حلم...................

غفيت عشيه
حلمت بـــــــــتطور أرضنا الليبيه
ياصاحبى لما
حلمت بحلم
تبــقى الجميلة عايشة فى سلم
...
ويرحل الثار ويرتــــــــــحل هالظلم
وتبقى المــــــــــــشاعر كلها حنيه
ثاريتنا عايشـــــــــــــين نفس الألم
وزادو علـــــــــــــــــمنا لونوه شويه
فجعنا الغول
ودوخة الدولة ووضـــــــــــعنا المهبول
وتمت السرقة ماشـــــــــــية بالطول
ولـــــــــــبست ستار الحقد والشرعيه
وتــــــــــــــــــمت الدولة تايهة وأتجول
كيف العبيطة التايهة المـــــــــــــنسيه
وحق اليتامـــــــــــــــى للأسف موكول
والــــــــــــــــــلى أنتخبنا ضيعوا الغيريه
وصارت أيادى الظالـــــــــــــــمين أتطول
بأسم القبيلة وبأســـــــــــــمها العرقيه
بان العار
وتــــــــــــــــــــــمت النزعة مايلة للثار
وزاد الحطب ياناســــــــــــــــــنا ف النار
وطلعن لفاعـــــــــــــــــى واجدات قويه
وبانن مـــــــــــــــــــشاكل واجدات كبار
وطلعن فتاوى تايــــــــــــــــــــهة مرزيه
وزيدوا علـــــــــــــــيهن كذب ف الأخبار
وشلة عبيطة تقودنا جـــــــــــــــــمليه
والكايــــــــــــــــــــــنة ماعاد لنا أسوار
وفوق الكواين كايـــــــــــــــــــنة مبنيه
بطلقت مواشـــــــــــــى عايثة ف الدار
فــــــــــــى نفطنا ف الدخل ف النقديه
وكثر الســـــــــــــــــــجون ومنع للزوار
وبــــــــــــــــــــكية مواطن مالقا حوليه
وفقدة ضنا الأجواد والأخــــــــــــــــــيار
والباين جميع أحزابنا وهــــــــــــــــميه
ياقاريين همومنا شـــــــــــــــن صار؟؟
فــــــــــــــى حالنا والجيش والحريه؟؟
فـــــــــــى جلسة الميتين ف القرار؟؟
ودستورنا الموئود قبل الـــــــــــــــجيه
تـــــــــــمت ســـــــــلاطه ياعليك نهار
وصار التنابز بينا بالــــــــــــــــــــــــنيه
مابـــــــــــــــين شرق وغرب بين أحرار
ومابــــــــــــــــــــين سبة ناس فدراليه
مابين طــــــــــــــــــحلب بين جرذ وفار
ومابين عدى ناس ملــــــــــــــــــيونيه
ومابين فرقة شافــــــــــــــــطة المليار
بين الشريـــــــــــــــــــعة بين علمانيه
وكثرة مناصـــــــــــــــــــب جايبة لمرار
وكثرة عواصــــــــــــــــــــم دون أهميه
يلطف صحــــــــــــــــــيح بحالنا القهار
ماعاد نبوا جرحنا لاســــــــــــــــــــيه

مشكوررررررة أختي ثورية خضراء وماقصرتي