منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

لبن شكوتي ما تعيفه الذبانة، رداً على السفهاء

اذهب الى الأسفل

لبن شكوتي ما تعيفه الذبانة، رداً على السفهاء

مُساهمة من طرف البرغوثي في الخميس 8 مارس - 20:05


لبن شكوتي ما تعيفه الذبانة
ضمن سلسلة تصدي شعراء بني وليد
للرد على السفهاء

من قبل للجردان موش معانا
لبن شكوتي ما تعيفه دبانة
من عيد جاي تكبر
على روسنا داير نهار مغبر
وتقول كافر في البلاد تجبر
وجايب الطير مجرعه ف سمانا
وعلى البر ياشوشاد فيه تخبر
مشمشم موري للكلاب مكانة
هوينة جفارة يا رجيم يخبر
محسوب يوم الحشر من شهدانا
ولى نكسر واعر عليه يجبر
بعد خونته للوطن زاد شنانة
والى نقولها وبيها عليك ندبر
كي قوت طيسه يرحمه مولانا
خوده كلامي وزيد فيه تدبر
ربي ذكر الحق في قرآنه
تو وين تحت الكفر جاي تكبر
تهتف معاه وترفعوا ف كتانه
كيف الي قال ، خشولها بالسيف بيكم تكبر
ملعون تقعد يلعنوك ضنانه
شبهتها بقريش يا متجبر
وشبهت سيد الخلق بالخوانة
ونقول نحكي وموش فيك معبر
منعبرك لو كان كنت حدانا
يامصطفي من قبل موش معانا
لبن شكوتي ما تعيفة دبانا
قلت انبعت اشقاها
ترى قولي من هوه لى زكاها
ومن هي لي زكت خيار ضناها
لا وطن بعنا لا انقلب مبدانا
ومن هوه الى تحت النصار جاها
جايبلنا السكار والعريانه
ومن هو الفاجر والفجور خطانا
ومن هي الفرعه الي عرفنا داها
الي يهلبه دينار للدفانة
في وين ما كفار جو يالانا
جانا خبرهم والمشكك رانا
منين شيخكم ينبح حرام فتاها
لمد علينا الضال والفتانه
ونا فتوتي فوشيك دم قراها
منسلموش الوطن للخيانة


من قبل للطليان موش معانا
لين شكوتي ما تعيفه دبانة
لايضرني لا نضره
ما تعجبة البلاد يطلع بره
مش ليبيا ولت دويلة حرة
بره انتلف عدي بعيد اخطانا
راضع حليب اسود سواد القرة
الى مرضعه يا جن يا شيطانة
والى ظلم وقلت ضقنا مره
هوينا اندفن من جيهة الجبانة
لكان اخسارة بكل خيره وشره
يا مسمحه من الوقت هلي جانا
امشي انتلف غيب معاك الجرة
الى يدل خوته تلحقة الاهانة
تو نشبحك هالوقت كيف تصره
تعض الندم تقسى على الحفيانه
وتقول خوتي وين خوك تفره
في الخلق ركبك طايفه وجدرانة
منين دمنا الي في الشكارة حره
عليك طالقة شبرين طول لسانه
عبيه درعك للعوادي دره
هرعتها ما عاد عندك قانه
نا قولتي ماهوش لينا سره


من قبل للجردان موش معانا
لبن شكوتي ما تعيفة الدبانه
يا مصطفى
من قبل شوره خايب
لا الي تلفظ قول يطلع صايب
لو كانهدا كي يقول كتايب
يجرد على شيابينا ونسانا
عجايب على هالوقت زاد عجايب
وقت انقلب للكلب في حرمانه
وشن هوه هلي قالعاته النايب
مكري كرات العبد للطليانه
وقديش من شكلك حليبه رايب
شربناه وما سدش ولا روانا
وقديش من عيلة ولدها غايب
ولي عتق مقروص جي في ودانة
من كل فية جايبين قلايب
على وجوهم تنهض الى سكرانه
لاتعرف الي طاب لا الي دايب
ولا تعرف القملات م السيبانة
وشبهتها بروس البصل ياسايب
راهو البصل واعر على البانانا

من قبل للجردان موش معانا
لبن شكوتي ما تعيفة الدبانه
يا مصطفى

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع

avatar
البرغوثي
 
 

الجنس : ذكر
عدد المساهمات : 4771
نقاط : 10443
تاريخ التسجيل : 23/05/2011

الرجوع الى أعلى الصفحة اذهب الى الأسفل

رد: لبن شكوتي ما تعيفه الذبانة، رداً على السفهاء

مُساهمة من طرف محارب الصحراء في الخميس 8 مارس - 20:22

محسوب يوم الحشر من شهدانا
ولى نكسر واعر عليه يجبر
بعد خونته للوطن زاد شنانة
والى نقولها وبيها عليك ندبر
كي قوت طيسه يرحمه مولانا


الله الله الله كلام اجواد وماينطق بيه الامن هو قرم وعقله عامر

وجاني عالجرح وقلت فيه:

ولي انكسر مصعبه يجبر

اللي جاب العار زاد عفانا

بعد تحت طاير الناتو صوته كبر

الله يلعن بلعنته الخوانا

نحنا ظننا انشد عليها تخبر

سوا فتاقرفت ولا المليانه

تخش عالمدحس والعجاج مغبر

تاريخ سجله بالخير في ديونا

نحنا عربنا في الضيوف تكبر

واللي يريد السو يجيه نبانا

سلمت ياخوي البرغوثي

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع

ماينتسى مالبال خوي جيفارا... اجعنا جنانن عاليات اديارا.... يوم ملاحم سرت..... سجل فخر ليبيا بكل جدارا

رحمك الله يا اخونا المعتصم بالله يا جيفارا العرب


ليبيا هي امي وغلاها يجري في دمي



avatar
محارب الصحراء
 
 

الجنس : ذكر
عدد المساهمات : 9353
نقاط : 16956
تاريخ التسجيل : 28/07/2011
. :
. :

الرجوع الى أعلى الصفحة اذهب الى الأسفل

رد: لبن شكوتي ما تعيفه الذبانة، رداً على السفهاء

مُساهمة من طرف بنت الرصيفه في الخميس 8 مارس - 20:41

الله الله يسلم لسان الشاعر ويسلم من كتبها وجابها

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
شكرا مرارتي لانك لم تنفجري الى الان ^_^
avatar
بنت الرصيفه
 
 

عدد المساهمات : 7542
نقاط : 14432
تاريخ التسجيل : 07/10/2011
. :
. :

الرجوع الى أعلى الصفحة اذهب الى الأسفل

رد: لبن شكوتي ما تعيفه الذبانة، رداً على السفهاء

مُساهمة من طرف المجاهدة في الجمعة 9 مارس - 19:13

لايضرني لا نضره
ما تعجبة البلاد يطلع بره
مش ليبيا ولت دويلة حرة
بره انتلف عدي بعيد اخطانا
كلمات في قمة الروعة والصدق
تسلم يا اخي

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
Flag Flag Flag
--------------------------
يا قـــــــائد ثورتنـــــــــا على دربك طوالـــــــي
avatar
المجاهدة
 
 

الجنس : انثى
عدد المساهمات : 2031
نقاط : 7434
تاريخ التسجيل : 19/09/2011
. :

الرجوع الى أعلى الصفحة اذهب الى الأسفل

رد: لبن شكوتي ما تعيفه الذبانة، رداً على السفهاء

مُساهمة من طرف ليبيا التحدى في الجمعة 9 مارس - 19:19


ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع

avatar
ليبيا التحدى
.
.

الجنس : انثى
عدد المساهمات : 19246
نقاط : 29079
تاريخ التسجيل : 16/09/2011
. :
. :
. :

بطاقة الشخصية
زنقتنا:

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى