منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

تجميعة أمثال الليبية - جزاء 1

اذهب الى الأسفل

تجميعة أمثال الليبية - جزاء 1

مُساهمة من طرف Zico في الخميس 14 يوليو - 19:51

ألبس الكتّـأن ونسي مـا كـان
اذكـر الصّـيد ايجيـك
افتكّـه جحـا من قولت حـا
البـطن تجيب الصّـبّـاغ والـدّبّـاغ
البومة لو كان فيها خير ما سيبوها الصّـيّـادة
تـحطـّـه فـي القرعـة تلـقـاه في البذنجـان
التّـرك داروه مرّة والعرب داروه مونـة
تعـالى تحت الـميزاب وقول الحال حال الله
تلاقت الدّردة وأمّ الـحنك
جـاء بالشّيح والـرّيح
جنّـة وفيـها الكعك
حبـال سو طـاحن في البيـر
الحميّـر القصيّـر كلّ حدّ يركبـه
حـوت ياكل حوت وقليل الجهـد يـموت
حوش الذيـب ما يخلاي من العـظـام
خـوذ والا خلـّـي
زي الـجبّـانة تـأخذ ومتعطيش
زي الخروعة تشرب وتضايق على الشّـجر
سبسي الرّايس ميحركـش المـركب
السّـكوتـي تحته كـوتـي
صـلاة القيّـاد جـمعة وأعيـاد
صلـّـي وارفـع صبّـاتك
طـاح ويـن استـراح
طـار الـحمـام وصـفـقي يـا وزّة
عام اللّـي تاجرنـا فيه الطّـواقي ولدوا النّـاس من غير روس
عايشين مـن قلـّـة الـموت
ا لكلب لنبح لا عضّ لا جرح
كـوم أحجـار ولا هـالجـار
لـمّـا يتعاركوا لريـاح يجي الكيد ع الصّـاري
لو كان عمّـتي فيها شناب نقول للها يا عمّـي
ا للّـي اتطيبـه العمشة ياكلوه صغـارهـا
اللـّـي تخدمه طيـعه واللّـي ترهنه بيعـه
اللّـي تلمّـه النّـملة في عام يشيله الجمل في خفّـه
اللّـي تـوحل فيـه دبّرلـه
اللّـي عجبك رخصـه لوّح نصـفه
اللـّي عنـده فـي الطـّـبق
اللّـي مـا يقتل يسمّـن
اللـّي مالها كرعيـن مت تصـبّي
اللّـي يتحشّـم ياكلها في زلاغتـه
اللّـي يقولك يقـول عليك
ما يسبـق للسّـوق إلاّ الـخضـّـار
مـا يكـبر راس ليـن يشيـب راس
مـدّ سيدك عبدالسّلام حتّى بحبيل
مركب الضّراير سارت ومركب السّـلايف حارت
مش كلّ قبـّـة تحتها شيخ
مـن زبيبـة يسـكر
يأذّن فـي مـالطـة
يخيـّط فـي الشـوارع ويفصـّل في الزّنـق

ا ليّـد ينبّـتلك الشّـعر في لهـاتك
دز وليدك للغابة، يجيب مثيله م العيدان
اربط ، تلقى ما تحل
اعط للبرمة تعطيك
أكثر زيت ، حلى زميتة
اللي تتبدّد ما تجي مليانة
اللي تديره العمشة، ياكلوه ضناها
اللي ما تعرفش تندب ، علاش يموت راجلها
قرد موالف ولا غزال مخلف
في اللبس زوجة من ... وفي الشرف بنت من
قال للقبر ردلي بوي ... قالّه أنا نستنى فيك
حط الفلوس في فم المدفع يسكت
الكذاب .. أصبر شوية وانشده
زي رجل البهيم القدامية ... لا تحك ، لا تصك
كيف اللي يخرّف في حلمته لحماره
بيت رجال ولا بيت مال
البنت أم والثوب كُم
ما هم إلا هم السّلْفة، أما الحما ماشية منتلفة
عزوز ومسكت سرَّاق
الحرة تغزل بكراع حمار
كيف عمِّي كيف شريكة، كيف مبروك كيف امبيريكة
جاك ظلالك يا سدينة.
ربي يعرف ميمونة، وميمونة تعرف ربي.
فاطمة تعرف ضناها.
قعدة على قعدة، راح النهار يا سعدة.
نا مِيْر وانْت مِيْر.. ومَن يسُوْق الحَمِيْر
اللي ما تَقْدَر اتّداوِيْها حَمَلْها
امعاهم امعاهم عليهم عليهم
لا مات لا خلي هله يتعشوا
لا ايكوز لا يعطي اسكمبيل
ياكل الحوت ويحدر بالسردينة
هظا وين اعمر غنداقه هو يمضغ وهي نشاقه
قالوا للمسمار ايش خششك في الساس قال مش مني من الضرب علي الراس
الفكرونه بعد ماتدحي اتقول فكرون والا جعنه ما فكرون
avatar
Zico
 
 

الجنس : ذكر
عدد المساهمات : 10450
نقاط : 16438
تاريخ التسجيل : 28/05/2011
. :
. :

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى