منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

مبادئ صدق

اذهب الى الأسفل

مبادئ صدق

مُساهمة من طرف fawzi zertit في الأحد 15 يناير - 23:18

مبداى صدق ما زيف الحياه نشقابه

ولو متت ما نرضى اندير عطابه

مازال لى كيان

ومازالت نملك قلب .. (( قلب انسان ))

ومازال عندى للعرب ميزان

بيه كلحد نعرف اسلوب اخطابه

ونرافق الزين ونكره الخوان

ونعرف انرد ه .. كلشى لصوابه

ما نرتضى العطيبه

ومبداى صدق ما نرضى اندير العيبه

واسلوب الحضارة نعرفه ترتيبه

واسلوب القدم قارى افصول اكتابه

وشهير منسبى صافى ومتسميبه

نسيم (( فجر )) من عطره الناس طرابه

عايش على مبداي

عيشت عصر لازيف لاتجداى

وانجيت للمجالس للعلل وازاي

مانى امنللى للخبر هذرابه

وعفيف نفس ماعمره انساق هواي

ورا كل من ساقه هواه وجابه

ولى درب تسابق عليه اخطاى

لا ( عوكره ) لا ( برم ) لا ( نعكابه )

لى مبادى

لا نبيع ناسى لا انخون ابلادى

ونفخر ابماضى دايرين اجدادى

ايام والفخر واعر على جيابه

والناس نحترم فيهم حضر وبوادى

ما ايهمنى (( لون )) البشر و (( ثيابه ))

ما ايهمنى ملبوس

ولا اتهمنى عيشت ثرا وفلوس

ولا تغربى قطعة ذهب مغطوس

الدنيا طويله ريحها قلابه

المهم فالرفقه ايقولوا : (( دوس ))

تلقاه وقت عازاتك سند ترقابه

عايش اسنين دلالى

ولى قدر ما عمره اكرهنى والى

كيف النداوى موكرى فالعالى

جناح حر ماننزل اديار خرابه

وعندى امعا شق السحاب تسالى

انحوز فرق ونعاود انجيب عقابه

وناكل امعلى رايمين اوكالى

عشاق الخلا والصيد والجوابه

مبادى صدق ما زيف الحيا نشقابه

ولو متت ما نرضى اندير عطابه

ـــــــ-ــــــ-ـــــ-ـــــ-ــــــ-ـــــــ-ـــــ-ــــ-ــــــ-ــــــ-ـــــــ-ـــــــ-ـــــــ-

التوقيع
avatar
fawzi zertit
مشرف
مشرف

الجنس : ذكر
عدد المساهمات : 9107
نقاط : 15999
تاريخ التسجيل : 02/06/2011
. :
. :
. :

الرجوع الى أعلى الصفحة اذهب الى الأسفل

رد: مبادئ صدق

مُساهمة من طرف عقورية حرة في الأحد 15 يناير - 23:34

تسلم خوي
avatar
عقورية حرة
 
 

الجنس : انثى
عدد المساهمات : 990
نقاط : 6754
تاريخ التسجيل : 15/05/2011

http://www.zengtana.com

الرجوع الى أعلى الصفحة اذهب الى الأسفل

رد: مبادئ صدق

مُساهمة من طرف علي عبد الله البسامي في الإثنين 16 يناير - 0:04

تشكرون يا اهل ليبيا على شعركم باللهجة المحلية لكن للاسف لا يفهمكم العالم بهذه اللهجة اكتبوا بلغة كل العرب لغة القران الكريم ليفهمكم كل الناس العربي والمترجم

علي عبد الله البسامي
 
 

الجنس : ذكر
عدد المساهمات : 3344
نقاط : 11478
تاريخ التسجيل : 22/05/2011
. :

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى