اقعدوا!!!
جاب سيارتين دوشكا وقرب لشباب قعد يضرب
نقزولهم ضربوهم و هما 5 جرذان
و واحد ضربوه بطلقه ورقدوه في العناية
وغنموا السيارتين وجت كتيبه الفرسان رفعتهم ورفعوا 2من جرذان نالوت(فوتوا عليهم ليله وتسحروا بيهم) وثاني يوم و هو يوم اقتحام الكتيبه..
قبل المغرب ذاخلين سيارتين شافوا محمد بشير بزع واحد من منتسبي ك_ الفرسان ولضربهم وطبعآ خطفوه ورفعوه لمقرهم ضربوه وكبلوا يديه بكليبشات وحصل طلقتين في رجله(يستر الله ع رجله)
المهم سمعوا شباب الحي حاولوا يقتحموا الكتيبه مجموعه حوالي 15
وع رأسهم خوه لطلعوه من العقال هههههه
المهم نجحوا في اقتحامها بعد تبادل النار وطلعوا المخطوف وخوه جلال انصاب في ايده اصابه عادية هذا اذآن المغرب كان

بعدها طلعوا 2 بتيوتا تعلب شدوهم مذغوهم وغنموا سياراتهم
(نفس الوقت الجماهير تتجمع بعد نداء لعنده سلاح يجي بسرعه)
رفعوا محمد وخوه سعفوهم والباقي جابوا (جرار او طراطوري) وانت نازل جهة البحر من فوق الكوبري حفروا وسط الطريق او القطران وصكروا الطريق (والى حد الان مغلق) والشباب تمركزوا فوق الكوبري وسط هيجان السياره لتخش يكسروها و يدقدقوا صاحبها (طبعآ اي واحد بيذخل براني معناها جاي دعم للقوة) وخدوا مسدسات وكلاشنات وكسروا سيارات هلبه

وجماعة المعسكر قعدوا يبكوا لأنهم برانية ومعاد عرفوا شن يديروا
والشباب ركبوا فوق خزان كبير تابع الدوله ومقابل المعسكر وقعدوا يضربوا بقوادف جهة الكتيبه و هما خايفين قعدوا يضربوا فوق بس وصارت عليهم رماية من الخلف لأن في مجموعة شباب مشوا من خلف المعسكر وقعدوا يضربوا وسط الكتيبه
((اقسم بالله قعدوا يعيطوا وتخلط برازهم بالدم))

بعدها جوا مجموعه من كتيبه الفرسان جابو قوادف ورشاشات بي كي تي قعدوا يضربوا وصمموا ذخول الكتيبه...
طبعآ جاي معاهم نآئب امر الكتيبه اسمه العجيلي لحيته حمراء
قعدوا يمسحوا بيه و يسبوا فيه وجماعته نفسهم وطلع روح

إلى ان جوا سوبر مانات((الشيابين بعد صلاة التراويح))
خشوا الكتيبه ع اساس بيحلوها
بس مالقوا حد الا 3
والباقي هربوا
فتحوا طريق وسط مزرعة محادية للمعسكر من الخلف و هربوا
وفجأة جت الشرطه العسكرية ع اساس بيستلموا الجناة و و والوجيج هذا

المهم الساعه 2 ذخلوا الكتيبه بس جو العقال خافوا يسرقوا السلاح وجت الشرطه العسكرية و و و
وبكري فوق الكوبري بوابه لشباب القوة ليجي يهرب وعمومآ القوة تشا ا ا او تشا ا او
ورم وتنحى

ومعسكرهم بيأخدوه جماعة جنزور لأن لاصق فيهم معسكر جماعة الجيش الاول(التجييش سابقآ) نفس المعسكر بس الفاصل سياج

ومرتزقة الناتو با ا ا اي
هذا مؤقتآ


عدل سابقا من قبل الموت ولا خيانة الوطن في الأحد 14 يوليو - 6:01 عدل 2 مرات
avatar
زائر
زائر


الرجوع الى أعلى الصفحة اذهب الى الأسفل

GMT + 3 Hours رد: ∫░∫☼مـشكلة جـــــنزور بالتفـصيل الممل☼∫░∫

مُساهمة من طرف زائر في الأحد 14 يوليو - 4:09

المصدر:احرار جنزور من وسط قلب روح الحدث
Twisted Evil

بس ياريت لعنده حاجه يديرها ولا يسكت و يفكنا من جو متع فخار يكسر بعضه ومش عارف شن
(فخار تقول هو جايبه من غريان ولا مش عارف)حلوة فخار هذي
Twisted Evil

وقصص الفيس متع عقال وجلال طلعوه من العقال و و فوتوها
هذي تفاصيلها بالدقه
على فكره في لمايعرف اسمه محمد
محمد وتعجيبته(البشكا)
وجلال(كليبه)

وجلال روح
ومحمد اصابته بليغه ورفعوه في اسعاف طائر عنده وريد مضروب و نازف هلبه و يستر ربي كان مابتروله رجله
avatar
زائر
زائر


الرجوع الى أعلى الصفحة اذهب الى الأسفل

GMT + 3 Hours رد: ∫░∫☼مـشكلة جـــــنزور بالتفـصيل الممل☼∫░∫

مُساهمة من طرف جراح وطنية في الأحد 14 يوليو - 7:15

مشكوووووووووووور خويا على التفصيل
وعلى قولت أمي طاحوا عند الجنااااازره!؟
وياااريت كل منطقة توحد يد شبابها وينظفوها من الاورام الخااااااارجية المعفنة وورمهم الداخلي أدره بيه وتنظيفة ساااااااااهل


ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
بسم الله الرحمن الرحيم
  إِذَا جَاءَ نَصْرُ اللَّهِ وَالْفَتْحُ  وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا  فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا  .
flag2 flag2 flag2 flag2

avatar
جراح وطنية
 
 

الجنس : انثى
عدد المساهمات : 32221
نقاط : 46781
تاريخ التسجيل : 19/09/2011
. :
. :
. :

الرجوع الى أعلى الصفحة اذهب الى الأسفل

GMT + 3 Hours رد: ∫░∫☼مـشكلة جـــــنزور بالتفـصيل الممل☼∫░∫

مُساهمة من طرف نتنفس من الأخضر في الإثنين 15 يوليو - 1:37

مشكور خوي وربي يحفظك بارك الله فيك

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع

flag2  flag2  flag2  flag2  
   
avatar
نتنفس من الأخضر
 
 

الجنس : انثى
عدد المساهمات : 23128
نقاط : 30759
تاريخ التسجيل : 16/09/2011
. :
. :
. :

بطاقة الشخصية
زنقتنا: خلاص الليبيين كبودها درهت

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى