منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

الاجــواد يا وقت وين .. اللي نجعهم دوم ناير,,,,,,,,,

اذهب الى الأسفل

الاجــواد يا وقت وين .. اللي نجعهم دوم ناير,,,,,,,,,

مُساهمة من طرف بنت الرصيفه في الأحد 29 يناير - 3:30

الاجــواد يا وقت وين .. اللي نجعهم دوم ناير
دوم نارهم كابرين .. ما عمر فكروا ف الخساير
طعامه للي عابرين .. وقدرهم ع الرميس فاير
ع الباس اشداد صابرين .. صناديد تلقاهم عصاير
وع الموت يزابوا واردين .. ولا ذل م الغازي وقهاير
كي السيل يجوه حادرين .. بقرّح وزناد الدقاير
فزاعه للي جايرين .. حمالة أثقال الدباير
لذيذ عيشهم واكلين .. قوتم ما يجي ف الشكاير
بيدهم الارض حارثين .. يستنوا فغيث وبشاير
إن صابا جوه حاصدين .. رجال وصبايا حراير
وشاعر يقذر عالمراهين .. وغناي يفضفض م المراير
للذيلي ماهم تابعين .. مشهور شيخهم بالفخاير
ما يواطوا للضيم راضخين .. ولا ياكلوا حق ساير
اعفاف يباتوا جايعين .. ولا قوتم يرضوا بالصغاير
واليوم من دار الملايين .. عليه الناس تتطاير
إن بوم داروه شاهين .. قناص لخيّار الحباير
يرد فالصاع بإثنين .. فارس وما شد الذخاير
يفزّع ما هو م الفازعين .. الاعذار يديرولا كثاير
وسلطان يبقى م السلاطين .. ويا شيخ ينادوه العشاير
حدّاث يديروه زين .. وهو مانطق بالثماير
الذيول يجوه طايعين .. في جرة اجيوباً عماير
يا وقت متعاكس وشين .. واحوالاً تجيب الغثاير
ع السراق ينقال أمين .. والحق قليل النصاير
الحاصل للعوج ناظرين .. وم العمل صافن عقاير
زقوم ف البطون ماليين .. وبالرّبا رافعين القصاير

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
شكرا مرارتي لانك لم تنفجري الى الان ^_^
avatar
بنت الرصيفه
 
 

عدد المساهمات : 7542
نقاط : 14540
تاريخ التسجيل : 07/10/2011
. :
. :

الرجوع الى أعلى الصفحة اذهب الى الأسفل

رد: الاجــواد يا وقت وين .. اللي نجعهم دوم ناير,,,,,,,,,

مُساهمة من طرف عقورية حرة في الأحد 29 يناير - 3:35

سلمتي أختي
avatar
عقورية حرة
 
 

الجنس : انثى
عدد المساهمات : 990
نقاط : 7004
تاريخ التسجيل : 15/05/2011

http://www.zengtana.com

الرجوع الى أعلى الصفحة اذهب الى الأسفل

رد: الاجــواد يا وقت وين .. اللي نجعهم دوم ناير,,,,,,,,,

مُساهمة من طرف السامي في الأحد 29 يناير - 11:11

جميل هذا الوصف اختي بنت الرصيفة
وصح لسانك على هالابداع .

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
avatar
السامي
 
 

الجنس : ذكر
عدد المساهمات : 128
نقاط : 5171
تاريخ التسجيل : 27/12/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى