منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

شاهد عيان من نادمي مزراطه يفضح المعتقلات العائلية السرية المدارة من الاجانب ضد الليبيين الاصليين

اذهب الى الأسفل

شاهد عيان من نادمي مزراطه يفضح المعتقلات العائلية السرية المدارة من الاجانب ضد الليبيين الاصليين

مُساهمة من طرف جماهيري ضد الرشوقراطيه في الجمعة 24 مايو - 19:05

السيد ناصر الهواري الخاص من شخص لا اعرفه وطلب مني نشرها على حائطي ولكنني اخشى ان اعرض وردتني الرسالة اسفله منذ شهرعلى ليبي نفسي للخطر وبعد ان تأكدت من صحة كل كلمة فيها فقد رأيت ان أحيلها الى حضرتكم لإمكانية نشرها بصفحة المرصد الشكر دراية بها اكثر مني..ولك جزيل اللحقوق اإنسان ويمكنك احالتها الى بقية منظمات وهيئات حقوق الانسان والتي انت على والتقدير ووفقكم الله. ارجو عدم ذكر الأسماء او الصفحات... لرسالة التي وردتني هي كالآتي انقلها بدون تغيير حرف واحدا. حدث ذات مرة بمصراتة. طمينة بمصراتة....النسخة الليبية من نظام .بريتوريا العنصري قولو معاي كلمة خير. اسمحولي نبي نتكلم باللهجة الدارجة..لغة الشارع الليبي باش يقدر بفهمني الجميع شني نبي نقول وباش نقدر نعبر بحرية على افكاري.. الموضوع اهوا موضوع خطير هلبة بصراحة وما يقدر حد يسكت عليه الا واحد ما عنداش درة من انسانية اوضمير.. اني سكنت في مصراتة 11 سنة بسبب العمل وعندي اصدقاء هلبة في مصراته ونحب مصراتة زي ما نحب كل مدن ليبيا ولما بدت الحرب قعدت نتبع في اخبار مصراتة ونتصل باصدقائي غاديكاي وبعدين التلفونات تقطعو وبديت نتابع في الأخبار زي الناس والتحقت بالتوار ومشيت حاربت في الجبل وبعدين في الزاوية ودخلت طرابلس مع التوار وطول المده هادي نتبع في اخبار مصراته وبطولات شباب مصراته وكيف ان مصراته كان ليها حصة كبيرة من المساهمة في النصر وفرحت هلبه بالنصر وبعد تحرير العاصمة تلاقيت اني واصحابي من مصراتة واحتفلنا اسبوع كامل بالنصر ومشيت بعدها لمصراته يت اني وباقي اصدقائي ورجعت لطرابلسوتلاق.. وبيني وبينكم كنت ناوي نرجع للعمل في مصراته وممكن نستقر فيها خاصة وان أصلي القديم من مصراته يعني اصلي مصراتي من قديم هلبة..لكن بصراحة من مدة وخاصة بعد التحرير قعدت نسمع من بعض الناس ان في مصراته سجون وتعديب وخطف وقتل ووحبس والكلام اهوا وما صدقتش وسألت اصدقائي في مصراته فيه يلي قال ايه الكلام مزبوط وفيه يلي قال ما نعلمش .وسمعنا على حبس في منطقة طمينة بمصراته واني نعرف طمينة كويس وهي من اجمل المناطق في البلاد وقالوا ان فيه جماعة فتحوا فيها حبس اسمه حبس عيسى الاصفر السركسي وان المسولين على الحبس يعدبو في الناس بشكل فضيع وفيه ناس ماتو بالتعديب وبصراحة ما صدقتش وقلت اكيد اشاعة وفيه ناس يبو يديرو فتنه والجو اهوا..لكن الكلام كتر على سجن طمينة فقلت والله الا ما نمشي لمصراته ونشوف بنفسي باش ما نقولش سمعت وخلاص...وفعلاً مشيت لمصراته وقعدت خمس ايام نهدرز مع صحاب ومعارف وقعدت نسمع في كلام مش ممكن نصدقه وقابلت جماعة هلبة يعرفو سجن طمينة وشرحولي شن قاعد يصير غادي .وتأكدت ان السجن هو سجن قبلي وفاتحينة عايلات معينة خاص بعايلات تانية والسجن عبارة عن عنابر مصقفة بالزينفو وكل عنبر فيه تلاتين او اربعين سجين وكل السجناء بدون تهم رسمية وممنوع على أي محامي او منظمة حقوق انسان انها يخطموا من بحدا السجن..وسالت عن المسولين عن السجن وعايلاتهم وفهمت من بعض الناس ان قايد السجن هو واحد اسمه عيسى محمد السركسي ويلقبوه عيسى لصفر لان عايلتهم اسمهم عايلة لصفر ومعاه شباب وصغار تحت سبعطاش سنه ومعاهم سلاح ومدايرين لجنة امنية مخوفين مصراته كلها وما يقدرش واحد يتكلم على سجنهم ومعاهم عايلات اسماهم عايلة عبجة وعايلة ابوليفة وعايلة لملوم وعايلة بالة وعايلة قلوص وعايلة بعيو وعايلة بوبريدعة وعايلة زرزوح زعايلة القمار وعايلة صفار كلهم اتفقوا على حبس وتعذيب باقي عايلات طمينة يلي هم اغلبهم من اصول عربية ويسموهم البداوة ومش مهم يكونوا من جماعة القدافي او غيره المهم انه بداوة يخشوا الحبس خلاص من غير نقاش وقالولي الجماعة يلي قابلتهم ان فيه ناس ماتو
بالتعديب بالنار ومنهم واحد نجاه ربي وقاعد في تونس يعالج ليه اكتر من سنه واسمه جمعة شريعة الفرجاني تقريباً واتصلت بيه في تونس ولكن رفض يكلمني على التعديب لأنه خايف ينتقمو منه حسب ما فهمت من الجماعة يلي قالولي ان شريعة ما يقدرش يقول شني صار معاه لانه خايف..وقررت اني نمشي للسجن في يوم الزيارة وياريت ما مشيت بصراحة .حالة وخلاص هادوك العزيزات مسكينات يتسخفوا ويستجدو في وليدات صغار والوليدات لابسين سراويل جينز وراشقين مسدسات في السبتة وفي يديهم راديوات توكي توكي وموبايلات ويستعرضو في قوتهم على الناس التعبانين مساكين .اقسم بالله بكيت على المنظر ورجعت.. وسمعت على شيابين كبار قاعدين في حبس طمينة ومبهدلينهم بالتعديب وفيه يلي ماتو من زمان ولما عايلاتهم طالبو بجثثهم قال لهم عيسى لصفر ان هادو هربوا من الحبس من مدة ومش عارف وين موجودين وطبعا حرق ملفاتهم وكانهم مادخلوش الحبس بكل. واحد اسمه الحاج فرج قرمة المعداني عمره 81 سنة محبوس هو وابنه ويعذبوا في الشويباني وفرضو عليه يبقى بالملابس الداخلية يعني الشورت بس قدام ابنه وبقية المحابيس وهم يضحكوا عليه. فيه محامي اسمه خميس مرزوق المعداني سمعت ان مرة مشي لحبس طمينة يبي يشوف اوضاع المحابيس ويحاول يتوكل على بعضهم ولكن استقبلوه جماعة بعيو ولصفر وههدوه بالسح وقالوله يا بدوي لو مزلت تجي هنايا نقتلوك واني اتصلت بالمحامي وسألته لكن رفض يحكي معاي بالتفاصيل لأنه خايف من عصابة لصفر علماً بان المحامي هو والد الشهيد جميل خميس مرزوق به مصراته مش فيها ناس عاقلين وعلماء دين ومجلس محلي ومجلس عسكري كيف يرضو بان كمشة مردف يشوهو تاريخ مصراته ونضالها وصمودها ويحولوها الى مكان مكروه من كل ليبيا وين سالم جحي و ين الشيخ بن غشير يلي قلب روس العالم بفتاويه في التلفزيون معقول ما يقدرش يقول الحق ومعقول يكون شامت في الجماعة البداوة للدرجة هادي وين حسن لامين وين مفتاح لملوم وين الصحفي محمد بعيو وين المحامي بومزيريق معقول يرضو انهم يكونوا جزء من هدا الموضوع. ونزيد وين صلاح بادي مش م هادويقولو صلاح راجل حقاني ومش قبلي ومش جهوي والكلام اهوا علاش ما يتكلمش على الجراي به مش العايلات يلي فاتحين الحبس في طمينة واولادهم يعدبو في جيرانهم وقتلوا ناس ياسر منهم مش عندهم شيابين كبار وعقلاء علاش ما يكلموش اولادهم ويفهموهم ان يلي يديرو في غلط .. به توا نبي نعرف العايلات يلي فاتحين الحبس مش عارفين ان تصرفهم غلط وان كل الناس تو ترجع لحياشها وتبدا عمليات انتقام معقول الجماعة يلي تعدبو او يلي عندهم ناس ماتو في حبس لصفر يبو يسكتو على كل ماصارلهم وهل يعقل ان عايلات الحبس واولادهم يبو يعيشو طول عمرهم وفي يديهم سلاحهم وهم خايفين من الانتقام والا كيف يبي يصير فهموني؟؟ وزيد يا زايد اولامس سمعت ان لصفر وجماعته مانعين تعويض جماعة البداوة في حياشهم يلي حرقوها لصفر وبوليفة ولملوم وباله وعبجة وصفار وزرزوح وبعيو وصغارهم شن دخل تعويض الحياش متاع النسوان والأطفال. و اكد لي واحد صديق ان جماعة لصفر خشوا بالقوة على السجل المدني في بلدية طمينة ويبو يحرقو ملفات البداوة باش يقولو هادو مش من سكان طمينة يقولو ان الجماعة المحبوسين كانو مع القدافي واني تأكدت ان تسعين في المية منهم ماليهمش أي دعوة بالقدافي ولا حاربوا معاه ولا قتلو أي شخص ولا سرقو ولا شي ممكن يكونو متعاطفين مع القدافي . ام انهم دارو أي حاجة ضد التوار فهدا كلام مش مزبوط..وبه ادا كان يلي متعاطف مع القدافي يبو يرموه عيت لصفر في الحبس معناها يبو يحبسو تلات ملايين ليبي لان فيه مدن وقبائل بكاملها متعاطفة مع القدافي يعني عيسى وبعيو يبو يحبسوهم كلهم.. واغرب ما فهمت من بعض الاصدقاء واعتقد انه كلام منطقي هو ان لصفر وبعيو وجماعتهم ياخدو في خمسة وسبعين دينار كل يوم من المجلس المحلي في مصراته على كل واحد محبوس في طمينة واني نقدر في عدد المحابيس في طمينة بحولي 250 واحد واكيد لصفر وبعيو يصرفو في خمس دينار على كل سجين وياخدو في باقي المبلغ وسمعت ان لصفر فتح محل مواد غداية داخل الحبس ومنع على الزوار ان يجيبو معاهم أي مواد غدائية او دخان او مياه باش يضطر السجين يشري من محل لصفر وبعيو وفهمت ان المحل يبيع في شيشة المية الصغيرة بدينار ..يعني بزنس بالقانون..ومعناها ان لصفر وجماعته مستحيل يطلقو سراح أي سجين مادام فيه امكانية انهم يخلوه في الحبس بدون تهمة لا محاكمة ولا أي حاجة لان أي سجين يطلع معناها هم يخسرو سبعين دينار في اليوم حرام عليكم يا جماعة مصراته تشوهو في تاريخكم وتفّرطو في تضحياتكم وصمودكم وتخلو شوية فروخ يتحكمو في سمعة مصراته..العالم ايام الحرب كان كله واقف مع مصراته لانها كانت صامده ولان سقوطها كان معناه ان القدافي ينتصر وتفشل التوره ومصراته كانت قبلة الصحفيين والمحلليين اما اليوم اسم مصراته
اصبح معروف في جميع منظمات حقوق الانسان كاكبر مدينة في العالم فيها جرايم ضد الانسانية. توا عندكم كويس هكي موش هدا فعلا هبال رسمي .وتزيدو تقولو مصراته الصمود ومصراته لاشاوس ومس عارف شني . اني اسف لكن قلت لازم نكلمكم بكل ما عندي في قلبي وما نبش ندس شي والله العظيم واجعني حال مصراته انها تصبح بهدا الشكل..يا خسارة.. ما نبيش نسمع كلام صغار وكلام ملهوس متاع (المحابيس يستاهلو هادو من جماعة التاغية )والكلام اهوا لأن اني تأكدت ان المحابيس اغلبهم مالهمش علاقة بالقذافى ولا غيرة.. بس وين منظمات حقوق الانسان في البلاد ومنظمات المجتمع المدني والا فالحين يتكلمو على الفلوس.. جرايم لصفر وبعيو وباقي الجماعة هي اكبر هلبة من جرايم مجرم الصرب رادوفان كاراديتش فالاحسن تسموه عيسى كارادتش لصفر واني اعتقد ان عيسى لصفر اصلا هو من نفس عايلة كارادتش . ارجوك انشرها بطريقتك لأني ما نقدرش ننشرها باسمي وارجو انك ماتذكرش اسمي او صفحتي


عدل سابقا من قبل جماهيري ضد الرشوقراطيه في السبت 25 مايو - 3:29 عدل 1 مرات (السبب : تعديل العنوان)

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع


جماهيري ضد الرشوقراطيه
 
 

الجنس : ذكر
عدد المساهمات : 3458
نقاط : 11049
تاريخ التسجيل : 28/11/2011
. :
. :
. :

الرجوع الى أعلى الصفحة اذهب الى الأسفل

رد: شاهد عيان من نادمي مزراطه يفضح المعتقلات العائلية السرية المدارة من الاجانب ضد الليبيين الاصليين

مُساهمة من طرف فهد الخالدي في الجمعة 24 مايو - 19:55

لاحول ولا قوة الا بالله
اللهم انصر ليبيا واحرارها على من ظلمهم

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
الله أكبر
الله أكبر الله أكبر
الله أكبر الله أكبر الله أكبر
الله أكبر الله أكبر الله أكبر الله أكبر
الله أكبر الله أكبر الله أكبر
الله أكبر الله أكبر
الله أكبر
avatar
فهد الخالدي
 
 

الجنس : ذكر
عدد المساهمات : 2793
نقاط : 8096
تاريخ التسجيل : 17/09/2011

الرجوع الى أعلى الصفحة اذهب الى الأسفل

رد: شاهد عيان من نادمي مزراطه يفضح المعتقلات العائلية السرية المدارة من الاجانب ضد الليبيين الاصليين

مُساهمة من طرف نتنفس من الأخضر في الجمعة 24 مايو - 22:39

مزراطة ربي ينتقم منكم إن شاء الله ومنكم لله

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع

flag2  flag2  flag2  flag2  
   
avatar
نتنفس من الأخضر
 
 

الجنس : انثى
عدد المساهمات : 23128
نقاط : 30819
تاريخ التسجيل : 16/09/2011
. :
. :
. :

بطاقة الشخصية
زنقتنا: خلاص الليبيين كبودها درهت

الرجوع الى أعلى الصفحة اذهب الى الأسفل

رد: شاهد عيان من نادمي مزراطه يفضح المعتقلات العائلية السرية المدارة من الاجانب ضد الليبيين الاصليين

مُساهمة من طرف أخت الرجال في الجمعة 24 مايو - 23:34

ياريت اخى جماهيرى تغير عنوان مشاركتك لان الذى يحكى فه القصة ليس حر ومن خلال الكلمات التى كتبها تعرف أنه من عيت فبراير بس ممكن عند شوية أنسانية ( يانارى عليه )

نعم ننقل ما يقولون وخصوصا ما يكون فى مصلحتنا ولكن لا نغير الثوابت فى الموضوع . . لان كل من شارك فى دمار ليبيا وجلب الناتو حتى بالتمنى ليس حرا

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع

avatar
أخت الرجال
 
 

الجنس : انثى
عدد المساهمات : 1685
نقاط : 7282
تاريخ التسجيل : 17/09/2011
. :
. :

بطاقة الشخصية
زنقتنا: 69

الرجوع الى أعلى الصفحة اذهب الى الأسفل

رد: شاهد عيان من نادمي مزراطه يفضح المعتقلات العائلية السرية المدارة من الاجانب ضد الليبيين الاصليين

مُساهمة من طرف بلد الطيوب في السبت 25 مايو - 0:32

أخت الرجال كتب:ياريت اخى جماهيرى تغير عنوان مشاركتك لان الذى يحكى فه القصة ليس حر ومن خلال الكلمات التى كتبها تعرف أنه من عيت فبراير بس ممكن عند شوية أنسانية ( يانارى عليه )

نعم ننقل ما يقولون وخصوصا ما يكون فى مصلحتنا ولكن لا نغير الثوابت فى الموضوع . . لان كل من شارك فى دمار ليبيا وجلب الناتو حتى بالتمنى ليس حرا

أحسنتي أختي هذا ما ودتت قوله لأخينا جماهيري

زد علي ذلك تكرار مصطلح الطاغية في المقال ولهذا نتمنى من اخينا جماهيري تعديل المقال بما يتماشى مع المنتدى .

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
فإذا ما اللحن غنى ذات يوم بمصائر

فتذكر يا صديقي

أن ذاك الوقع رقصي

بين كثبان المجازر

بلد الطيوب
 
 

الجنس : ذكر
عدد المساهمات : 9996
نقاط : 15331
تاريخ التسجيل : 22/12/2011
. :
. :

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى