منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

تجميعة أمثال ليبية - جزاء 4

اذهب الى الأسفل

GMT + 5 Hours تجميعة أمثال ليبية - جزاء 4

مُساهمة من طرف Zico في الخميس 14 يوليو - 19:55

1. الوالدين زي الزرب البالي.
2. الوالدين زي الصيرة كان طاحت عليك تكسرك وكان طحت عليها اتكسرك (الصيرة: سور الحجار).
3. انشد على ولدك وانشد على رفيقه.
4. تعاركت أمي وبوي ماعرفت مع من انحامي.
5. الخال والد والشاهد ربي.
6. اللي يعطي بنته ييبّس مرقدها.
7. بنت العم كيف الوزرة الحمرا كول وامسح ايدك .
8. اللي تغدى بخوك تعشابيك.
9. الوالدين زي شبكة القندول ساعيها امساعاه (القندول نبات له شوك) .
10. كل شعبة تكسر لوادها (الشعبة الساقية الصغيرة).
11. اللي قفلت الباب طيبة ، الله : لا يقفل بابه.
12. في وسط ناسك تنعرف بجناسك ، وفي غير ناسك تنعرف بلباسك.
13. اللي تفكر سوايا خوه جفاه .
14. والله لو تنتفها يا عمي ماني امبطل.
15. دير راي ولديك ساس وابني عليه.
16. اللحمة ما تكبر كان في عظمها.
17. ليد بلا أختها ما تصفقش.
18. جا ايعاون فيه على قبر أمه ، هرب بالفاس وخلاّه.
19. ما تقول ولدي نين ايفوت خشم الجرارة.
20. يا ريت لي خي حتى من هجينه.
21. اللي اديره في خوك .. ايديره فيك الزمان ، واللي أدّيره في مالك .. أيديره فيك الزمان.
22. ضني السو اللي بان منه السو .. ادعيله بالصلاح وساعده ،وجار السو اللي بان منه السو .. أرحل بالاطناب وباعده.
23. اللي من تالا النسا .. يبات في الكسا ، واللي من تالا الرجاله ايبات في شعاله.
24. بهلول من يزرع الفول .. مابين قفصه وياله ، وبهلول من ياخذ القول في صاحبه راس ماله.
25. عمك جيبك.
26. شن دخّل النساوين في حديث التريس.
27. خوك المشوم تلقاه يوم.
28. لا أختك ولا بنت عمك .. ولا التاليه من عيالك ، عليك اليا ماتت أمك .. صديق النسا ما بقالك.
29. ياريت خوتي ثلاثين.. وضنا عمي ابزايد ، لا ياكلوا لقمة الدين .. ولا يلبسوا جرد بايد.
30. اجعل اللي من تالانا يغلب.
31. الخو الخايب سلـّوم لعدا.
32. امقطره من السقف.
33. عوج العكوز من راسه.
34. كان بدا القاطر من الكربه وين يمشوا هل البيت.
35. الكدر من راس العين.
36. أم الولد ما تضحك على ام المشنو.
37. ام البنت ما تضحك على ام الشانع.
38. القربه ما تطيح على فمها والطفلة ما تتحشم من أمها
39. الغرارة الصحيحة والمرا الشحيحة.
40. على عيون الزيت تتاكل الفيتوره.
41. كان صبت اندبي وكان شحّت اندبي.
42. اللي تديره في الرخيص تلقاه في الغالي.
43. كان الولد يعرفه بوه.
44. جارك اللي ما شاف وجهك ايشوف قفاك.
45. لا جار لا نقـّال أخبار.
46. قال لها عليش تبكي ؟ أن غاب البن ايجيك الشن وان غاب الشن انجيك انا. قالت له هضا من ايش بكيت انا.
47. غير يولد ويسموه.
48. غير انقمطوا لول.
49. بنت العره تطلع حره.
50. قسم البتاتي ياتي.
51. باريك من ثلاث : الضمانه وترجيع المرا الغضبانه واستنى لين انجيك نا.
52. ضنا الشارب يخدم عـ اللحية وضنا اللحية يعثروا فيه العزايات.
53. خوك اذراعك.
54. خوك جناحك.
55. اللي شد صبع من اليد شد اليد كلها.
56. اللي عضك وقّضك لسنونك.
57. اللي ادّيره في بوك ايديره فيك ضناك.
58. فقر خوك من سعدك.
59. اللي طابقه اصنان ما يقطعاش
60. اللي يقطع ايده ما يلقاش بيش ياكل.
61. اللي ادّير في الطين تلقاه في الجبس.
62. أقتلوا اكبارهم اما اصغارهم يقتلهم عرفهم (قل المعرفة والخبرة).
63. مصارينه على الشعال.
64. صبعي رخشلي عيني.
65. اسنوني عضوا لساني.
66. ايدك ضرباتك.
67. الرحم رحمه.
68. الدم ما يرقدش.
69. وين دمك وين همك.
70. تعاركوا الاخوات جدت على البهلولات.
71. يا ريت لي وليّه في كل ثنيّه وفي كل قوس فارس.
72. الخوات يحموك في ميعاد النسا.
73. خيك ولد امك حليبه صافي .. يقطع معاك البر حتى حافي.
74. اللي تتركه اتعيش بلاه.
75. عند الله أمه ما جاباته وأخته ما حلفت بيه.
76. نشرب كاسي ونرقد مع ناسي ولا يقولوا بنت ساسي.
avatar
Zico
 
 

الجنس : ذكر
عدد المساهمات : 10444
نقاط : 16329
تاريخ التسجيل : 28/05/2011
. :
. :

الرجوع الى أعلى الصفحة اذهب الى الأسفل

GMT + 5 Hours رد: تجميعة أمثال ليبية - جزاء 4

مُساهمة من طرف ???? في الخميس 14 يوليو - 21:05

اللي اديره في خوك .. ايديره فيك الزمان ، واللي أدّيره في مالك .. أيديره فيك الزمان.....يا مداير يا لاقى....نايس خوى زيكو
avatar
????
زائر


الرجوع الى أعلى الصفحة اذهب الى الأسفل

GMT + 5 Hours رد: تجميعة أمثال ليبية - جزاء 4

مُساهمة من طرف فرح في السبت 16 يوليو - 16:56

اللى يكثرن بناته ايناسب الكلاب

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
  الى الامام ..  سنواصل الكفاح حتى النصر

مجلس أوروبا الموقع ,, http://www.echr.coe.int/ECHR/EN/Bottom/Contac
منظمة هيومن رايتس ووتش .. الموقع الالكتروني .
http://www.hrw.org/ar .. بالعربي .
http://www.hrw.org/en/contact-us .. بالانجليزي ..
inquiries@un.org منظمـــات الامــم المتحــدة : Mr. BAN KI-MOON
mail@icj-cij.org محكمة العدل الدولية
amnesty@amnesty.nl منظمة العفو الدولية
npillay@ohchr.org المنظمة الدولية لحقوق الانسان
amnestyalgeria@hotmail.com منظمه العفو الدوليه فى الجزائر
info@arabhumanrighhts.org منظمه حقوق الانسان فى الدول العربيه
infodesk@ohchr.org ( مفوض الامم المتحده السامى لحقوق الانسان )
avatar
فرح
.
.

الجنس : انثى
عدد المساهمات : 8273
نقاط : 14682
تاريخ التسجيل : 07/07/2011
. :
. :

الرجوع الى أعلى الصفحة اذهب الى الأسفل

GMT + 5 Hours رد: تجميعة أمثال ليبية - جزاء 4

مُساهمة من طرف ???? في السبت 16 يوليو - 16:57

فرح كتب:اللى يكثرن بناته ايناسب الكلاب
هههههههههه لهلهله حراام اخر شى ينااسب كلاب
avatar
????
زائر


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى