منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

إهداء الى المبدعة بنت الرصيفه

اذهب الى الأسفل

إهداء الى المبدعة بنت الرصيفه

مُساهمة من طرف ولد الرصيفه في الإثنين 20 فبراير - 0:23

من روائع الراحل عمرو الجنجان عند احتلال الفاشيه للوطن
يتباكى من خلالها على واديه ,,,,

ياوادي بين منـاقيـر .. اسمـاك شهيــر .. مشينا و نجوك على خيــر
ياوادى فيك فــراويـــح .. و فيك مناهل و مواريـــد
و درب يبان يـنح نحيح .. جدد غير الجرة بتبيــد
شهادة انك مشكور مليح .. و فيك منازل لاجاويد
خلى غبين غير التمسيح .. وناي تقول اليوم جيد
و ياوادي فيك مطاريـــــح .. يجيبن للعـارف تنكيــد
منين يجيك العقل صحيح .. يدورد عـ العين تدوريد
زعم قبل يصير التمويـــــح .. ماريت فـــروح و لاعيـد
و لاريت شبوب بلا ريـــــح .. همت برقه بين رعاعيـد
زهى عشبه وشح ثوشيح .. تقول رقم معورج بـ الايـد
تقول غير مسيح تسييـــح .. بعد نور جــــوه رواويـــد
و جى عادالنجع مطاريـــح .. مع رق يدير عرابيــــــــد
و جحف فيه يبان شبابيـح .. و جن فوق جمال مهاديـد
رقي فوق و جنح تجنيـــح .. خذو بوره مـ الموج بعيـــد
بنو فيك بيوت مداييــــــح .. تقول بني قصور امبـاجيــد
طلق ماله معاه سراريـــح .. بدى هامل فى كل هويــد
و يفلى و يروح ترويــــــح .. اسمن لين محـــدد تحـديد
كمل عامه غير تبرديح .. و نـق ابريـر .. نزل نوه و جوك محـادير

ياوادى فيك معــــاطــن .. مناهل جود و طيب شـراب
اليوم جوابيهن ردمـــــن .. ملايا تمن غـيــــر تـــراب
و ماكانه مــــال وردهن .. صدر ضميه و طاب المقـراب
و لا كانه عـ الحــوض رطـــن .. مرجد ياسر دار ضبــاب
بعد نزح مـــاه و عطــــن .. صدر ثوب نــاوي المعـزاب
و ماكانهن قربــن ملــــن .. منازل هلهن موش قــراب
و لاريت بنات يـــزنــن .. جضارى عـدن للمحطــاب
و لاكانهن فرقـــان بنــن .. تقادن دقن فيــــك اطنـاب
ضفايف كانن غير جـــلن .. النجع اللى بيهـم نطـراب
رحل دار سماسير اشون .. نقل قيسه نـاوي المغـراب
كراميده وقـت ادعكـن .. دارن ظل تقــول سحـــــــاب
تقول قلاعـــــات و رفــن .. على غارق موجــه قــلاب
و ياوادي مانك هــايــن .. غير فاهق خـــوف و تنهـاب
طلبنا مولانــا و يحـــن .. كثير فضله و فتـــاح البـــاب
اجعن بعد الجدب يسيلــن .. رقاب الخالي يــا لحبـاب
الله يعطه شبوب يريغـــن .. يذيه مـ الناب ليا النــــاب
و يظل يمشن فيها و يجـن .. مباشر بزراعة و اعشـاب
و يظل فيك النجع مقيطــن .. فـ لمواكيــر .. يجنه الرحلان سماسيــر

ياوادى فيك منــــاعيـت .. و فيك منازل من لاويــــل
ليا كانك عطشان رويت.. تقول ترعة انهـدت مـ النيل
اليوم موحش من يوم خليـت .. تقول مانـك راي مراحيل
و لاريت سبيب مساحيت .. حضر يوم الدعكة في الميل
و ياوادى ماكنــــــك ريــت .. فريق تقادى كان طـــويـل
و لانخن فيك بنــــاويـــت .. يميحن بـ عكاس مهاديـــل
و وين على الملعـــب عديـــت .. منين كنا قبل عواويـل
و جرة منزلنــــا بالبيــــت .. ايام غلانا لـ عـــوم الجيــل
كبر دايا لين تــــرديـــــت .. يهف من الليل ليا الليــــل
بلا رادة منــى خفيــت .. و تم العقل تقــــول هبيــــل
و ياشاقي بالدهر شقيـــت .. بـلاك كبيــر .. مخلي لقصور هناشيـر
ياوادى بوغيــم نهــــــض .. منين يبان تقول غريــــــق
خلي جالك ليـن يمـرض .. تقول ماعمــرك ريت فريـق
و ماريت ركيــــب رايــض .. عزايب بان تقول عقيـــــق
و لاريتش رحل مع قض .. دهج خلى الحصحاص دقيـق
بعد رفع القيمــــة و الحظ .. وحلنا فى رفع صناديــق
بدت فينا الغيـــرة تقضض .. قريب تمزقنا تمـــزيــق
بناه و تمت غيــــر تجـــــظ .. نزل شفر الميخوذ رقيق
و لاجاك الرومــى غــــايـــظ .. قريب تديره خوك شقيـق
و لا انت بتخاف و تــــرعـــض .. من الساعة تولي رقريق
غير دفع و ترقيــق غــــرض .. كرى مربى ما بل الريـــق
عمل حتى مع الله يقـــرض .. اقبالة مافيها تدريـــــــق
عليش تشيلو فى بــوشـظ .. معيد ان مايفكش فى الضيق
عطوها ساعة و خلى تفــض .. نجيبو الضيـر .. و الا قولى نموتو خير
ياوادى جيــــت مشــــرق .. لذيذ المنزل و العشــــــرات
لو كان غير تخبر بالحــــــــق .. على حال الدنيا اللى فـات
و كنا احنى و اياك رفـــــــق .. و يارينا ايـــام لذيـــذات
اليوم يصبن فيك طــرق .. على منهل خالي الجـالات
و يامنهل بو لولب نــق .. خلـــــى ما جنـــك ورادات
و ماريت ركيـــــب لاطـــــق .. ايام عجايج قبليـــات
اليا جيته عقلــــك ينشــق.. يخلي العزوم رقيقـات
و منه فوق يبــــان بـــرق .. يذرن وديـــــان خليــات
و ما كانـــــه بجـــد لا دق .. فريق تقادى فى حنيات
و هل بيت مـــرادع يفهــق .. وسيع مداره بو ريشـات
و هل لبس جديد من الـــــرق .. من النور يدير بهــارات
و هل منزل ديما فى الــرق .. يبو غير ديار عفيـــــات
و هل مال ليا كانه طــــق .. على العالى دار حجافـات
و هل نجع جلاوي ينجــق .. كراميـــــده دارن زدوات
يعومن فى غيم الغـــــارق .. تقول فراقيط حرابـــات
كم سرير سنـــــــاه ازرق .. تقول صبايغ منشـورات
تظل فيه القود تمـــــــزق .. تفوته بيدين سـريعـات
حيا الله ياعز الراهــــق .. البل و الخيل الميدوبـــات
و المنيا عاد معاك رفــق .. تريس حضارى فى العيطات
نقالة خيـــــرة بنــــدق .. زندهن ديما مصقــــولات
و ركابة عاللي تلحـــــــق .. جلوق مطبــــق بنعــالات
بلاهم ماعندكش دنــــق .. تظل مغيليــب و تبهـــات
هذى دولة ما فيها حـــق .. اكل منها غير خيانــات
ان كان تبي روحك تمـرق .. ارمي الجرد و دير جنيكات
ارمي الواسع و البس ضيـق .. و دير قفاطين وحيشــات
و قرب للقبطان نشـــــــق .. تظل له بياع ديــــــانــــات
قادر مولانا الخالـــــــــق.. يسهل تبريم الـــــــــدولات
و الا العصملي ينتــــق .. بــدور ذكيـــر .. يخلي الكفار مكـاسيـر

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع

يـــا لجــــواد .. مـــازلتــو غـــوالـــي حتــي كـــان مشـــواري بعيــد
و يـــا لجـــــواد .. 

مــــا يرتــاح بــالي نيــن العقـــل طــرواكــم ايجــيب
و يـــا لجـــــواد ..

مـــانرضــى بوالــي ولافـــي يــوم نشتـــــاق لحبيـــب
و يـــا لجـــــواد ..
يـــا زهـــوة دلالـــي فيــكم يــوم ضنـي مــا يخيـــب



♥️ Bani Walid per sempre ♥️
avatar
ولد الرصيفه
 
 

الجنس : ذكر
عدد المساهمات : 100
نقاط : 5141
تاريخ التسجيل : 01/02/2012

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف بنت الرصيفه في الإثنين 20 فبراير - 0:28

الله الله
بارك الله فيك على الاهداء وكلمات روعه
و ياوادى ماكنــــــك ريــت .. فريق تقادى كان طـــويـل
و لانخن فيك بنــــاويـــت .. يميحن بـ عكاس مهاديـــل
و وين على الملعـــب عديـــت .. منين كنا قبل عواويـل
و جرة منزلنــــا بالبيــــت .. ايام غلانا لـ عـــوم الجيــل

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
شكرا مرارتي لانك لم تنفجري الى الان ^_^
avatar
بنت الرصيفه
 
 

عدد المساهمات : 7542
نقاط : 14528
تاريخ التسجيل : 07/10/2011
. :
. :

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف ((^حفيد_معمر^)) في الإثنين 20 فبراير - 0:38

بارك الله فيكم يا احرار~وتستاهل اختنا بنت رصيفه~ربي ما يحرمنا مش ابداعتها
Thump up Thump up

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
{{استعــــــــدو~لتحرير~الجماهيرية العظـمى}}
avatar
((^حفيد_معمر^))
 
 

الجنس : ذكر
عدد المساهمات : 5121
نقاط : 12224
تاريخ التسجيل : 17/09/2011
. :
. :

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف ابن درج في الإثنين 20 فبراير - 0:47

تستاهل اكثر

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع



الله ثم معمر وليبيا وبس
avatar
ابن درج
 
 

الجنس : ذكر
عدد المساهمات : 1160
نقاط : 6616
تاريخ التسجيل : 29/06/2011

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف بنت الرصيفه في الإثنين 20 فبراير - 0:53

بارك الله فيكم يا خوتي ربي يحفظكم اخجلتوني Embarassed

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
شكرا مرارتي لانك لم تنفجري الى الان ^_^
avatar
بنت الرصيفه
 
 

عدد المساهمات : 7542
نقاط : 14528
تاريخ التسجيل : 07/10/2011
. :
. :

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف Zico في الإثنين 20 فبراير - 1:01

affraid

avatar
Zico
 
 

الجنس : ذكر
عدد المساهمات : 10450
نقاط : 16436
تاريخ التسجيل : 28/05/2011
. :
. :

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف بنت الرصيفه في الإثنين 20 فبراير - 2:17

Zico كتب:affraid

هدا حسد ولا شنو ههههههههههه

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
شكرا مرارتي لانك لم تنفجري الى الان ^_^
avatar
بنت الرصيفه
 
 

عدد المساهمات : 7542
نقاط : 14528
تاريخ التسجيل : 07/10/2011
. :
. :

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف محارب الصحراء في الإثنين 20 فبراير - 2:29

ههههههههههههههههههههههههههههههههه

قصيده للمرحوم الجنان الوافي قمه في الروعه يا ريتك هديتها لي خير هههههههههههههههههههههههه

تستاهل نواره اكثر من هكي

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع

ماينتسى مالبال خوي جيفارا... اجعنا جنانن عاليات اديارا.... يوم ملاحم سرت..... سجل فخر ليبيا بكل جدارا

رحمك الله يا اخونا المعتصم بالله يا جيفارا العرب


ليبيا هي امي وغلاها يجري في دمي



avatar
محارب الصحراء
 
 

الجنس : ذكر
عدد المساهمات : 9353
نقاط : 17052
تاريخ التسجيل : 28/07/2011
. :
. :

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف بنت الرصيفه في الإثنين 20 فبراير - 2:30

محارب الصحراء كتب:ههههههههههههههههههههههههههههههههه

قصيده للمرحوم الجنان الوافي قمه في الروعه يا ريتك هديتها لي خير هههههههههههههههههههههههه

تستاهل نواره اكثر من هكي
حييييييييييييييييييي ع الحسد هههههههههههه
منور ولد سيدي ربي يحفظك طلعو المحسديه ههههههههه
نبصر اكيد كلكم خوتي ربي يحفظكم

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
شكرا مرارتي لانك لم تنفجري الى الان ^_^
avatar
بنت الرصيفه
 
 

عدد المساهمات : 7542
نقاط : 14528
تاريخ التسجيل : 07/10/2011
. :
. :

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف ((^حفيد_معمر^)) في الإثنين 20 فبراير - 2:48

بنت الرصيفه كتب:
محارب الصحراء كتب:ههههههههههههههههههههههههههههههههه

قصيده للمرحوم الجنان الوافي قمه في الروعه يا ريتك هديتها لي خير هههههههههههههههههههههههه

تستاهل نواره اكثر من هكي
حييييييييييييييييييي ع الحسد هههههههههههه
منور ولد سيدي ربي يحفظك طلعو المحسديه ههههههههه
نبصر اكيد كلكم خوتي ربي يحفظكم
ههههههههههههههه

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
{{استعــــــــدو~لتحرير~الجماهيرية العظـمى}}
avatar
((^حفيد_معمر^))
 
 

الجنس : ذكر
عدد المساهمات : 5121
نقاط : 12224
تاريخ التسجيل : 17/09/2011
. :
. :

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف بنت طرابلس 1 في الإثنين 20 فبراير - 13:37

احم احم نحن هنا Rolling Eyes ههههههه
تستااهل بنت الرصيفه كل خير
ربى يحفظكم ويبارك فيكم ,,
تحيــــــاتى ,,

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
وحق دم اجدادى ما تهون عليا يا تراب بلادى

avatar
بنت طرابلس 1
 
 

الجنس : انثى
عدد المساهمات : 4627
نقاط : 10567
تاريخ التسجيل : 17/09/2011
. :
. :

الرجوع الى أعلى الصفحة اذهب الى الأسفل

رد: إهداء الى المبدعة بنت الرصيفه

مُساهمة من طرف طحلب 1969 في الجمعة 24 فبراير - 0:47

بنت الرصيفة وغيرها من الأعضاء المتميزون يستحقون التقدير والثناء على مجهوداتهم ... فلهم كل الحب والمحبة ... مع الدوام والتواصل .

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
الله ومعمــــ ـــــروليبيا وبـــــ ـــــس
النصر قريب إنشاء الله
ـــــــ-ــــــ-ـــــ-ـــــ-ــــــ-ـــــــ-ـــــ

إلى الأمام .. إلى الأمام .. إلى الأمام
ثورة ثورة
avatar
طحلب 1969
 
 

الجنس : ذكر
عدد المساهمات : 466
نقاط : 5498
تاريخ التسجيل : 15/02/2012

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى