منتديات زنقتنا-منتديات شباب ليبيا الأحرار

عزيزي الزائر / عزيزتي الزائرة
يرجي التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلي أسرة المنتدي
سنتشرف بتسجيلك

إدارة المنتدي

تصبحون على وطن

اذهب الى الأسفل

تصبحون على وطن

مُساهمة من طرف zaczac في الخميس 13 أكتوبر - 23:36

بسم الله الرحمن الرحيم

أرفع راسك
زلزل أسرك
أصلك شعباً صعباً كسرك
وحد بأسك
انت المجد مقاسو مقاسك
والقهروك زوالم شمسك
كل الأيدي وكت تتماسك
تكتب نصرك
تهزم ليلك وظلمة حبسك
حرر نفسك بي إيديك
عندك زودك وحمرة عينك
ودخري الحوبة شبابك زينك
علي هتافك
أدي شراع الهنا مجدافك
خلي الخوف يخشاك ويخافك
كل الدنيا بتسأل عنك
يا مبدع ثوراتك وينك؟
انت الزيّك ما بتذل
كم من ظالم ظلمك وولى
أنا متفائل بيك وبحلم
بل متأكد ما بتتخلى
ما بتتفرج تفضل ساكت
وحفنة تقبقب في خلق الله
أنا متفائل بيك وعارف
إنك يوماُ ما بتتخلى
تبقى حديث العالم كلو
إذاعة .. إذاعة …. جريدة ..جريدة
مجلة مجلة
يملا الشاشة ثباتك
وضو عافيتك
وعلمك وقلمك وجلابيتك
وقدلة ولدك وجدلة بتك
قدرتك إنت وإمكانيتك
شامخ تبني قضيتك
وعزة بلدك ورفعة شانك
يا متعدد وواحد ابداً
تحيا العشرة البين اخوانك
ويبقى عنان السما عنوانك
* * *
أفتح... أفتح يا تاريخ أبعاد أبعاد
وأملأ عيون كل الأحفاد بالأمجاد
أفتح محضر باسم الشعب.. بخط الشعب
لوجه الشعب... لخير الشعب
سجل سجل أنحنا الغضب الواعي
ضمير الثورة على استعداد وبالمرصاد
سجل سجل لا أغلال
لا حرية بلا استبسال
استشهاد باستمرار وعلى استعداد وباستعداد
خط النار اتعبَّ وزاد
وقول للشهدا الختو الذات
وباسمنا هتفوا وبينهم وبين الموت خطوات
الجايين من قلب الشارع من ثكنات
سجل أنحنا برغم جرحنا اجتزنا المحنة
ونحن الليلة أشد ثبات
ونحن بخير ولسه وراكم فى الجايات
لسه ولسه على استعداد
وشعبنا واقف بالمرصاد
* * *
مساجينك مساجينك مساجينك
تغرد في زنازينك
عصافيراً مجرّحه بى سكاكينك
*
نغنى ..
ونحن فى أسرك
وترجف ..
يابو شنة وانت فى بيتك
سماواتك دخاخينك
*
برغمك نحن مازلنا
بنكبر بى زلازلنا
بنعشق فى سلاسلنا
وبنسخر..
من زنازينك
ولّما تهب عواصفنا
ما حيله قوانيك؟
* * *
يا شعباً تسامى..
يا هذا الهمام
تفجّ الدنيا ياما
تطلع من زحامها
زى بدر التمام
تدّى النخله طولها
والغابات طبولها
والأيام فصولها
والبذره الغمام
*
قدرك عالى قدرك
يا سامى المقام
يا ملهم
رماحك سننّاها الصدام
فى صدرك وسام
ملامح..كم تسامح
تغضب لا تلام
*
همّه وعبقريّه
ذمّه وفنجريهّ
ضد العنصريه
تحلم بالسلام
*
سدا منيعا يا وطن
يا شعب وهاج الفطن
للظلم يوما ما ركع مهما جرى
بئس الذي بيك إجترأ
تباً لعهد الجرذنة
و النهب ثم السمسرة...
*
يا شارعا
أذهلت أسماع الملا
كالبحر داوى الجلجلة
فتحت شبابيك المدن
للشمس يتشابى الخلا
*
شفت البنادق فى السماء
الضبط والربط انتمي
للشعب شعب الملحمة
الصرخة كانت همهمة
والهبة كانت ململة
*
يا شارعا سوى البدع
السجن ترباسو انخلع
تحت انفجار الزلزلة
والشعب بي أسرو اندلع
حرر مساجينو وطلع
قرر ختام المهزلة
************
ونـــــــــــــــــارنـــــــــــــــــــار حتى الانتصـــــــــــــــــــــــار ولانامت اعين الجبناء
مع تحياتي لشاعر الغلابة والمقاومة الكبير * محجوب شريف *


avatar
zaczac
 
 

الجنس : ذكر
عدد المساهمات : 79
نقاط : 5319
تاريخ التسجيل : 19/09/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى