زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

يار مرسول

استعرض الموضوع السابق استعرض الموضوع التالي اذهب الى الأسفل

يار مرسول

مُساهمة من طرف عبدالله صابر في الخميس 24 يناير - 22:13

عمل غنائي للفنانة : العنود
http://www.zangetna.com/t65870-topic
يـــا مرسول .. ديما عهدي بيك معدّي
يـــا مرسول .. هدّي وين تجيهم هدّي
سلملي بالله عليهم ..قوللهم مشتاق أنجيهم
و هالغيبة ماهيش بيدّي .. يــا مرسول
***
يــا مرسول .. لو تلقاهم ملتمّين
يــا مرسول .. سلّم بأيديك الثنتين
مسّي على شيّاب كبار .. ناس عزايمهم داخلين
عاشو طول العمر احرار .. و شوفتهم بتزهّي العين
قوللهم لا باس عليكم .. يسترها الله خطاويكم
من غير صقرهم ما بدّي ... يــا مرسول
***
يــا مرسول .. نرجى فيك معلّق عيني
يــا مرسول .. تسرع توصلهم و تجيني
و أنشدلي عن كل حبيب .. باعدني عنه الزمان
فارقنا عنه النصيب .. زعم دافي و الا بردان
قوللهم شدة و تزول .. وصيتي وصّل يــا مرسول
كل واحد دوره بيأدّي ... يــا مرسول
***
يــا مرسول .. يــا مرسول
عاجل تمشي لموطنّا تزوره دار دار
تشيل وصيتي ليهم هلنا الثار الثار الثار
ما تطفى نار بداخلنا حتى الانتصار
يــا مرسول .. يــا مرسول
***
حلفتك بالله تصدقني في القول
تمشي ليناسي و تجيني سالم يــا مرسول
و نحلفلك ما نغمض عيني مهما الليل يطول
***
هاني جيتك .. وصلت وصيتك للكل
هاني جيتك .. و اللي قلته ليّا وصل
و نتذكر ساعة لاقيتك .. قلقان جريح و باعتني و انت زاعل
و ما نجحد في وقت ان ريتك
مانكش مليح و مكسور الخاطر ذابل
اطّمن ناسك لاقوني .. فرحو بي بالحضن خذوني
و هاللي شفته شي كثير ... من يوم لناسك عديت
جايبلك بشاير خير ... يا ما ريت و يا ما ريت
و قالولك في عهدك ديما .. ناسك مانديروش الشينة
و قالولك كيف ماتبينا .. افخر و ارفع راسك بينا
و ين تريد تهدي هدّي ... يــا مرسول
***
ريت قبايل ما زالو لك خوت و هلّ
ريت عوايل قالت وطني ما انبدل
ريت شقاكم و خو هايم .. مايرضوش حياة الذل
اطمن ناسك لاقوني .. فرحو بي بالحضن خذوني
هاللي ريته شي بديع .. مش قادر ليك انكمل
ريت عرب من نوع رفيع .. ريت حراير بتناضل
و قالولك شاغالنا حالك .. اتدلل و يزيد دلالك
و قالولك شاغلنا حالك .. تسلم لوطنك و عيالك
و أحنا معاك أنزيد تحدي .. يا مرسول
***
ريت عمامك و ريت خوالك .. و ريت عجايز و شيابين
و ريت عرب فرحو بكلامك .. حسّو بآلامك جيرانك لك مشتاقين
ريت اصحابك يانيالك واجعهم حالك .. يبكولك بدموع العين
و ريتلّك حاجات جميلة .. ريت الخيمة
و ريت نخلنا .. و مريت على كل مدينة
و ريتلّك حاجات ثمينة ..
ريت جبلنا و عوايد هلنا و الساحة الخضراء و شاطينا
و قالولي يكفي يكفينا .. تو قريّب تسمع بينا
و قالولي يكفي خلينا .. مازال معمر غالينا
نرجو فيها غير تبدّي .. يــا مرسول

عبدالله صابر
 
 

الجنس : ذكر
عدد المساهمات : 316
نقاط : 4486
تاريخ التسجيل : 17/09/2011

الرجوع الى أعلى الصفحة اذهب الى الأسفل

رد: يار مرسول

مُساهمة من طرف أميرة السلام في الخميس 24 يناير - 22:18

شكرااااااااا ليك

بصراحة اغنية روووووووووعة
كلمات والحان وصوووووووووت

تحياتي للفنانة العنود,,عمل غنائي رائع جدا

واكتر مقطع عجبني

و قالولك شاغالنا حالك .. اتدلل و يزيد دلالك
و قالولك شاغلنا حالك .. تسلم لوطنك و عيالك


تسلم خوي


Flag Flag Flag Flag
avatar
أميرة السلام
 
 

الجنس : انثى
عدد المساهمات : 9961
نقاط : 14812
تاريخ التسجيل : 20/09/2011
. :
. :

بطاقة الشخصية
زنقتنا: بنت القائد بكل اعتزاز وفخر,, ونحب الجماهيرية ,, وندعي لربي ترجع بلادنا خضوووووووووووووورية زي ما كانت ,,, كل طحلوب وطحلوبة ليهم في قلبي مكانة ما يعلمها الا ربي,, ربي يحفظهم ويحميهم كلهم كلهم,امووووورة القذافي

الرجوع الى أعلى الصفحة اذهب الى الأسفل

رد: يار مرسول

مُساهمة من طرف نتنفس من الأخضر في الخميس 24 يناير - 22:27

ما تطفى نار بداخلنا حتى الإنتصار



avatar
نتنفس من الأخضر
 
 

الجنس : انثى
عدد المساهمات : 23128
نقاط : 29735
تاريخ التسجيل : 16/09/2011
. :
. :
. :

بطاقة الشخصية
زنقتنا: خلاص الليبيين كبودها درهت

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى